អនុវត្តតាមគោលការណ៍របស់បក្ស និងរដ្ឋស្តីពីការអភិរក្ស និងលើកកម្ពស់អត្តសញ្ញាណវប្បធម៌ជាតិ ការងារបង្រៀន និងរៀនអក្សរ Khmer នៅខេត្ត Cà Mau តែងទទួលបានការយកចិត្តទុកដាក់ និងចង្អុលការយ៉ាងជិតស្និទ្ធពីសំណាក់គណបក្ស និងរដ្ឋអំណាចគ្រប់លំដាប់ថ្នាក់ផងដែរ។
កម្មវិធីសិល្បៈអំណរពិធីបិទវគ្គសិក្សាថ្នាក់អក្សរ Khmer នៅវត្តជ្រុងខ្មែរ (Rạch Giồng) ឃុំ Hồ Thị Kỷ។
យោងតាមទិន្នន័យពីមន្ទីរជនជាតិ និងសាសនាខេត្ត ក្នុងរដូវវិស្សមកាលឆ្នាំ ២០២៦ ទូទាំងខេត្តមានទីតាំងបង្រៀនអក្សរ Khmer ប្រហែល ៦០ កន្លែង ប្រមូលផ្តុំនៅតាមវត្តអារាម Khmer សាលាទាន និងតាមភូមិ ឃុំដែលមានលក្ខណៈគ្រប់គ្រាន់ក្នុងការបើកថ្នាក់បង្រៀន។ ចលនានេះដើរតួនាទីសំខាន់ក្នុងការថែរក្សាភាសា និងអក្សរប្រពៃណីផងដែរ។
ក្នុងអំឡុងពាក់កណ្តាលខែសីហា ទីតាំងបើកថ្នាក់បង្រៀនអក្សរ Khmer ទូទាំងខេត្តបានរៀបចំពិធីបូកសរុបដំណាលគ្នា ដើម្បីឱ្យសិស្សានុសិស្សមានពេលត្រៀមខ្លួនទៅសាលារៀនក្នុងឆ្នាំសិក្សាថ្មី។ នៅវត្តកោះដូង ឃុំ Vĩnh Phước ថ្នាក់អក្សរ Khmer រដូវវិស្សមកាលឆ្នាំ ២០២៦ មានសិស្សចំនួន ៨០នាក់ ចែកចេញជា ៣ ថ្នាក់ ដោយមាន ២ ថ្នាក់រៀននៅវត្ត និង ១ ថ្នាក់រៀននៅភូមិ Phước Thọ Tiền។ ចំណែកនៅឃុំ Hồ Thị Kỷ វិញដែលជាភូមិភាគបានរៀបចំថ្នាក់រៀនចំនួន ៥ ជាមួយនឹងសិស្សសរុបចំនួន ៩៨ នាក់ចូលរួម ដោយបានរៀបចំឱ្យសិក្សានៅវត្តជ្រុងខ្មែរ (Rạch Giồng) ភូមិ Đường Đào និងផ្ទះរបស់ប្រជាជន ដូចជាលោក Hữu Văn Kel នៅភូមិ Cây Khô ជាដើម។ ថ្នាក់រៀនប្រព្រឹត្តិទៅជាប្រចាំពីថ្ងៃចន្ទដល់ថ្ងៃសុក្ររៀងរាល់សប្តាហ៍ ដោយសិស្សានុសិស្សបានឧបត្ថម្ភឧបករសិក្សាយ៉ាងពេញលេញ។ ខ្លឹមសារបង្រៀនផ្តោតលើការបណ្តុះបណ្តាលជំនាញអាន សរសេរ និងទំនាក់ទំនងមូលដ្ឋាន ព្រមទាំងបញ្ចូលការអប់រំប្រពៃណី សីលធម៌ និងទំនៀមទម្លាប់ល្អៗផងដែរ។
តំណាងមន្ទីរ គណៈផ្នែក អង្គការមហាជន និងរដ្ឋអំណាចភូមិភាគ ជូនអំណោយដល់សិស្សានុសិស្សដែលមានស្នាដៃសិក្សាល្អ។
ថ្ងៃទី ១៧ ខែសីហា ឆ្នាំ ២០២៦ ថ្នាក់រៀនអក្សរ Khmer នៅឃុំ Hồ Thị Kỷ បានរៀបចំពិធីបិទវគ្គសិក្សានៅវត្តជ្រុងខ្មែរ (Rạch Giồng)។ គណៈកម្មាធិការប្រជាជនឃុំបានជូនលិខិតសរសើរ រួមទាំងថវិកាឃុំ ជូនបុគ្គលគំរូក្នុងកិច្ចការរៀបចំការបង្រៀន និងរៀន ព្រមទាំងបានស្ងើចសរសើរ និងជូនសៀវភៅឱ្យសិស្សដែលមានស្នាដៃឆ្នើម។
ក្នុងឱកាសបិទវគ្គបង្រៀន និងរៀនអក្សរខ្មែររដូវវិស្សមកាលឆ្នាំ ២០២៦ មន្ទីរជនជាតិ និងសាសនា មានអំណោយជូនដល់គ្រូដើម្បីលើកទឹកចិត្តស្មារតីក្នុងពេលបង្រៀន។ (ក្នុងរូបភាព៖ លោក Huỳnh Công Thiệu (ទីបួនពីឆ្វេង) ប្រធានការិយាល័យជនជាតិ នៃមន្ទីរជនជាតិ និងសាសនាខេត្ត Cà Mau ជូនអំណោយដល់លោកគ្រូបង្រៀនអក្សរ Khmer រដូវវិស្សកាលនៅទីតាំងវត្តជ្រុងខ្មែរ (Rạch Giồng) ឃុំ Hồ Thị Kỷ។
ការអភិវឌ្ឍន៍យ៉ាងពុះពោរនៃចលនាបង្រៀនអក្សរ Khmer ក្នុងរដូវវិស្សមកាលនៅខេត្តកាម៉ាវជាភស្តុតាងដ៏រស់រវើកបង្ហាញឱ្យឃើញនូវការយកចិត្តទុកដាក់របស់គណបក្ស និងរដ្ឋអំណាចគ្រប់លំដាប់ថ្នាក់ក្នុងការអភិរក្ស និងលើកកម្ពស់វប្បធម៌ជនជាតិ រួមចំណែកកសាងភូមិស្រុកកាន់តែរីកចម្រើន និងសម្បូរបែបអត្តសញ្ញាណ៕
Đờ Ni - Danh Điệp
