ប៉ុន្មានឆ្នាំកន្លងមកនេះ ប្រពៃណីចលនាកៀរគរប្រភពធនធានសង្គមភាវូបនីយកម្មសម្រាប់ក្នុងការកសាងសង់សំណង់សាធារណៈរបស់ខេត្ត Cà Mau បានរីកសាយភាយយ៉ាងខ្លាំង ដោយទាក់ទាញការចូលរួមពីប្រជាជន អាជីវកម្ម និងអង្គការសប្បុរសធម៌។ ស្ពានជាច្រើនខ្សែ រួមទាំងប្រព័ន្ធភ្លើងសម្រាប់បំភ្លឺតាមដងផ្លូវ និងផ្ទះដែលទទួលបានការឧបត្ថម្ភសម្រាប់គ្រួសារដែលមានជីវភាពជួបលំបាកត្រូវបានសាងសង់ រួមចំណែកដល់ការលើកកម្ពស់ជីវភាពរស់នៅរបស់បងប្អូនប្រជាជន និងគុណភាពខាងវិស័យហេដ្ឋារចនាសម្ព័ន្ធជនបទទៀតផង។
ស្ពាន Việc - Úc ៥៦ ត្រូវបានសម្ពោធឆ្លង និងដាក់ឱ្យប្រើប្រាស់ជាផ្លូវការ បង្កលក្ខណៈងាយស្រួលសម្រាប់បងប្អូនប្រជាជនធ្វើដំណើរទៅមក និងដឹកជញ្ជូនធានាសុវត្ថិភាពផងដែរ។
នៅភូមិ Thông Lưu A ឃុំ Vĩnh Lợi មាមីងបងប្អូនសប្បាយរីករាយខណៈពេលដែលសំណង់ស្ពាន Việc - Úc ៥៦ បានសម្ពោធ និងដាក់ឱ្យប្រើប្រាស់ជាផ្លូវការ។ ពីព្រោះនាពេលមុននេះ ដើម្បីឆ្លងព្រែកម្តងៗត្រូវធ្វើដំណើរតាមផ្លូវបទជុំដែលមានចម្ងាយប្រមាណ ២ គីឡូម៉ែត្រ តែផ្លូវបែរជាត្រូវខូចខាត ភក់ជ្រាំនៅពេលមានភ្លៀងធ្លាក់ម្តងៗជួបពិបាកក្នុងការធ្វើដំណើរទៅមក។ បច្ចុប្បន្ននេះ ស្ពានថ្មីដ៏រឹងមាំបង្កើតបានលក្ខណៈងាយស្រួលសម្រាប់បងប្អូនប្រជាជនធ្វើដំណើរទៅមក និងដឹកជញ្ជូន ព្រមទាំងសិស្សបានទៅរៀនដោយធានាសុវត្ថិភាព។
ស្ពាន Việc - Úc ៥៦ ដែលមានទទឹង ២ ម៉ែត្រ និងប្រវែង ២៦ ម៉ែត្រ សរុបថវិកាជាង ១០០ លានដុង ក្នុងនោះ គណៈកម្មាធិការរណសិរ្សមាតុភូមិ Việt Nam ឃុំ Vĩnh Lợi បានចលនាគណៈសប្បុរធម៌សង្គមនៃសមាគមពុទ្ធសាសនាខេត្តឧបត្ថម្ភជាទឹកប្រាក់ជាង ៨០ លានដុង ចំណែកនូវសល់អាស្រ័យភូមិភាគជាអ្នកបំពេញបន្ថែម។
រយៈពេលកន្លង ឃុំ Vĩnh Lợi បានចលនាសង្គមភាវូបនីកម្មកសាង និងដាក់ឱ្យប្រើប្រាស់នូវស្ពានជនបទចំនួន ៤ ខ្សែផងដែរ។
លោក Hà Phú Quí ប្រធានគណៈកម្មាធិការរណសិរ្សមាតុភូមិឃុំ Vĩnh Lợi បានមានប្រសាសន៍ថា៖ កន្លងមក ឃុំនេះបានចលនា សាងសង់ និងដាក់ឱ្យប្រើប្រាស់ស្ពានជនបទចំនួន ៤ ខ្សែគិតថារយៈពេលខាងមុខនឹងបន្តផ្តើមសាងសង់បន្ថែមចំនួន ៣ ខ្សែទៀត។ ទន្ទឹមនិងនោះ សកម្មភាពនៃការជំនួយឧបត្ថម្ភផ្ទះសម្រាប់ស្នាក់នៅជូនគ្រួសារក្រីក្រ និងគ្រួសារជួបលំបាកទាំងឡាយក៏ទទួលបានការយកចិត្តទុកដាក់ ព្រមទាំងទើបតែប្រគល់ជូនបាន ៣ ខ្នង សម្រាប់ផ្ទះមហាសាមគ្គី និងបន្តផ្តើមសាងសង់បន្ថែម ៣ ខ្នងទៀតផងដែរ។
ពិធីប្រគល់ផ្ទះមហាសាមគ្គីដែលផ្តើមពីប្រភពចលនាសង្គមភាវូបនីយកម្ម។
ការខិតខំរួមកម្លាំងរបស់រដ្ឋ ប្រជាជន និងសប្បុរសជន បានបង្កើតមុខមាត់ថ្មីសម្រាប់តំបន់ជនបទខេត្ត Cà Mau ផងដែរ។ ខណៈពេលដែលកិច្ចការងារសាធារណៈត្រូវបានបន្តសាងសង់ ហេដ្ឋារចនាសម្ព័ន្ធកាន់តែមានភាពប្រសើរឡើង ហើយការទំនាក់ទំនងមិត្តភាពរវាងភូមិស្រុក និងសង្កាត់ក៏កាន់តែរឹតបន្តឹងថែមទៀត។ នេះគឺជាតម្លៃស្នូលដែលចលនាសង្គមភាវូបនីយកម្មឆ្ពោះទៅ៖ កសាងតំបន់ជនបទដោយកម្លាំងប្រជាជន ដើម្បីផលប្រយោជន៍របស់ប្រជាជនទាំងស្រុង៕
Huyền Trang - Thanh Nhàn
