ឃុំ Hồng Dân ជាភូមិសាស្រ្តដែលមានជនរួមជាតិ Khmer រស់នៅកុះករ ស្រូបអត្រាជិត ៣០% នៃចំនួនប្រជាជនទូទាំងឃុំ។ ទោះបីជីវភាពប្រជាជនបានកែលម្អជាជំហានៗក្តី ប៉ុន្តែនៅមានគ្រួសារជាច្រើនជួបលំបាកអំពីលំនៅឋាន ជាពិសេសគ្រួសារធ្វើការស៊ីឈ្នួល ប្រាក់ចំណូលមិននឹងនរ។ គណៈកម្មាធិការប្រជាជន និងគណៈកម្មាធិការរណសិរ្សមាតុភូមិឃុំ កំណត់ថាការឧបត្ថម្ភលំនៅឋានជាភារកិច្ចស្នូលក្នុងការងារសុខមាលភាពសង្គម។
គណៈអចិន្ត្រៃយ៍នៃគណៈកម្មាធិការរណសិរ្សមាតុភូមិ Việt Nam ខេត្ត Cà Mau និងភូមិភាគអញ្ជើញចូលរួមកាត់ខ្សែបូសម្ពោធផ្ទះមហាសាមគ្គីនៅឃុំ Hưng Hội។
តាមការពិនិត្យសារឡើងវិញរបស់ភូមិភាគ បច្ចុប្បន្នទូទាំងឃុំនៅមានគ្រួសារក្រីក្រចំនួន ៣០ គ្រួសារ (ស្រូបអត្រា ០,៥៣%) និងគ្រួសារប្រកៀកបន្ទាត់ក្រ ៩៤ គ្រួសារ (ស្រូបអត្រាប្រមាណជាង ១,៦%) គ្រួសារទាំងនេះសុទ្ធតែជួបលំបាកខាងលំនៅឋាន។ ឆ្លើយតបតម្រូវការចាំបាច់នោះ កម្មវិធីសាងសង់ផ្ទះមហាសាមគ្គី បានក្លាយជាបង្អែកដ៏សំខាន់ ជួយគ្រួសារប្រជាជនជាច្រើនមានលក្ខណៈឈានឡើងជំនះការលំបាក លំនឹងសេដ្ឋកិច្ចគ្រួសារ។
ឆ្នាំនេះ បងស្រី Sơn Thị Tha Ry នៅភូមិ ខ្វែងបបែល (Cái Giá) ជាគ្រួសារមួយក្នុងចំណោមគ្រួសារដែលបានឧបត្ថម្ភសាងសង់ផ្ទះមហាសាមគ្គី។ ផ្តើមពីថវិកាឧបត្ថម្ភចំនួន ៦០ លានដុង រួមជាមួយដើមទុនសន្សំបានរបស់គ្រួសារ បងស្រីបានសាងសង់សម្រេចនូវផ្ទះមួយខ្នងយ៉ាងសមរម្យដោយសរុបតម្លៃជាង ១០០ លានដុង។
មានផ្ទះថ្មី បងស្រី Tha Ry រំភើបចិត្ត និងបាននិយាយប្រាប់ថា៖ “មានផ្ទះស្នាក់នៅស្ថេរភាព លែងខ្លាចលេចធ្លាយដូចមុនទៀតហើយ ខ្ញុំក៏ស្ងប់ចិត្តក្នុងការរកស៊ី និងចិញ្ចឹមកូនសិក្សារៀនសូត្រផងដែរ”។
ក៏នៅភូមិ ខ្វែងបបែល (Cái Giá) ជាមួយគ្នាផងដែរ បងប្រុស Sơn Huy ទទួលបានការឧបត្ថម្ភទឹកប្រាក់ ៦០ លានដុង ដើម្បីសាងសង់ផ្ទះដែលរងការទ្រុឌទ្រោមជាច្រើនឆ្នាំសាឡើងវិញ។ មានផ្ទះថ្មីសមរម្យ បង Huy សប្បាយរំភើបនិយាយប្រាប់ថា៖ “ផ្ទះចាស់ត្រូវដួលរលំអស់ហើយ បងៗកម្មាភិបាលឃុំឃើញដូច្នេះទើបបានស្នើទៅថ្នាក់លើ ធ្វើការពិចារណាដើម្បីជំនួយឧបត្ថម្ភឱ្យគ្រួសារខ្ញុំដោយទឹកប្រាក់ ៦០ លានដុង។ ខ្ញុំក៏ប្រមូល និងខ្ចីបន្ថែមបាន ១០០ លានដុង ដើម្បីសង់ផ្ទះឱ្យកាន់តែរឹងមាំ និងធំទូលាយស្អាត។ ខ្ញុំសូមអរគុណបក្ស និងរដ្ឋខ្លាំងណាស់”។
ក្តីសោមនស្សរីករាយក្នុងផ្ទះថ្មីរបស់បងស្រី Tha Ry និងបង Sơn Huy ជាភស្តុតាងជាក់ស្តែងឱ្យប្រសិទ្ធភាពនៃកម្មវិធីឧបត្ថម្ភលំនៅឋាននៅឃុំ Hưng Hội។ តាមស្ថិតិ ឆ្នាំនេះ ឃុំបានឧបត្ថម្ភសាងសង់ផ្ទះមហាសាមគ្គី ១៤ ខ្នង កម្រិតឧបត្ថម្ភមធ្យមមានចំនួន ៦០ លានដុង/មួយខ្នង ហើយក៏មានករណីកើនឡើងដល់ ៧០ លានដុងផងដែរ។ សរុបថវិកាចលនាពីមូលនិធិ “ដើម្បីជនក្រីក្រ” និងប្រភពសង្គមូបនីយកម្មសម្រេចជាង ១,៩ ពាន់លានដុង។
លោក Đặng Văn Bắc ប្រធានគណៈកម្មាធិការរណសិរ្សមាតុភូមិឃុំ បានឱ្យដឹងថា៖ “ភូមិភាគនឹងបន្តឆ្លៀតយកការឧបត្ថម្ភពីស្ថាប័នថ្នាក់លើ រួមជាមួយការជំរុញការផ្សព្វផ្សាយ បង្កើនការចលនាសប្បុរសជន រួមកម្លាំងជំនួយការឧបត្ថម្ភ ដើម្បីដោះស្រាយដាច់ស្រេចស្ថានភាពជួបលំបាកអំពីលំនៅឋានរបស់គ្រួសារក្រីក្រ និងប្រកៀកក្រលើភូមិសាស្រ្ត”។
ផ្ទះមហាសាមគ្គីទើបបានសាងសង់រួចរបស់បងស្រី Sơn Thị Tha Ry (កណ្តាល) នៅភូមិ ខ្វែងបបែល ឃុំ Hưng Hội ជួយលំនឹងលំនៅឋាន និងស្ងប់ចិត្តពលកម្ម ចិញ្ចឹមកូនសិក្សារៀនសូត្របានល្អ។
ការខិតខំជំនួយឧបត្ថម្ភខាងលំនៅឋាន បានរួមចំណែកយ៉ាងសកម្មក្នុងការកែលម្អជីវភាពជូនបងប្អូនប្រជាជន។ ឆ្នាំ ២០២៤ ប្រាក់ចំណូលមធ្យមរបស់មនុស្សម្នាក់នៅឃុំ Hồng Dân សម្រេចជាង ៧៤,៥ លានដុង/មួយឆ្នាំ។ គ្រោងគិតដល់ឆ្នាំ ២០២៥ នឹងសម្រេចប្រហែល ៧៨ លានដុង/មួយឆ្នាំ។ អត្រាគ្រួសារក្រីក្រ និងប្រកៀកបន្ទាត់ក្ររបស់ឃុំមានការថយចុះជាបន្តបន្ទាប់យោងតាមឆ្នាំនីមួយៗ។
រយៈពេលខាងមុខ ឃុំ Hưng Hội នឹងបន្តផ្តល់អាទិភាពខាងការចលនាប្រភពធនធានសង្គមូបនីយកម្ម ដើម្បីសាងសង់ និងជួសជុលផ្ទះមហាសាមគ្គីបានកាន់តែច្រើនថែមទៀត។ នេះជាដំណោះស្រាយដ៏សំខាន់ជួយភូមិភាគធានាសុខមាលភាពសង្គម ឆ្ពោះទៅកសាងឃុំ Hưng Hội ឱ្យកាន់តែស៊ីវិល័យ និងសម្បូររុងរឿង៕
Thuỳ Dung - Minh Hải
