និយាយដល់ពិធីបុណ្យប្រពៃណីរបស់សហគមន៍ជនជាតិ Hoa មិនអាចរំលងបាននូវតន្ត្រីពិធីដែលជាកត្តាដើរតួនាទីយ៉ាងសំខាន់ រួមចំណែកបង្កើតបាននូវតម្លៃ និងភាពស័ក្តិសិទ្ធិនៃពិធីជំនឿ និងវប្បធម៌។
ក្រុមភ្លេង "Tùa lo cố" ក្នុងពិធីយាងទេវតានៅសង្កាត់ Vĩnh Trạch។
ទម្រង់សិល្បៈមួយក្នុងចំណោមទម្រង់សិល្បៈពិសេស ដែលស្តុកអត្តសញ្ញាណវប្បធម៌របស់សហគមន៍ជនជាតិ Hoa គឺវង់ភ្លេង "Tùa lo cố" (តាមភាសា Triều Châu គឺ មហាគងស្គរ)។
វង់ភ្លេងនេះរួមមានឧបករណ៍តន្ត្រីសំខាន់ៗដូចជា៖ ស្គរ ឃ្មោះ ឆាប គង រួមជាមួយខ្លុយ ទ្រអ៊ូ ពិណ។ល។ នេះជាសមាសភាគមិនអាចខ្វះបាននៅក្នុងពិធីបុណ្យ និងការប្រជុំជីវភាពវប្បធម៌ ជំនឿរបស់សហគមន៍ជនជាតិ Hoa ចាប់តាំងពីពិធីថ្វាយទេវតា ប្រាថ្នាក្តីសុខ ពិធីបុណ្យចម្រើនព្រះជន្ម ពិធីបើក និងសម្ពោធ។ល។ ក្នុងនោះ បទភ្លេង "បាកទៀន" (ទេវតាប្រាំបី) បានចាត់ទុកជាបទភ្លេងគ្រូ (បទដើម) នៅក្នុងការសម្តែងសិល្បៈប្រជាប្រិយ និងការអនុវត្តពិធីសែនព្រេនជាដើម។
វង់ភ្លេងពិធីប្រគុំបទភ្លេងគ្រូ "បាកទៀន" (ទេវតាប្រាំបី) ជូនពរអាយុយឺន
យោងតាមអ្នកស្រាវជ្រាវវប្បធម៌ ពិធីបុណ្យនឹងមិនពេញលេញទេ ប្រសិនបើខ្វះភ្លេងពិធី ព្រោះភ្លេងពិធីជួយលើកកម្ពស់ភាព អធឹកអធម និងក្លាយជាពិធីមួយក្នុងចំណោមពិធីដែលមិនអាចខ្វះបានក្នុងការអនុវត្តរាល់ជំនឿផ្សេងៗទាំងឡាយ។
នេះក៏ជាមូលដ្ឋានគ្រឹះដើម្បីអភិវឌ្ឍនូវវង់ភ្លេងប្រគំភ្ជាប់ជាមួយទម្រង់សិល្បៈសម្តែងប្រជាប្រិយផ្សេងៗទៀត ដូចជា៖ ច្រៀងរឿងបុរាណ សិល្បៈរបាំ ការច្រៀងឆ្លើយឆ្លងប្រជាប្រិយ។ល។ ដែលសុទ្ធតែមិនអាចខ្វះតន្ត្រីបានឡើយ។ ជាតួយ៉ាងគឺសិល្បៈល្ខោនតៀវចូវ មិនត្រឹមតែសម្តែងនៅលើឆាកធំប៉ុណ្ណោះទេ ថែមទាំងអាចសម្តែងនៅទីធ្លាវត្ត ពិធីជប់លៀង ឬពិធីជំនឿប្រជាប្រិយ ដែលជនជាតិ Triều Châu ហៅថា "Thồ hỵ - ការច្រៀងសម្តែងនៅលើដីផ្ទាល់)។ ទម្រង់នេះមានលក្ខណៈស្រដៀងនឹងតន្ត្រី "ចំរៀងបុរាណ" ក្នុងការច្រៀងកាយចេញវិការ និងឆ្លុះបញ្ចាំងពីការលាយឡំ ផ្លាស់ប្តូរវប្បធម៌ពិសេសនៃតំបន់ដីភាគខាងត្បូងផងដែរ។
ឈុតសម្តែងសិល្បៈប្រជាប្រិយច្រៀងបញ្ចេញកាយវិការក្នុងពិធីបុណ្យ ព្រះម៉ែធរណី សង្កាត់ Bạc Liêu។
ជាក់ស្តែងបង្ហាញថា ភូមិភាគជាច្រើនបានទាញយកផលយ៉ាងមានប្រសិទ្ធភាពពីសិល្បៈប្រជាប្រិយរបស់ជនជាតិ Hoa ដើម្បីអភិវឌ្ឍវិស័យទេសចរណ៍។ ជាមួយនឹងសហគមន៍ជនជាតិ Hoa ដ៏ច្រើនកុះករ ខេត្តកាម៉ាវមានសក្តានុពលធំធេងក្នុងការប្រែក្លាយទម្រង់ភ្លេងពិធី និងសិល្បៈសម្តែងប្រជាប្រិយ ឱ្យទៅជាធនធានវប្បធម៌ដ៏ពិសេស រួមចំណែកបង្កើតភាពទាក់ទាញ និងជំរុញការអភិវឌ្ឍទេសចរណ៍ប្រកបដោយចីរភាព៕
Lâm Kiết Tường
