ប៉ុន្មានឆ្នាំកន្លងមកនេះ សមាគមពុទ្ធសាសនា Việt Nam ខេត្ត Cà Mau តែងលើកកម្ពស់តួនាទី និងទំនួលខុសត្រូវសង្គម ចូលរួមយ៉ាងសកម្មក្នុងការចលនាប្រឡងប្រណាំងស្នេហាជាតិ ព្រមទាំងការងារសុខុមាលភាពសង្គម រួមចំណែកថែទាំជីវភាពរបស់បងប្អូនប្រជាជន ជាពិសេសអ្នកទន់ខ្សោយក្នុងសង្គម។
ភិក្ខុនី ង៉ោដាវ អនុប្រធានប្រចាំការគណៈសប្បុរសធម៌សមាគមពុទ្ធសាសនាខេត្ត Cà Mau ជូនអំណោយដល់ប្រជាជនដែលជួបលំបាកនៅលើភូមិសាស្ត្រសង្កាត់ Láng Tròn។ រូបថត៖ សមាគមពុទ្ធសាសនាខេត្ត Cà Mau។
អនុវត្តយ៉ាងខ្ជាប់ខ្ជួននូវទិសស្លោកប្រតិបត្តិធម៌ "សាសនា - ជនជាតិ - សង្គមនិយម" គណៈអភិបាលសមាគមពុទ្ធសាសនា Việt Nam ខេត្ត Cà Mau ដោយផ្ទាល់គឺគណៈសប្បុរសធម៌សង្គម បានសហការយ៉ាងសកម្មជាមួយរដ្ឋអំណាចភូមិភាគ រណសិរ្សមាតុភូមិគ្រប់លំដាប់ថ្នាក់ និងអង្គការមហាជនជាទូទៅ ដើម្បីអនុវត្តសកម្មភាពសប្បុរសធម៌-សង្គម។
ជារៀងរាល់ឆ្នាំ សមាគមពុទ្ធសាសនាខេត្តបានកៀរគរថវិការាប់សិបពាន់លានដុង ដើម្បីជួយឧបត្ថម្ភសកម្មភាពសុខុមាលភាពសង្គម ដូចជា៖ សាងសង់ផ្ទះមេត្តាធម៌ជូនគ្រួសារក្រីក្រ ស្វានអណ្តូងទឹកស្អាតបម្រើជីវភាព សាងស្ពាន និងផ្លូវគមនាគមន៍ជនបទជាដើម។ ឧបត្ថម្ភដើមទុនផលិតជូនប្រជាជនដែលមានជីវភាពជួបលំបាក និងជួយសង្គ្រោះគ្រោះធម្មជាតិ។ ផ្តល់អាហារូបករណ៍ដល់សិស្ស-និស្សិតក្រីក្រដែលសង្វាតសិក្សារៀនសូត្រ។ ចិញ្ចឹមបីបាច់កុមារកំព្រា ថែទាំជនពិការ និងអ្នកជំងឺក្រីក្រ។ល។ សកម្មភាពទាំងនេះបានរួមចំណែកថែទាំ និងជួយដល់ប្រជាជនមានការលំបាក ជាពិសេសអ្នកទន់ខ្សោយនៅតំបន់ដាច់ស្រយាលរបស់ខេត្ត។ ក្រៅពីនោះ សមាគមពុទ្ធសាសនាខេត្តក៏បានកៀរគរ និងឧបត្ថម្ភទាន់ពេលវេលាដល់បងប្អូនជនរួមជាតិនៅតាមតំបន់នានាក្នុងប្រទេសដែលរងការខូចខាតដោយសារគ្រោះធម្មជាតិផងដែរ។
ទន្ទឹមនឹងនោះ ទម្រង់សប្បុរសធម៌ឆ្នើមជាច្រើនបានរក្សាដោយមូលដ្ឋានពុទ្ធសាសនា និងពុទ្ធបរិស័ទក្នុងខេត្ត កំពុងពង្រីកប្រសិទ្ធភាពយ៉ាងសកម្ម ដូចជា៖ "រួមដៃធ្វើអំពើល្អ" របស់វត្ត Phong Lợi។ ផ្ទះបាយសប្បុរសធម៌របស់វត្តប៊ូវអាន។ កម្មវិធីឧបត្ថម្ភអង្ករអស់មួយជីវិតរបស់គណៈសប្បុរសធម៌ពុទ្ធសាសនា Bạc Liêu។ កម្មវិធី "ផ្សាយចិត្តមេត្តា" របស់សមាគមសប្បុរសធម៌វត្ត Bửu Linh។ល។ ដែលបានឧបត្ថម្ភសម្ភារៈជាក់ស្តែង បន្ថែមជំនឿ និងកម្លាំងចិត្តដល់ការរស់នៅសម្រាប់ស្ថានភាពទុក្ខរលំបាកជាច្រើន។
វត្ត Bửu Linh និងវត្ត ក្វានអឹម ជំនួយឧបត្ថម្ភដល់ជនរួមជាតិដែលរងផលប៉ះពាល់ដោយគ្រោះធម្មជាតិនៅខេត្ត Đắk Lắk។ រូបថត៖ សមាគមពុទ្ធសាសនាខេត្ត Cà Mau។
ឆ្នាំ ២០២៥ ថវិកាសរុបសម្រាប់អនុវត្តសកម្មភាពសុខុមាលភាពសង្គមរបស់សមាគមពុទ្ធសាសនា Việt Nam ខេត្ត Cà Mau សម្រេចបានជាង ៩៦ ពាន់លានដុង។ ព្រះតេជគុណ Thích Giác Nghi អនុប្រធានប្រចាំការនៃគណៈអភិបាលសមាគមពុទ្ធសាសនា Việt Nam ខេត្ត មានថេរដីកាថា៖ "ពេលខាងមុខនេះ គណៈអភិបាលនឹងបន្តរួមដំណើរការជាមួយរដ្ឋអំណាចគ្រប់លំដាប់ថ្នាក់ ជំរុញសកម្មភាពសប្បុរសធម៌-សង្គម យកចិត្តទុកដាក់ថែទាំគ្រួសារក្រីក្រ អ្នកទន់ខ្សោយ ជនរួមជាតិនៅតំបន់ដាច់ស្រយាល ធានាឱ្យបានទាន់ពេលវេលា ចំគោលដៅ បង្ហាញពីស្មារតីទទួលខុសត្រូវ និងស្មារតីសាមគ្គីភាព។ ក្រៅពីនេះ រក្សាការកៀរគរមូលនិធិ ពុទ្ធសាសនារួមដៃដើម្បីជនក្រីក្រ បង្កើតប្រភពធនធានប្រកបដោយស្ថិរភាព ដើម្បីម្ចាស់ការក្នុងកិច្ចការសង្គ្រោះ និងសុខុមាលភាពសង្គមជូនប្រជាជន"។
គណៈសង្ឃខេត្តបន្តលើកកម្ពស់ទិសស្លោក "ជីវិតថ្លៃថ្លា សាសនាផូរផង់" រួមដំណើរការជាមួយគណៈកម្មាធិការបក្ស រដ្ឋអំណាច និងប្រជាជនចំពោះកិច្ចការងារសង្គម ចូលរួមយ៉ាងសកម្មក្នុងការចលនាប្រឡងប្រណាំងស្នេហាជាតិ រួមចំណែកពង្រឹងយ៉ាងរឹងមាំនូវផែនមហាសាមគ្គីទូទាំងជនជាតិទៀតផង៕
Tú Quyên
