ក្នុងដំណើរអនុវត្តបណ្តាគោលនយោបាយសុខុមាលភាពសង្គម សម្រាប់តំបន់ជនរួមជាតិភាគតិច ការឧបត្ថម្ភលំនៅឋានជូនគ្រួសារមានស្ថានភាពលំបាក តែងបានចាត់ទុកជាភារកិច្ចស្នូល។ រយៈពេលកន្លង ផ្តើមពីការឧបត្ថម្ភរបស់រដ្ឋ រួមជាមួយការព្រួតដៃរបស់អង្គការ ស្ថាប័ន និងសហគមន៍ ផ្ទះមហាសាមគ្គីជាច្រើនបានសង់ថ្មី និងកែជួសជុល នាំមកនូវភាពសប្បាយរីករាយ អំពីលំនៅឋានស្ថេរភាពជូនជនរួមជាតិ។
តំណាងថ្នាក់ដឹកនាំមូលដ្ឋាន និងបណ្តាសមាគម អង្គការមហាជន សួរសុខទុក្ខ ជូនពរគ្រួសារអ្នកមីង Thạch Thị Sương មានខ្នងផ្ទះធំទូលាយក្រោយពេលជួសជុល។
ពីប្រភពទុនអនុវត្តសេចក្តីសម្រេចលេខ ១៧១៩/QĐ-TTg របស់នាយករដ្ឋមន្ត្រីនៃរដ្ឋាភិបាល ដោយការចូលរួមយ៉ាងសកម្មរបស់រណសិរ្សមាតុភូមិ និងរដ្ឋអំណាចភូមិភាគ ផ្ទះបណ្តោះអាសន្ន ទ្រុឌទ្រោមជាច្រើន បានជំនួសដោយផ្ទះរឹងមាំ ធំទូលាយ។ តាមរយៈនោះ ជួយប្រជាជនមានកន្លែងស្នាក់នៅស្ថេរភាព ស្ងប់ចិត្តពលកម្ម ឈានឡើងក្នុងជីវភាព។
គ្រួសារអ្នកមីង Thạch Thị Sương នៅអនុសង្កាត់ Kim Cấu សង្កាត់ Vĩnh Trạch គឺជាករណីមួយក្នុងចំណោមករណីដែលទទួលបានការឧបត្ថម្ភជួសជុលលំនៅឋាន។ ពីមុន គ្រួសារគាត់រស់នៅក្នុងផ្ទះខូចខាតធ្ងន់ធ្ងរ បង្កប់ដោយហានិភ័យមិនធានាសុវត្ថិភាព។ អាស្រ័យប្រភពថវិកាឧបត្ថម្ភរបស់រដ្ឋ គ្រួសារបាន បុលប្រាក់បន្ថែម ដើម្បីសាងសង់ផ្ទះបានសម្រេចរួចរាល់។ “ឥឡូវផ្ទះសម្បែងរឹងមាំ ធំទូលាយហើយ គ្រួសារខ្ញុំដឹងគុណបក្ស រដ្ឋ និងរដ្ឋអំណាចភូមិភាគខ្លាំងណាស់” អ្នកមីង Sương រំភើបចិត្តនិយាយដូច្នេះ។
មិនត្រឹមតែគ្រួសារអ្នកមីង សឿង នោះទេ គ្រួសារជនរួមជាតិភាគតិចជាច្រើនលើភូមិសាស្ត្រសង្កាត់ Vĩnh Trạch ក៏បានបន្ថែមទីបង្អែកពីផ្ទះមេត្តាធម៌។ ពីកន្លែងរស់នៅក្នុងផ្ទះដាច់ដាច តូចចង្អៀត ឥឡូវមានកន្លែងស្នាក់នៅសុវត្ថិភាពរឹងមាំ។ មានលំនៅស្ថេរភាព បងប្អូនមាមីងមានថែមកម្លាំងចលករឈានឡើង ប្រមូលផ្តុំអភិវឌ្ឍសេដ្ឋកិច្ចគ្រួសារកែលម្អជីវភាពជាសន្សឹមៗផងដែរ។
តាមលោក Trần Thế Hiền ប្រធានគណៈកម្មាធិការរណសិរ្សមាតុភូមិ Việt Nam សង្កាត់ Vĩnh Trạch ការងារថែទាំសុខុមាលភាពសង្គម តែងបានមូលដ្ឋានយកចិត្តទុកដាក់ពិសេស។ ឆ្នាំ ២០២៥ សង្កាត់បានសហការត្រួតពិនិត្យ ស្នើ និងបានគណៈកម្មាធិការរណសិរ្សមាតុភូមិ Việt Nam ខេត្ត Cà Mau ឯកភាពឧបត្ថម្ភសាងសង់ ជួសជុលផ្ទះមហាសាមគ្គី ១៦ ខ្នង ក្នុងនោះមាន ៤ ខ្នង សម្រាប់គ្រួសារជនរួមជាតិ Khmer។ ផ្ទះទាំអនេះក្រោយពេលសម្រេចរួចរាល់ សុទ្ធតែធានាគុណភាព រួមចំណែកជួយបងប្អូនមាមីងរក្សាស្ថេរភាពជីវភាពយូរអង្វែង។
ផ្ទះមហាសាមគ្គីរបស់ជនរួមជាតិ Khmer នៅអនុសង្កាត់ Kim Cấu សង្កាត់ Vĩnh Trạch ត្រូវបានគណៈកម្មាធិការរណសិរ្សមាតុភូមិ Việt Nam ខេត្ត Cà Mau ឧបត្ថម្ភសាងសង់ថ្មី តម្លៃ ៦០ លានដុង។
ទន្ទឹមនឹងប្រភពថវិកាឧបត្ថម្ភ មូលដ្ឋាននៅទាំងចលនាថ្ងៃពលកម្មរបស់កម្មាភិបាល សម្ព័ន្ធយុវជន សមាជិកសមាគម និងប្រជាជនក្នុងតំបន់ប្រជាជន។ ការរួមដៃ ចែករំលែកនោះ រួមចំណែកពង្រីកសាយភាយស្មារតីស្រឡាញ់រាប់អានគ្នាទៅវិញទៅមក ពង្រឹងសាមគ្គីមហាសាមគ្គីជនជាតិទាំងមូល។
ផ្ទះមហាសាមគ្គីទាំងនេះ មិនត្រឹមតែនាំមកតម្លៃសម្ភារៈប៉ុណ្ណោះទេ តែនៅទាំងបង្ហាញនូវលក្ខណៈមនុស្សធម៌ដ៏ជ្រាលជ្រៅ នៃគោលនយោបាយសុខុមាលភាពសង្គម។ ពីផ្ទះមេត្តាធម៌ ជំនឿរបស់ជនរួមជាតិភាគតិចចំពោះបក្ស រដ្ឋ បន្តបានបំពូន តាមរយៈនោះបង្កើតមូលដ្ឋានសម្រាប់បងប្អូនមាមីងឈានឡើងក្នុងជីវភាព រួមដៃរួមកម្លាំងកសាងភូមិស្រុកកាន់តែសម្បូររុងរឿងអរិយធម៌៕
Kim Trúc
