ក្នុងពិធីបុណ្យទាននានារបស់បងប្អូន Khmer Nam Bộ ភ្ញៀវទេសចរណ៍ទាំងឡាយតែងចាប់អារម្មណ៍យ៉ាងខ្លាំងចំពោះសម្លៀកបំពាក់ដ៏ស្រស់ឆើតឆាយ។ តែមានមនុស្សតិចណាស់ដែលដឹងថា ព័ណ៌នៃអាវ ស្បៃ ឬសំពត់ មិនត្រឹមតែមានសោភ័ណភាពប៉ុណ្ណោះទេ ថែមទាំងផ្សារភ្ជាប់ជាមួយនឹងជំនឿ និងទស្សនៈនៃការរស់នៅទៀតផង ដោយអនុវត្តតាមក្បួនព័ណ៌ដែលត្រូវនឹងថ្ងៃនីមួយៗក្នុងសប្ដាហ៍។
សម្លៀកបំពាក់ ៧ ព័ណ៌ប្រចាំសប្ដាហ៍របស់ជនជាតិ Khmer ទោះបីបច្ចុប្បន្នមិនសូវឃើញមានក្ដី ប៉ុន្តែនៅតែមានស្នាមដានតាមរយៈក្បាច់ចម្លាក់នៅតាមវត្ត Khmer ជាច្រើនផងដែរ។
តាមជំនឿប្រពៃណីដែលទទួលឥទ្ធិពលពីវប្បធម៌ឥណ្ឌាបុរាណ និងព្រហ្មញ្ញសាសនា ថ្ងៃនីមួយៗក្នុងសប្ដាហ៍តំណាងឱ្យទេវតាមួយអង្គ និងភពមួយផងដែរ។ ជនរួមជាតិ Khmer ជឿថា ការស្លៀកពាក់ដែលមានពណ៌ត្រូវនឹងទេវតានៃថ្ងៃនោះ នឹងនាំមកនូវសិរីសួស្ដី និងសេចក្ដីសុខដល់ខ្លួន។
សប្ដាហ៍ថ្មីចាប់ផ្ដើមដោយ ថ្ងៃអាទិត្យ ជាថ្ងៃរបស់ ព្រះអាទិត្យ ដែលផ្សារភ្ជាប់នឹង ព័ណ៌ក្រហម តំណាងឱ្យរិទ្ធអំណាច និងថាមពល។ ថ្ងៃចន្ទ ជាថ្ងៃរបស់ ព្រះចន្ទ ត្រូវនឹងព័ណ៌លឿងទុំ ឬលឿងឆ្អិន បង្ហាញពីភាពទន់ភ្លន់ និងភាពទាក់ទាញ។ ថ្ងៃអង្គារ ជាថ្ងៃរបស់ ព្រះអង្គារ ជនរួមជាតិ Khmer ជ្រើសរើស ព័ណ៌ស្វាយ ដែលតំណាងឱ្យសេចក្ដីក្លាហាន។
សម្លៀកបំពាក់ ៧ ព័ណ៌ត្រូវបានក្រុមសិល្បៈ Khmer ខេត្ត ស្ដារឡើងវិញ ដើម្បីបង្ហាញពីអត្តសញ្ញាណវប្បធម៌ជាតិ។
ថ្ងៃពុធ ជាថ្ងៃរបស់ ព្រះពុទ្ធ ផ្សារភ្ជាប់នឹង ព័ណ៌បៃតង ឬព័ណ៌ល័ក្ខ ដើម្បីបួងសួងសុំក្តីសុខ និងប្រាជ្ញា។ ថ្ងៃព្រហស្បតិ៍ ផ្សារភ្ជាប់នឹងព័ណ៌លឿងខ្ចី (ព័ណ៌ខ្លាញ់មាន់) ឬបៃតងចាស់ តំណាងឱ្យភាពវាងវៃ។ ចូលដល់ ថ្ងៃសុក្រ ជាថ្ងៃរបស់ ព្រះសុក្រ លេចធ្លោដោយ ព័ណ៌ខៀវ ជាព័ណ៌នៃក្ដីស្រឡាញ់ និងសម្រាប់ខាងវិស័យសិល្បៈ។ ចុងក្រោយគឺ ថ្ងៃសៅរ៍ (ព្រះសៅរ៍) បិទបញ្ចប់សប្ដាហ៍ដោយ ព័ណ៌ស្វាយចាស់ ឬព័ណ៌ខ្មៅ បង្ហាញពីភាពម៉ឺងម៉ាត់។
សព្វថ្ងៃនេះ ទោះបីជាជីវិតសម័យទំនើបមានការផ្លាស់ប្ដូរច្រើនក្ដី ប៉ុន្តែក្នុងពិធីបុណ្យធំៗដូចជា បុណ្យចូលឆ្នាំថ្មី ឬ បុណ្យសែនដូនតា។ល។ នារី Khmer ជាច្រើននៅតែរក្សាទម្លាប់ជ្រើសរើសសម្លៀកបំពាក់តាមព័ណ៌ប្រចាំថ្ងៃផងដែរ។
ពុទ្ធបរិស័ទ Khmer ទៅវត្ត តែងជ្រើសរើសសម្លៀកបំពាក់តាមព័ណ៌ប្រចាំថ្ងៃ ដោយមានជំនឿថា នឹងនាំមកនូវសិរីសួស្ដី និងសេចក្ដីសុខសុភមង្គល។
ទំនៀមទម្លាប់នេះមិនត្រឹមតែឆ្លុះបញ្ចាំងពីជំនឿប្រជាប្រិយប៉ុណ្ណោះទេ ថែមទាំងបង្ហាញពីដួងចិត្តដ៏ប្រណិត និងក្តីប្រាថ្នារស់នៅដោយសុខដុមជាមួយធម្មជាតិ និងចក្រវាលរបស់បងប្អូន Khmer រួមចំណែកធ្វើឱ្យអត្តសញ្ញាណវប្បធម៌ Nam Bộ កាន់តែសម្បូណ៌បែបថែមទៀត៕
Đờ Ni - Danh Điệp
