អនុវត្តផែនការបោះឆ្នោតជ្រើសរើសតំណាងរដ្ឋសភា និងក្រុមប្រឹក្សាប្រជាជនគ្រប់បណ្តាថ្នាក់ សម្រាប់អាណត្តិ ២០២៦-២០៣១ តហូតមកទល់ពេលនេះ គណៈកម្មាធិការរណសិរ្សមាតុភូមិ Việt Nam ឃុំ Long Điền ក៏បានបញ្ចប់សន្និបាតពិគ្រោះយោបល់លើកទីបី ដើម្បីបញ្ចប់បញ្ជីឈ្មោះបេក្ខជនផ្លូវការសម្រាប់អ្នកតំណាងឆ្នោតនៃក្រុមប្រឹក្សាប្រជាជនឃុំ។
ពិធីចាត់តាំងសន្និបាតពិគ្រោះយោបល់ដើម្បីឧទ្ទេសនាមអ្នកឈរឆ្នោត។
យោងតាមសន្និបាតពិគ្រោះជាបីលើក បណ្តាប្រតិភូទាំងឡាយបានឯកភាពបង្កើតបញ្ជីឈ្មោះ ៣៩ នាក់ដែលគ្រប់ស្តង់ដារសម្រាប់បោះឆ្នោតតំណាងឱ្យក្រុមប្រឹក្សាប្រជាជនឃុំ Long Điền សម្រាប់អាណត្តិ ២០២៦-២០៣១។ ក្នុងការបោះឆ្នោតលើកនេះ ទូទាំងឃុំមាន ៧ អង្គភាពចូលរួមបោះឆ្នោត និង ២១ ទីតាំងបោះ ឆ្នោតនៅតាមគ្រប់បណ្តាតំបន់គ្រប់គ្រងសន្លឹកឆ្នោត។
សន្និបាតពិគ្រោះយោបល់លើកទីបី គឺជាជំហានដ៏សំខាន់ និងពេញដោយការប្តេជ្ញាចិត្តក្នុងដំណើរការបោះឆ្នោត ដើម្បីធានាការជ្រើសរើស និងឧទ្ទេសនាមបុគ្គលឆ្នើមពិតប្រាកដ ដែលមានគុណសម្បត្តិ សមត្ថភាព និងកិត្យានុភាពគ្រប់គ្រាន់ ដើម្បីតំណាងឱ្យឆន្ទៈរបស់ប្រជាជន។ ដូច្នេះ សន្និបាតពិគ្រោះយោបល់ក៏ត្រូវបានឃុំអនុវត្តយ៉ាងមឹងម៉ាត់ និងត្រឹមត្រូវតាមដំណើរការ ប្រជាធិបតេយ្យ បើកចំហ និងតម្លាភាព។
អ្នកមីង Nguyễn Bạch Vân អ្នកបោះឆ្នោតនៅភូមិ Gò Cát ឃុំ Long Điền មានប្រសាសន៍៖ “ខ្ញុំជឿជាក់លើបញ្ជីដែលបានឧទ្ទេសនាមអ្នកឈរឆ្នោតលើកនេះ។ យោងតាមជីវប្រវត្តិ និងចំណេះវិជ្ជាផ្ទាល់ខ្លួន ខ្ញុំសង្ឃឹមថា អ្នកឈរឆ្នោតទាំងឡាយប្រសិនបើបានជាប់ឆ្នោត នឹងពង្រីកសមត្ថភាពរបស់ខ្លួន ព្រមទាំងតំ ណាងឱ្យសម្លេងរបស់ប្រជាជន យកចិត្តទុកដាក់ឱ្យបានកាន់តែច្រើនថែមទៀតចំពោះការរស់នៅ និងការផលិតរបស់បងប្អូនប្រជាជននៅតំបន់ឆ្នេរសមុទ្រ Long Điền”។
ក៏ស្រដៀងគ្នានឹងអ្នកមីង Vân ផងដែរ តាមរយៈការប្រមូលមតិយោបល់ និងទំនុកចិត្តរបស់អ្នកបោះឆ្នោតនៅតំបន់លំនៅដ្ឋានរបស់ខ្លួន ភាគច្រើនអ្នកបោះឆ្នោតបានឯកភាពគ្នា ព្រមទាំងសង្ឃឹមថា អ្នកឈរឆ្នោតទាំងឡាយ ប្រសិនបើបេក្ខជនបានជាប់ឆ្នោត នឹងប្រកាន់ខ្ជាប់នូវស្មារតីទទួលខុសត្រូវ និងការលះបង់ក្នុងការបម្រើប្រជាជន រួមចំណែកកសាងភូមិភាគមួយថ្ងៃកាន់តែមានការអភិវឌ្ឍប្រសើរឡើង។
ប្រជាជនឃុំ Long Điền ស្វែងយល់ពីប្រវត្តិសង្ខេបរបស់អ្នកឈរឆ្នោត។
លោកស្រី Kiều Thị Ni ប្រធានគណៈកម្មាធិការរណសិរ្សមាតុភូមិ Việt Nam ឃុំ Long Điền បានឱ្យដឹង៖ “តាមរយៈកិច្ចប្រជុំពិគ្រោះយោបល់ និងការរៀបចំសន្និបាតដើម្បីប្រមូលយកមតិ និងធ្វើអន្តរកម្មជាមួយអ្នកបោះឆ្នោតនៅក្នុងតំបន់លំនៅដ្ឋានរបស់ឈរឆ្នោត គណៈកម្មាធិការរណសិរ្សមាតុភូមិឃុំបានវាយតម្លៃខ្ពស់លើភាពជឿទុកចិត្ត និងការឯកភាពគ្នារបស់ប្រជាជន។ អ្នកដែលបានបង្កើតបញ្ជីឈ្មោះជាផ្លូវការទាំងអស់សុទ្ធតែបំពេញតាមស្តង់ដារដែលបានកំណត់ មានគុណសម្បត្តិ សមត្ថភាព និងកិត្យានុភាពនៅក្នុងតំបន់។ ជាមួយនឹងលទ្ធផលជំហានដំបូងនេះ យើងខ្ញុំជឿជាក់ថា ការបោះឆ្នោតខាងមុខនេះ នឹងប្រព្រឹត្តិឡើងយ៉ាងល្អត្រឹមត្រូវតាមច្បាប់ ប្រជាធិបតេយ្យ គ្មានការលំអៀង និងសម្រេចបានលទ្ធផលស្របតាមការណែនាំរបស់បក្ស និងរដ្ឋ”។
ជាមួយនឹងការរៀបចំយ៉ាងហ្មត់ចត់ និងម៉ឺងម៉ាត់ សកម្មភាពនៃការពិគ្រោះយោបល់នៅឃុំ Long Điền បន្តរួមចំណែកដល់ការពង្រឹងទំនុកចិត្តរបស់អ្នកបោះ ឆ្នោត ដោយគោលបំណងជ្រើសរើសអ្នកតំណាងដែលមានសមត្ថភាព និងបញ្ញាគ្រប់គ្រាន់ ដើម្បីឆ្លើយតបតម្រូវការសម្រាប់អាណត្តិថ្មី៕
Tiến Luận - Ngọc Thắm
