ជាមួយស្មារតី និងការប្តេជ្ញាខ្ពស់ យុវជនខេត្ត Cà Mau បានត្រៀមលក្ខណៈជាស្រេចសម្រាប់ថ្ងៃបុណ្យទូទាំងប្រជាជន សរសេរបន្តនូវទំព័រសាវតាដ៏អង់អាចក្លាហានរបស់ប្រទេសជាតិ មាតុភូមិ។
បងស្រី Lê Diễm My លេឋាសម្ព័ន្ធយុវជនឃុំ Tân Lộc ជូនអំណោយ និងលើកទឹកចិត្តគ្រួសារយោធិនថ្មី។
Hữu Thành Lực ជាអ្នកមានការងារធ្វើដោយទទូលបានប្រាក់ខែនឹងនរផងដែរនៅទីក្រុង Hồ Chí Minh ដែលអាចផ្គត់ផ្គង់ជីវភាពគ្រួសារបាន។ តែខណៈពេលទទួលបានដំណឹងខាងជ្រើសទ័ព លឹក ក៏បានសូមឈប់ធ្វើការ វិលមកស្រុកកំណើតវិញដើម្បីដាក់ពាក្យសូមចូលបម្រើក្នុងជួរកងទ័ព។
“ប្អូនសង្ឃឹមថានឹងបានរួមកម្លាំងវ័យក្មេងរបស់ខ្លួនដើម្បីបុព្វកសាង និងការពារប្រទេសជាតិ។ ទោះបីជាដឹងថា ក្នុងកងជួរទ័ពមានបទបញ្ញតិមឹងម៉ាតក៏ដោយ តែប្អូនសន្យាថានឹងខិតខំលត់ដំដើម្បីសម្រេចបានស្នាដៃឆ្នើមរាល់ភារកិច្ចរបស់ខ្លួន” Lực និយាយបែបនេះ។
លោក Hữu Thol លេខាសាខាបក្សភូមិលេខ ៧ ឃុំ Tân Lộc បានកត់សម្គាល់ថា៖ ចំពោះស្មារតី និងការប្តេជ្ញាចិត្តរបស់យុវជន Hữu Thành Lực គឺជាទង្វើគួរឱ្យស្ងើចសរសេរ។ ខាសាបក្សតែងវាយតម្លៃខ្ពស់ចំពោះរាល់ករណីយុវជនស្ម័គ្រចិត្តបែបនេះ។ យើងខ្ញុំនឹងបន្តការយកចិត្តទុកដាក់ ឧបត្ថម្ភគ្រួសារយោធិនថ្មីដើម្បីមិត្តយុវវ័យដទៃទៀតលំនឹងចិត្តក្នុងការលត់ដំខ្លួនខណៈពេលចូលបម្រើក្នុងជួរកងទ័ព”។
ចំណែកនៅភូមិលេខ ៤ ឃុំ Tân Lộc យោធិនថ្មី Trần Nguyễn Trọng Nhân (កើតឆ្នាំ ២០០៧) បានត្រៀមខ្លួនរួចជាស្រេចសម្រាប់ដំណើរថ្មីរបស់ខ្លួន។ Nhân បានសរសេរពាក្យសុំស្ម័គ្រចិត្តចេញទៅបំពេញកាតព្វកិច្ចជាប្រជាពលរដ្ឋ។ ចំពោះប្រជាជន ការបានចូលបម្រើក្នុងជួរកងទ័ពមិនត្រឹមជាភារកិច្ចជាប្រជាពលរដ្ឋប៉ុណ្ណោះទេ ថែមទាំងជាក្តីស្រមៃរបស់ខ្លួនតាំងពីនៅតូចទៀតផង។
យោងតាមផែនការ ឆ្នាំ ២០២៦ ខេត្ត Cà Mau ទទួលការជ្រើទ័ពចំនួន ១.៩០០ យុវជនដើម្បីចូលបម្រើកងទ័ព។ ផ្តើមពីនោះ ស្នងការនគរបាលខេត្តក៏បានធ្វើការជម្រើសយុវជនចំនួន ៤៤៨ នាក់ផងដែរដើម្បីចូលរួមបំពេញកាតព្វកិច្ចខាងនគរបាលប្រជាជន។
អំណោយនិទាឃរដូវជាមួយនិងវាចារសួរសុខទុក្ខ និងលើកទឹកចិត្តដល់យោធិនថ្មីដើម្បីលំនឹងស្មារតីចេញទៅបម្រើក្នុងជួរកងទ័ព។
ក្នុងឱកាសអញ្ជើញចុះទៅដោយផ្ទាល់ដើម្បីសួរសុខទុក្ខ និងលើកទឹកចិត្តដល់ក្រុមគ្រួសារយោធិនថ្មីក្នុងបរិយាកាសដ៏កក់ក្តៅនៃថ្ងៃនិទាឃរដូវ បង Trần Đăng Khoa អនុលេខាសម្ព័ន្ធយុវជនខេត្ត Cà Mau បានអះអាងថា ការយកចិត្តទុកដាក់ចំពោះយុវជនដែលបានចូលបម្រើកងទ័ពគឺជាអាទិភាពចម្បង និងឈានមុខជានិច្ច។ គណៈអចិន្ត្រៃយ៍នៃសម្ព័ន្ធយុវជនខេត្តដឹកនាំយ៉ាងជិតស្និទ្ធគ្រប់លំដាប់ថ្នាក់នៃសម្ព័ន្ធយុវជនត្រូវម្ចាស់ការក្តាប់ស្ថានភាពជាក់ស្តែងរបស់គ្រួសារយោធិនថ្មីគ្រប់រូប ដើម្បីផ្តល់ការឧបត្ថម្ភទាន់ពេលវេលា។
លោក Khoa បានសង្កត់ធ្ងន់ថា៖ “អង្គការសម្ព័ន្ធយុវជនមិនត្រឹមតែដើរតួនាទីក្នុងការលើកទឹកចិត្តយុវជននៅពេលពួកគេចេញទៅបម្រើកងទ័ពប៉ុណ្ណោះទេ ប៉ុន្តែវាក៏នឹងក្លាយជាដៃគូរបស់គ្នាជានិច្ចជាកាលតាំងពីមុន និងក្រោយពេលយុវជនបានសម្រេចនូវកាតព្វកិច្ចរបស់ពួកគេ។ យើងខ្ញុំតែងឱ្យតម្លៃខ្ពស់លើការកសាង “ស្ពានតភ្ជាប់” ទំនុកចិត្ត ដោយជួយយុវជនឱ្យមានជំនឿយ៉ាងមុតមាំថែមទៀត។ ជាពិសេស ការឧបត្ថម្ភយោធា ដូចជាការពិគ្រោះអំពីអាជីព និងស្វែងរកការងារសម្រាប់យុវជនបន្ទាប់ពីពួកគេត្រូវបានបញ្ចប់ភារកិច្ច នឹងត្រូវបានអនុវត្តជាប្រព័ន្ធ ដោយជួយពួកគេមានអនាគតស្ថិរភាពបន្ទាប់ពីយុវជនបានលះបង់ដើម្បីជាតិ មាតុភូមិ”៕
Trịnh Hải
