រូបភាពសត្វគ្រុឌ គឺជានិមិត្តសញ្ញាដ៏មានឥទ្ធិពល និងពិសិដ្ឋបំផុតក្នុងស្ថាបត្យកម្មវត្ត Khmer ទាំងឡាយនៅតំបន់ Nam Bộ ។ មិនត្រឹមតែជាគ្រឿងតុបតែងលម្អប៉ុណ្ណោះទេ គ្រុឌមានវត្តមាននៅតាមសរសព្រះវិហារ សាលា។ល។ ជាមួយនឹងរូបរាងដ៏មានអានុភាពខ្លាំង ស្លាបធំលាត្រដាង និងក្រញ៉ាំជើងលាតសន្ធឹង ដូចជាកំពុងទ្រទ្រង់រចនាបទនៃសំណង់ទាំងមូល ដែលតំណាងឱ្យកម្លាំងការពារ និងសេចក្តីប្រាថ្នាដើម្បីឆ្ពោះទៅរកពន្លឺដ៏ភ្លឺស្វាង។
រូបចម្លាក់សត្វគ្រុឌដែលមានរូបរាងដូចមនុស្ស តែក្បាលជាសត្វ ដៃទាំងពីរទ្រដំបូលព្រះវិហារ
រូបចម្លាក់អណ្តែតសត្វគ្រុឌនៅតាមខ្លោងទ្វារវត្ត។
យោងតាមរឿងរ៉ាវដែលកត់ត្រា គ្រុឌគឺជាយានជំនិះភ្នំរបស់ព្រះវិស្ណុនៅក្នុងទេវកថាឥណ្ឌា។ ឆ្លងកាត់សម័យកាល និងការដោះប្តូរវប្បធម៌ រូបភាពសត្វគ្រុឌបានជាប់ទាក់ទងគ្នាយ៉ាងស្អិតល្មួត ជាមួយនឹងជីវភាពវប្បធម៌ជំនឿផ្លូវចិត្ត ព្រមទាំងសោភ័ណភាពរបស់សហគមន៍ Khmer ដោយវិវត្តន៍ពីរូបភាពតំណាងឱ្យរឹទ្ធិអំណាចសុទ្ធសាធទៅជានិមិត្តរូបនៃការការពារសច្ចៈធម៌នៃព្រះពុទ្ធសាសនា ព្រមទាំងរក្សាភាពបរិសុទ្ធនៃបរិស្ថានវត្តអារាម។
យោងតាមស្នាដៃរបស់សិប្បករ Khmer រូបភាពសត្វគ្រុឌបានក្លាយជានិម្មិតសញ្ញាតំណាងឱ្យកម្លាំងអានុភាព និងចិត្តបុណ្យផងដែរ។
ចាប់ពីខ្លោងទ្វារវត្ត រហូតដល់ព្រះវិហារ កុដិ សាលា យើងអាចបានឃើញរូបភាពសត្វគ្រុឌគ្រប់ទីកន្លែង។ រូបសំណាកនេះច្រើនតែត្រូវបានដាក់នៅផ្នែកខាងលើក្បាលសសរ តំណាងឱ្យការទ្រទ្រង់ព្រះវិហារផងដែរ។ តាមរយៈដៃរបស់សិប្បករ Khmer រូបភាពសត្វគ្រុឌ មិនត្រឹមតែ "ការពារដំបូលព្រះវិហារប៉ុណ្ណោះទេ ថែមទាំងជួយទ្រទ្រង់ជីវិតវិញ្ញាណរបស់សហគមន៍ និងផ្ញើនូវក្តីសង្ឃឹមសម្រាប់ខាងកម្លាំងចិត្តដើម្បីឆ្ពោះទៅកាន់អំពើល្អ។ ទោះបីជាមានការផ្លាស់ប្តូរទម្រង់ក្នុងរយៈពេលប៉ុន្មានឆ្នាំមកនេះក៏ដោយ រូបភាពសត្វគ្រុឌនៅតែជានិមិត្តរូបដ៏ស្រស់ស្អាតខាងកម្លាំង ភាពសុចរិត និងភាពដ៏ពិសិដ្ឋក្នុងវប្បធម៌ Khmer Nam Bộ ៕
Danh Nguyên
