សន្និបាតជួបជុំអ្នកបោះឆ្នោតគឺជាឱកាសសម្រាប់បក្ខជនអ្នកឈរឆ្នោតបានជួបដោះដូរជាមួយអ្នកបោះឆ្នោត ព្រមទាំងសម្តែងពីឆន្ទៈរបស់ខ្លួនចំពោះប្រទេសជាតិ មាតុភូមិខណៈពេលដែលខ្លួនបានជាប់ឆ្នោតតំណាងឱ្យប្រជាជន។ ផ្តើមពីនោះ ក៏ជាឱកាសសម្រាប់ប្រជាជនអ្នកបោះឆ្នោតសម្តែងពីតម្រូវការ និងផ្ញើនូវក្តីសង្ឃឹមរបស់ខ្លួនលើអ្នកឈរឆ្នោតពេលដែលបានជាបើឆ្នោតក្លាយជាអ្នកតំណាងឆ្នោត។ សន្និបាតនេះបានប្រព្រឹត្តឡើងដោយផ្តោតលើស្មារតី និងក្តីសង្ឃឹមរបស់ប្រជាជន ព្រមទាំងផ្តោតលើភាពស្មោះត្រង់ ប្រជាធិបតេយ្យ និងបើកទូលាយផងដែរ។
/អ្នកឈរឆ្នោតវ័យក្មេងទាំង ៥ រូបបញ្ចេញទឹកមុខពេញដោយក្តីសង្ឃឹមសម្រាប់ការបោះឆ្នោតតំណាងក្រុមប្រឹក្សាប្រជាជន
ឃុំ Hồ Thị Kỷ អាណត្តិ ២០២៦-២០៣១
ថ្មីៗនេះ នៅអាគារវប្បធម៌ភូមិ Câu Khô គណៈកម្មាធិការអចិន្ត្រៃយ៍នៃគណៈកម្មាធិការរណសិរ្សមាតុភូមិ Việt Nam ឃុំ Hồ Thị Kỷ បានរៀបចំកិច្ចប្រជុំដើម្បីជួបជាមួយអ្នកបោះឆ្នោត និងផ្សព្វផ្សាយពីការបោះឆ្នោតជ្រើសរើសអ្នកតំណាងឱ្យក្រុមប្រឹក្សាប្រជាជនឃុំសម្រាប់អាណត្តិ ២០២៦-២០៣១ នៅអង្គភាពបោះឆ្នោតលេខ ៧ ដោយមានអ្នកបោះឆ្នោតចំនួន ៩០ នាក់ចូលរួម។
អង្គភាពបោះឆ្នោតលេខ ៧ រួមមាន ២ ភូមិ Đường Đào និងភូមិ Cây Khô ដោយមានបេក្ខជនអ្នកឈរឆ្នោតចំនួន ៥ រូប៖ លោក Lê Minh Đăng មេបញ្ជាការយោធាឃុំ Hồ Thị Kỷ; ព្រះតេជគុណ Hữu Nhiều ចៅអធិការវត្ត ជ្រុងខ្មែរ (Rạch Giồng); អ្នកស្រី Dương Lan Thanh ប្រធានសមាគមសហព័ន្ធនារីឃុំ Hồ Thị Kỷ; អ្នកស្រី Vưu Thị Diễm My សមាជិកគណៈកម្មាធិការរណសិរ្សមាតុភូមិ Việt Nam ឃុំ Hồ Thị Kỷ; និងអ្នកស្រី Trần Thị Lượng ប្រធានសាខាសមាគមនារីភូមិ Cây Khô។
នៅសន្និបាតនេះ បន្ទាប់ពីបានស្តាប់សមមិត្ត Võ Minh Trí ប្រធានគណៈកម្មាធិការរណសិរ្សមាតុភូមិ Việt Nam ឃុំ Hồ Thị Kỷ ឧទ្ទេសនាមដោយសង្ខេបអំពីជីវប្រវត្តិរបស់បេក្ខជនអ្នកឈរឆ្នោតទាំងឡាយ បក្ខជនម្នាក់ៗបានបង្ហាញជាបន្តបន្ទាប់នូវកម្មវិធីសកម្មភាពរបស់រៀងខ្លួនប្រសិនបើបានជាប់បោះឆ្នោតជ្រើសរើសជាតំណាងក្រុមប្រឹក្សាប្រជាជនឃុំសម្រាប់អាណត្តិ ២០២៦-២០៣១។
ទិដ្ឋភាពនៃសន្និបាតជួបជុំអ្នកបោះឆ្នោត
បេក្ខជនទាំងអស់បានបង្ហាញពីការតាំងចិត្តផ្នែកខាងនយោបាយដ៏រឹងមាំ ដោយបញ្ជាក់ពីការប្តេជ្ញាចិត្តរបស់រៀងខ្លួនក្នុងការខិតខំប្រឹងប្រែងគ្រប់សព្វបែប យ៉ាង និងធ្វើសកម្មភាពយ៉ាងម៉ឺងម៉ាត់ គឺនិយាយបាន ត្រូវតែធ្វើបាន និងតែងផ្តល់អាទិភាពសម្រាប់ផលប្រយោជន៍របស់ប្រជាជនលើសពីអ្វីៗទាំងអស់។ ពួកគេក៏បានសន្យាថានឹងបំពេញភារកិច្ចរបស់ខ្លួនឱ្យបានល្អក្នុងនាមជាតំណាងរាស្ត្រជាប់ឆ្នោត ដោយតួនាទីជា “ស្ពានតភ្ជាប់” រវាងអ្នកបោះឆ្នោតជាមួយរដ្ឋអំនាចភូមិភាគ និងស្ថាប័នពាក់ព័ន្ធ រិះគន់ និងស្នើដំណោះស្រាយភ្លាមៗ ដើម្បីជំនះការលំបាក និងគ្រប់ឧបសគ្គទាំងពួង បង្កលក្ខណៈអំណោយផលសម្រាប់ការអភិវឌ្ឍស្រុកទេ និងបន្តកែលម្អគុណភាពសេវាសាធារណៈ ពង្រឹងការគ្រប់គ្រងដីធ្លី និងការការពារបរិស្ថាន ដោយផ្តោតលើការវិនិយោគហេដ្ឋារចនាសម្ព័ន្ធ ព្រមទាំងយកចិត្តទុកដាក់ចំពោះសុខុមាលភាពសង្គម រក្សាការពារជាតិ និងសន្តិសុខ លើកកម្ពស់លទ្ធិប្រជាធិបតេយ្យនៅថ្នាក់មូលដ្ឋាន។ល។
ជាមួយស្មារតីប្រជាធិបតេយ្យ ស្មោះត្រង់ និងមានទំនួលខុសត្រូវ អ្នកបោះឆ្នោតបានជំរុញឱ្យបេក្ខជនយកចិត្តទុកដាក់ និងស្នើដល់ផ្នែកសមត្ថកិច្ចដែលពាក់ព័ន្ធដើម្បីពិនិត្យ និងដោះស្រាយរាលើបញ្ហាលំបាករបស់ភូមិភាគ។ ទន្ទឹមនិងនោះ អ្នកបោះឆ្នោតជាច្រើនបានសម្តែងការជឿទុកចិត្ត និងវាយតម្លៃខ្ពស់ចំពោះលក្ខណៈសម្បត្តិ សមត្ថភាព និងបទពិសោធន៍ក្នុងការងាររបស់បេក្ខជននីមួយៗ។ ពួកគេជឿជាក់លើកម្មវិធីសកម្មភាពដែលបានបង្ហាញជាធរមានផងដែរ។ ហើយពួកគេក៏សង្ឃឹមដែរថា អ្នកតំណាងរាស្ត្របន្ទាប់ពីបានជាប់ឆ្នោតនឹងរក្សាភាពស្មោះត្រង់ខាងនយោបាយរបស់ខ្លួន បង្កើនគុណភាពការងារ និងសក្តិសមជាមួយការជឿទុកចិត្តរបស់ប្រជាជន។
អ្នកបោះឆ្នោតបញ្ចេញមតិយោបល់ក្នុងពិធីជួបជុំ
តំណាងឱ្យបេក្ខជនអ្នកឈរឆ្នោត លោក Lê Minh Đăng បានទទួលយកយ៉ាងហ្មត់ចត់ចំពោះមតិយោបល់ដ៏ស្មោះស្ម័គ្ររបស់អ្នកបោះឆ្នោត ហើយខ្លួនក៏បានអះអាងដែរថា នេះគឺជាមូលដ្ឋានគ្រឹះដ៏សំខាន់មួយសម្រាប់បេក្ខជនដើម្បីបន្តកែលម្អកម្មវិធីសកម្មភាពរបស់ខ្លួន ដោយកំណត់យ៉ាងច្បាស់លាស់នូវការទទួលខុសត្រូវ និងកំណត់ទិសដៅសម្រាប់សកម្មភាព ប្រសិនបើត្រូវបានជ្រើសរើសជាអ្នកតំណាងក្រុមប្រឹក្សាប្រជាជនឃុំសម្រាប់អាណត្តិ ២០២៦-២០៣១៕
Danh Điệp
