ក្រោយការរៀបចំឡើងវិញនូវអង្គភាពរដ្ឋបាល ខេត្ត Cà Mau មានជនរួមជាតិ Khmer ជិត ២៧.០០០ គ្រួសារ ជាមួយមនុស្សរាយជាង ១១៦.៦០០ នាក់ និងប្រព័ន្ធវត្តអារាមព្រះពុទ្ធសាសនាថេរវាទ Khmer ដ៏វិសេសវិសាលចំនួន ២៨ វត្ត។ មកដល់ពេលនេះ អាស្រ័យដោយការងារឃោសនាយ៉ាងសម្បូរបែប និងមានប្រសិទ្ធភាព បណ្តាគ្រឹះស្ថានសាសនា និងបងប្អូនពុទ្ធបរិស័ទ Khmer បានត្រៀមជាស្រេចសម្រាប់ថ្ងៃបោះឆ្នោតអ្នកតំណាងរដ្ឋសភានីតិកាលទី XVI និងអ្នកតំណាងក្រុមប្រឹក្សាប្រជាជនគ្រប់លំដាប់ថ្នាក់ អាណត្តិ ២០២៦-២០៣១។
ប៉ុន្មានថ្ងៃនេះ វត្តជ្រុងខ្មែរ (Rạch Giồng) ព្រះសង្ឃតែងរួមបញ្ចូលការផ្សព្វផ្សាយអំពីការបោះឆ្នោតនាពេលខាងមុខ ដើម្បីឱ្យពុទ្ធបរិស័ទអនុវត្តល្អនូវសិទ្ធិ និងកាតព្វកិច្ចពលរដ្ឋរបស់ខ្លួន។
ឃុំ Hồ Thị Kỷ មាន ៧ អង្គភាពបោះឆ្នោត និង ១៦ មណ្ឌលបោះឆ្នោត។ នេះគឺជាភូមិភាគដែលមានជនរួមជាតិ Khmer រស់នៅកុះករ ប្រមូលផ្តុំនៅភូមិ Đường Đào និងភូមិ Cây Khô។ លើភូមិសាស្ត្រឃុំមានវត្ត Khmer ដ៏ធំមួយ គឺជាចំណុចភ្លឺក្នុងការងារឃោសនា ចលនាមហាជន និងជា "ស្ពានតភ្ជាប់" រវាងឆន្ទៈបក្សជាមួយចិត្តប្រជាជន។
ព្រះតេជគុណ Hữu Nhiều ព្រះចៅអធិការវត្ត ជ្រុងខ្មែរ (Rạch Giồng) មានសង្ឃដីកាថា៖ "នាពេលថ្មីៗនេះ ក្នុងវគ្គសកម្មភាពសាសនាដ៏សំខាន់ៗ ដូចជាថ្ងៃពេញបូណ៌មី និងដាច់ខែ ក្រោយពេលអនុវត្តរួចរាល់នូវរាល់ពិធីបុណ្យតាមបែបសាសនា វត្តតែងរួមបញ្ចូលការឃោសនាផ្សព្វផ្សាយអំពីគោលការណ៍ណែនាំ និងគោលនយោបាយរបស់បក្ស និងរដ្ឋ ជាពិសេសគឺការបោះឆ្នោតនាពេលខាងមុខនេះ។ យើងខ្ញុំតែងលើកទឹកចិត្តពុទ្ធបរិស័ទឱ្យតាមដានព័ត៌មានតាមកាសែត និងវិទ្យុ ទូរទស្សន៍ ដើម្បីក្តាប់ច្បាស់ពេលវេលា និងទីកន្លែងបោះឆ្នោត ហើយអនុវត្តឱ្យបានពេញលេញនូវសិទ្ធិ និងកាតព្វកិច្ចពលរដ្ឋ"។
ភាពម្ចាស់ការរបស់អ្នកមុខអ្នកការសាសនា មិនត្រឹមជួយឱ្យបងប្អូនយល់ច្បាស់ពីបទប្បញ្ញត្តិច្បាប់ស្តីពីការបោះឆ្នោតប៉ុណ្ណោះទេ ថែមទាំងបំផុសនូវស្មារតីទទួលខុសត្រូវចំពោះស្រុកកំណើត និងប្រទេសជាតិទៀតផង។ ក្រោយបណ្តាពិធីបុណ្យក្នុងវត្ត នៅភូមិ Đường Đào បរិយាកាសនៃការពិភាក្សាអំពីបទដ្ឋានរបស់អ្នកតំណាងឆ្នោតបានប្រព្រឹត្តទៅយ៉ាងឱឡារឹក បង្ហាញពីការយកចិត្តទុកដាក់របស់ជនរួមជាតិ Khmer ចំពោះការបោះឆ្នោត។
មិនត្រឹមតែក្នុងរាល់ការជួបជុំប្រមូលផ្តុំប៉ុណ្ណោះទេ ការងារឃោសនាផ្សព្វផ្សាយថែមទាំងបានអនុវត្តយ៉ាងដិតដល់សម្រាប់គ្រប់គ្រួសារទាំងឡាយដោយយោងតាមរយៈអ្នកមានកិត្យានុភាព។ លោក Sơn Xà Phál អ្នកមានកិត្យានុភាពនៅភូមិ Cây Khô បានចែករំលែកថា៖ "ក្រៅពីសកម្មភាពនៅវត្ត នៅតាមតំបន់ដែលខ្ញុំរស់នៅ ខ្ញុំតែងម្ចាស់ការផ្លាស់ប្តូរ និងរំលឹកបងប្អូនអំពីថ្ងៃ និងម៉ោងបោះឆ្នោតជាប្រចាំ។ ជាពិសេសគឺបកស្រាយឱ្យបងប្អូនយល់ថាអំពីសន្លឹកឆ្នោតនីមួយៗថាមិនត្រឹមតែបង្ហាញពីសិទ្ធិបុគ្គលប៉ុណ្ណោះទេ ថែមទាំងជាក្តីជំនឿដែលខ្លួនបានផ្ញើជូនចំពោះជួរអ្នកតំណាងថ្មីៗ ដែលមានទាំងគុណធម៌ សមត្ថភាព និង សមត្ថភាព ដើម្បីរ៉ាប់រងភារកិច្ចដ៏ធ្ងន់ធ្ងរនៅចំពោះមុខប្រជាជន និងប្រទេសជាតិទៀតផង"។
ប្រជាជនស្វែងយល់ព័ត៌មានលម្អិតអំពីបេក្ខជនឈរឈ្មោះបោះឆ្នោត នៅមណ្ឌលបោះឆ្នោតភូមិ Cây Khô។
អាស្រ័យការចូលរួមព្រមៗគ្នានៃប្រព័ន្ធនយោបាយ បណ្តាអ្នកមុខអ្នកការ និងព្រះសង្ឃ ព្រមទាំងជនរួមជាតិ Khmer លើភូមិសាស្ត្រខេត្ត ក្តាប់បានល្អនូវដំណើរការបោះឆ្នោតតាមទម្រង់រដ្ឋអំណាចមូលដ្ឋាន ២ ថ្នាក់។ ការបិទប្រកាសបញ្ជីឈ្មោះម្ចាស់សន្លឹកឆ្នោតនៅតាមតំបន់ដែលមានជនជាតិភាគតិចរស់នៅកុះករ ក៏ត្រូវបានអនុវត្តដោយបើកចំហ និងតម្លាភាព បង្កើតបាននូវការឯកភាពខ្ពស់។
ក្នុងបណ្តាថ្ងៃនេះ ចាប់ពីទីក្រុងរហូតដល់តំបន់ជនបទ និងតំបន់ជនរួមជាតិ Khmer រស់នៅកុះកររបស់ខេត្ត Cà Mau ព័ណ៌ក្រហមនៃទង់ជ្វាលា បដា និងពាក្យស្លោកបានរំលេចឡើងយ៉ាងស្រស់ត្រកាលនៅគ្រប់ទីកន្លែង។ ជាមួយការត្រៀមលក្ខណៈយ៉ាងដិតដល់ និងស្មារតីទទួលខុសត្រូវខ្ពស់ ជនរួមជាតិ Khmer កំពុងឆ្ពោះទៅកាន់ថ្ងៃបុណ្យទូទាំងប្រជាជន ជាមួយក្តីជំនឿក្នុងការជ្រើសរើសបានអ្នកតំណាងដ៏ឆ្នើមៗ រួមចំណែកកសាងស្រុកកំណើត និងប្រទេសជាតិឱ្យកាន់តែមានភាពរីកចម្រើនក្នុងដំណាក់កាលថ្មី៕
Chim Đôn Ta - Chanh Đa
