កាលពីថ្ងៃទី ១៥ ខែមីនា ឆ្នាំ ២០២៥ បានក្លាយជាព្រឹត្តិការណ៍ប្រវត្តិសាស្រ្តសម្រាប់បក្ខភាគ និងប្រជាជនខេត្ត Cà Mau ទាំងមូលខណៈពេលដែលការបោះឆ្នោតតំណាងរដ្ឋសភានីតិកាលទី ១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិកាល ២០២៦ - ២០៣១ របស់ខេត្តដែលសម្រេចបានជោគជ័យល្អដោយអត្រាអ្នកទៅបោះឆ្នោតស្ទើគ្រប់ចំនួន។
ប្រជាជនចូលរួមបោះឆ្នោតនៅមណ្ឌលបោះឆ្នោតនៃអនុសង្កាត់លេខ ១៦ សង្កាត់ An Xuyên។
យោងតាមសេចក្តីរាយការណ៍របស់គណៈកម្មាធិការរៀបចំការបោះឆ្នោតខេត្ត ក្នុងចំណោមអ្នកបោះឆ្នោតសរុបទាំងអស់ចំនួន ១.៧៤៦.៥៤១ នាក់ អ្នកបោះ ឆ្នោតទៅទាំងខេត្តមានចំនួន ១.៧៤៥.៥៣៦ នាក់បានចូលរួមបោះឆ្នោត សម្រេចអត្រាគួរឱ្យចាប់អារម្មណ៍ ៩៩,៩៤%; ក្នុងនោះមាន ៤៧/៦៤ ឃុំ និងសង្កាត់សម្រេច ១០០% នៃអ្នកបោះឆ្នោត។ ក្នុងនោះ មាន ២ទីតាំងបោះឆ្នោតប្រចាំនៅកោះ ហនក្វាយ ភូមិ Rạch Thọ ឃុំ Đất Mũi និងកោះ Hòn Khoai ភូមិលេខ ១ ឃុំ Sông Đốc សម្រេចភារកិច្ចបោះឆ្នោតមុនកាលកំណត់នៅថ្ងៃទី ១៣ ខែមីនា ដោយមានអ្នកចូលរួមបោះឆ្នោត ១០០%។
ទោបីជានៅតាមតំបន់ឆ្នេរសមុទ្រ និងច្រកទ្វារមួយចំនួន ការធ្វើដំណើរទៅបោះឆ្នោតដោយផ្លូវទឹកមានភាបលំបាកយ៉ាងណាក្តី តែស្មារតីជាអ្នកបោះឆ្នោតរបស់មាមីងបងប្អូនតំបន់ជនជាតិភាគតិច និងអ្នកនេសាទគ្រប់រូបតែងខ្នះខ្នែងដើម្បីបានចូលរួមបោះឆ្នោតដោយផ្ទាល់ដៃ។ ប្រព័ន្ធផ្សាយសម្លេងក៏មិនបញ្ឈប់ដែរសម្រាប់ឃោសនាផ្សព្វផ្សាយទិវាបុណ្យរបស់ទូទាំងប្រជាជនដើម្បីបានប្រព្រឹត្តិទៅយ៉ាងជោគជ័យល្អ។
សមមិត្ត Ngô Vũ Thăng អនុប្រធានគណៈកម្មាធិការប្រជាជនខេត្ត និងជាអនុប្រធានគណៈកម្មាធិការរៀបចំការបោះឆ្នោតខេត្ត បានបញ្ជាក់ថា៖ “ការបោះឆ្នោតនៅលើភូមិសាស្ត្រខេត្តត្រូវបានរៀបចំឡើងស្របតាមច្បាប់ ធានាបាននូវភាពឧឡារិក លទ្ធិប្រជាធិបតេយ្យ សុវត្ថិភាព និងប្រឹតសំចៃផងដែរ”។
ការរៀបចំយ៉ាងហ្មត់ចត់នៃប្រព័ន្ធនយោបាយទាំងមូលបានបង្កើតអារម្មណ៍រំភើប និងទំនុកចិត្តក្នុងប្រជាជនទាំងពេលដែលមាមីងបងប្អូនកាន់សន្លឹកឆ្នោតក្នុងដៃដើម្បីអនុវត្តសិទ្ធិជាប្រជាពលរដ្ឋរបស់ខ្លួន។ សមមិត្ត Hồ Trung Việt សមាជិកអចិន្ត្រៃយ៍នៃគណៈកម្មាធិការបក្សខេត្ត និងជាប្រធានឃោសនាអប់រំ និងចលនាបក្សខេត្ត បានអះអាងថា៖ “ការរំលឹកដាស់តឿនស្មារតីដោយមឹងម៉ាត់របស់អ្នកបោះឆ្នោតបានសឱ្យឃើញថា គុណភាពនៃការបោះឆ្នោតកាន់តែមានភាពប្រសើរឡើង។ ទាំងនេះបានសម្តែងពីប្រព័ន្ធនយោបាយយ៉ាងជ្រាលជ្រៅ និងបង្ហាញពីសាមគ្គីភាពរវាងឆន្ទៈរបស់បក្ស និងទឹកចិត្តប្រជាជនទៀតផង”។
បន្ទាប់ពីការបោះឆ្នោតបានបញ្ចប់ទភ ប្រព័ន្ធនយោបាយផ្តើមពីថ្នាក់ខេត្តរហូតដល់ភូមិភាគក៏ បានចាប់ផ្តើមការងារបន្តក្រោយការបោះឆ្នោត ធានានូវវឌ្ឍនភាពនៃភារកិច្ចតាមបទប្បញ្ញត្តិ ខណៈពេលដែលផ្តោតលើការរៀបចំក្បាលម៉ាស៊ីននៃរដ្ឋភិបាល។ នេះជាជំហានត្រៀមដ៏សំខាន់មួយដើម្បីសម្រេចការអនុវត្តគោលបំណងរបស់អ្នកបោះឆ្នោតតំណាងរាស្ត្រ។
ដោយមានទីតាំងបោះឆ្នោតសរុបចំនួន ១.៦០៤ កន្លែង ខេត្ត Cà Mau សម្រេចបានអត្រាអ្នកបោះឆ្នោតស្ទើគ្រប់រូប។
សមមិត្ត Nguyễn Hồ Hải លេខាធិការនៃគណៈកម្មាធិការបក្សខេត្ត និងជាប្រធានគណៈកម្មាធិការបញ្ជាណែនាំការបោះឆ្នោតខេត្ត បានសង្កត់ធ្ងន់ថា៖ “ការបោះឆ្នោតដ៏ជោគជ័យនេះ គឺជាចំណុចដ៏សំខាន់ខ្លាំងណាស់សម្រាប់ដំណាក់កាលថ្មី គឺបោះឆ្នោតដើម្បីជ្រើសរើសតំណាងក្រុមប្រឹក្សាប្រជាជន ដែលជាអ្នកតំណាងឱ្យសិទ្ធិ និងផលប្រយោជន៍ស្របច្បាប់របស់ប្រជាជននៅភូមិភាគ។ គុណភាពនៃអ្នកតំណាងរដ្ឋសភារបស់ខេត្ត នឹងរួមចំណែកដល់ការងារនីតិបញ្ញត្តិ និងការត្រួតពិនិត្យកំពូលរបស់រដ្ឋសភាមួយថ្ងៃកាន់តែមានភាពតឹងរ៉ឹង និងស្របច្បាប់ផងដែរ”។
ការបោះឆ្នោតជ្រើសរើសតំណាងរដ្ឋសភានីតិកាលទី ១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិឆ្នាំ ២០២៦ - ២០៣១ ដែលត្រូវបានបញ្ចប់មិនត្រឹមតែជាចំនួនលេខសម្រាប់ខាងស្មារតីទទួលខុសត្រូវប៉ុណ្ណោះទេ ថែមទាំងជាមួយនឹងទំនុកចិត្តដ៏រឹងមាំរបស់ប្រជាជនខេត្ត Cà Mau ទាំងមូលសម្រាប់ការអភិវឌ្ឍប្រកបដោយចីរភាពនៃមាតុភូមិរបស់ពួកគេដំណាក់កាលថ្មី៕
Nguyễn Quốc
