នៅពាក់កណ្តាលនៃចុងឆ្នាំ ២០២៥ ខេត្ត Cà Mau បានចាប់បំផុសចលនាប្រពៃណីប្រឡងប្រណាំង “រយៈពេល ១៨០ ថ្ងៃ ក្នុងគោលបំណងកំណើន ៨,៨% -៦ ខែចុងឆ្នាំ” ដើម្បីជំរុញកំណើនសេដ្ឋកិច្ច លើកកម្ពស់ជីវភាពរស់នៅជូនប្រជាជន និងសម្រេចគោលដៅអភិវឌ្ឍន៍ប្រចាំឆ្នាំ។ ក្នុងការអនុវត្តយុទ្ធនាការនេះ មន្តីរជនជាតិ និងសាសនាបានកំណត់គោលដៅយ៉ាងសំខាន់មួយ៖ ឧបត្ថម្ភជីវភាពរស់នៅសម្រាប់គ្រួសារជនជាតិភាគតិចក្រីក្រ និងគ្រួសារប្រកៀកបន្ទាត់ក្រប្រមាណជាង ១២០ គ្រួសារ។ លទ្ធផលនានំមកនូវភាពជាក់ស្តែងខ្ពស់ មិនត្រឹមតែជួយគ្រួសារឱ្យជម្នះលើការលំបាកទាំងឡាយ និងកែលម្អជីវិតរបស់ខ្លួនបន្តិចម្តងៗប៉ុណ្ណោះទេ ថែមទាំងកសាងទម្រង់សេដ្ឋកិច្ចប្រកបដោយចីរភាពសម្រាប់ស្ថិរភាពរយៈពេលយូរអង្វឬងផងដែរ។
ផ្តើមពីការឧបត្ថម្ភដំបូងរបស់មន្ទីរជនជាតិ និងសាសនា អ្នកមីង ថាច់ធីហឿង ក៏បានពង្រឹងសេដ្ឋកិច្ច សន្សឹមៗឈានឡើងក្នុងការរស់នៅ។
ដើម្បីសម្រេចបាននូវគោលដៅដែលបានកំណត់ប្រកបដោយប្រសិទ្ធភាព មន្ទីរជនជាតិ និងសាសនាបានអនុវត្តដំណោះស្រាយយ៉ាងទូលំទូលាយមួយ។ គ្រួសារទាំងឡាយទទួលបានការណែនាំអំពីការជ្រើសរើសទម្រង់ផលិតសមស្រប ចាប់ពីការចិញ្ចឹមបសុសត្វ និងដាំដំណាំ រហូតដល់អាជីវកម្មក្នុងស្រុកខ្នាតតូច។ កម្មាភិបាលរបស់មន្ទីរក៏បានផ្តល់ការបណ្តុះបណ្តាលបច្ចេកទេស ផ្ទេរបច្ចេកវិទ្យា និងការណែនាំដោយផ្ទាល់អំពីការគ្រប់គ្រងការផលិត ផ្តើមពីនោះក៏ជំនួយឧបត្ថម្ភរចនាម៉ាកប្រអប់ និងស្លាកសញ្ញា សាងម៉ាកយីហោ និងការតភ្ជាប់ទីផ្សារ ដែលអាចឱ្យគ្រួសារទាំងឡាយមានទំនុកចិត្តនាំយកផលិតផលរបស់ខ្លួនទៅកាន់ភ្ញៀវអតិថិជន។
លទ្ធផលយ៉ាងច្បាស់លាស់៖ គ្រួសារជាច្រើនបានបង្កើនផលិតផលការងារពី ២០-៤០% ប្រាក់ចំណូលជាមធ្យមកើនឡើង ១.៥-៣ លានដុង/ខែ ធ្វើឱ្យជីវិតរស់ឈានទៅចាកផុតក្រចីរភាព។ ប្រជាជនបានផ្លាស់ប្តូរពីផ្នត់គំនិតអកម្មទៅជាវិធីសាស្រ្តអាជីវកម្មដែលមានប្រព័ន្ធ និងផែនការត្រឹមត្រូវ។
អ្នកស្រី Thạch Thị Hường នៅភូមិ Tân Điền B ឃុំ Thanh Tùng បានចែករំលែកថា៖ “អាស្រ័យទទួលបានការណែនាំអំពីច្ចេកទេស និងការឧបត្ថម្ភខាងជីវភាពរស់នៅ ខ្ញុំក៏បានផ្តើមបង្កើតទម្រង់ចិញ្ចឹមសត្វ រួមផ្សំជាមួយនឹងការជួញដូរខ្នាតតូចនៅផ្ទះ។ ប្រាក់ចំណូលក៏មានភាពប្រសើរឡើង គ្រួសារ មានលក្ខណៈល្អដើម្បីគិតគូរឱ្យកូនសិក្សារៀនសូត្រទៀតផង”។
ប្រពៃណីនេះថែមទាំងបង្កើតឥទ្ធិពលសង្គមយ៉ាងទូលំទូលាយផងដែរ។ ប្រជាជនបានយល់យ៉ាងឆាប់រហ័សនូវបច្ចេកទេសថ្មីៗ គ្រប់គ្រងប្រភពធនធានប្រកបដោយប្រសិទ្ធភាព និងខិតខំកែលម្អយ៉ាងសកម្ម។ លោក Lý Quốc Khánh ប្រធានសមាគមកសិករនៅភូមិលេខ ១៦ ឃុំ U Minh បានឱ្យដឹង៖ “ប្រពៃណីនេះមិនត្រឹមតែនាំមកនូវតម្លៃសម្រាប់ផ្នែកខាងសម្ភារៈប៉ុណ្ណោះទេ ថែមទាំងផ្លាស់ប្តូរផ្នត់គំនិតក្នុងការផលិតរបស់បងប្អូនប្រជាជនទៀតផង ព្រមទាំងម្ចាស់ការដើម្បីចូលជិតទីផ្សារ និងបង្កើនបរិមាណផល”។
ផ្តើមពីទន្ទឹងរង់ចាំការឧបត្ថម្ភ បងប្អូនជនរួមជាតិភាគតិចខេត្ត Cà Mau ក៏បានខិតខំប្រឹងប្រែងឈានឡើង និងម្ចាស់ការក្នុងការរស់នៅ។
ឆ្លងកាត់រយៈពេល ១៨០ ថ្ងៃដែលបានជំនួយកម្លាំង គ្រួសារជនជាតិភាគតិចក្រីក្រ និងប្រកៀកបន្ទាត់ក្រជាង ១២០ គ្រួសារដែលមានការផ្លាស់ប្តូរយ៉ាងសកម្មខាងផ្នត់គំនិតតាំងពីនិយមពឹងលើជំនួយ ក្លាយទៅជាម្ចាស់ការឈានឡើងសម្រាប់ការអភិវឌ្ឍសេដ្ឋកិច្ច។
លោកស្រី Nguyễn Thu Tư នាយិកាមន្ទីរជនជាតិ និងសាសនា បានសង្កត់ធ្ងន់ថា៖ “យើងខ្ញុំមិនបញ្ឈប់ត្រឹមការឧបត្ថម្ភចំពោះមុខប៉ុណ្ណោះទេ គឺសម្រាប់ការឆ្ពោះទៅកាន់ជីវភាពនឹងនរសម្រាប់ជនរួមជាតិភាគតិច។ ការរួមដំណើរការណែនាំបំណិនខាងបច្ចេកទេស ការគ្រប់គ្រងផលិត និងការតភ្ជាប់ទៅទីផ្សារ ជួយប្រជាជនធ្វើជាម្ចាស់ក្នុងការរស់នៅ។ ប្រពៃណី ១៨០ ថ្ងៃ គឺជាភស្តុតាងដែលបង្ហាញឱ្យឃើញថា នៅពេលដែលយើងរាល់គ្នាត្រូវបានផ្តល់ចំណេះដឹង ជំនាញ និងឱកាស នឹងក្លាយជាមជ្ឈមណ្ឌលសម្រាប់បង្កើតតម្លៃ និងការអភិវឌ្ឍយ៉ាងពិតប្រាកដ”៕
Nguyễn Đào
