គណៈកម្មាធិការប្រជាជនខេត្ត Cà Mau ទើបបានចាត់តាំងយ៉ាងឱឡារឹកខួបអនុស្សាវរីយ៍លើកទី ៨០ ឆ្នាំ នៃប្រពៃណីគ្រប់គ្រងរដ្ឋសម្រាប់កិច្ចការជនជាតិ (ថ្ងៃទី ៣ ឧសភា ឆ្នាំ ១៩៤៦ - ថ្ងៃទី ៣ ឧសភា ឆ្នាំ ២០២៦)។ អញ្ជើញចូលរួមសមមិត្ត Trần Thị Hoa Ry អនុប្រធានក្រុមប្រឹក្សាកិច្ចការជនជាតិនៃរដ្ឋសភា។ ចំពោះថ្នាក់ដឹកនាំខេត្តវិញ រួមមាន៖ លោក Nguyễn Hồ Hải សមាជិកគណៈប្រតិបត្តិការមជ្ឈិមបក្ស លេខាបក្សខេត្ត ប្រធានគណៈប្រតិភូតំណាងរដ្ឋសភាខេត្ត និងសមមិត្ត Huỳnh Quốc Việt អនុលេខាប្រចាំការបក្សខេត្ត សមមិត្ត Lữ Quang Ngời អនុលេខាបក្សខេត្ត ប្រធានគណៈកម្មាធិការប្រជាជនខេត្ត និងជាអនុលេខាបក្សខេត្ត ប្រធានគណៈកម្មាធិការរណសិរ្សមាតុភូមិ Việt Nam ខេត្ត Cà Mau ព្រមទាំងសមមិត្ត Ngô Vũ Thăng អនុប្រធានគណៈកម្មាធិការប្រជាជនខេត្តផងដែរ។
សមមិត្ត ង្វៀនហូហាយ សមាជិកអចិន្ត្រៃយ៍នៃគណៈប្រតិបត្តិការមជ្ឈិមបក្ស លេខាធិការបក្សខេត្ត ជាមួយសមមិត្ត លឺក្វាងងើយ អនុលេខាធិការបក្សខេត្ត ប្រធានគណៈកម្មាធិការប្រជាជនខេត្ត ជូនរូបសញ្ញាថ្លែងអំណរគុណដល់អតីតទទួលបន្ទុកខាងវិស័យកិចការជនជាតិគ្រប់ដំណាក់កាល។
ថ្លែងយោបល់ក្នុងពិធីរំលឹកខួបលើកទី ៨០ នៃការកសាង និងអភិវឌ្ឍវិស័យគ្រប់គ្រងរដ្ឋសម្រាប់កិច្ចការជនជាតិ លោកស្រី Nguyễn Thu Tư នាយិកានៃមន្ទីរជនជាតិ និងសាសនា បានឱ្យដឹង៖ ខេត្ត Cà Mau មានជនជាតិភាគតិចជាង ១៥៧ ពាន់នាក់ ស្មើនឹងជាង ៦.៥% នៃចំនួនប្រជាជនសរុបទូទាំងខេត្ត ដែលភាគច្រើនជាជនជាតិ Khmer និងជនជាតិ Hoa ដោយរស់នៅប្រមូលផ្តុំនៅតាមតំបន់ដាច់ស្រយាល។ ក្នុងរយៈពេលប៉ុន្មានឆ្នាំមកនេះ ការងារកិច្ចការជនជាតិនៅក្នុងខេត្តសម្រេចបានលទ្ធផលវិជ្ជមានជាច្រើន។
ក្នុងរយៈពេល ១៥ ឆ្នាំកន្លងមកនេះ ខេត្តបានកៀរគរថវិកាជាង ៣.២០០ ពាន់លានដុង ដើម្បីវិនិយោគលើការអភិវឌ្ឍតំបន់ជនជាតិភាគតិច។ សាងសង់ផ្លូវជនបទបានជាង ៥០០ គីឡូម៉ែត្រ។ និងធ្វើឱ្យប្រសើរឡើងនូវគម្រោងហេដ្ឋារចនាសម្ព័ន្ធសាលារៀន សុខាភិបាល និងសុខុមាលភាពសង្គមជាច្រើនផងដែរ។
ចំណុះមុខឱ្យគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការរណសិរ្សមាតុភូមិ Việt Nam ខេត្ត Cà Mau លេខាធិការបក្ស Nguyễn Hồ Hải ជូនកន្រ្តកផ្កាប្រសិទ្ធពរសមូហភាពនៃកម្មាភិបាល អ្នកទទួលបន្ទុកខាងវិស័យកិច្ចការងារជនជាតិរបស់ខេត្ត។
តំណាក់កាល ២០២១-២០២៥ ខេត្តនឹងជំនួយឧបត្ថម្ភជាង ៤ ពាន់គ្រួសារស្តីខាងផ្ទះស្នាក់នៅ ដីផលិត និងមុខរបរចិញ្ចឹមជីវិត។ សាងសង់ផ្ទះថ្មីបានជាង ១.៤០០ ខ្នង ព្រមទាំងអនុវត្តគម្រោងហេដ្ឋារចនាសម្ព័ន្ធ និងគម្រោងអភិវឌ្ឍន៍ផលិតផ្សេងៗជាច្រើនទៀតផង។ សកម្មភាពនៃការកាត់បន្ថយក្រសម្រេចបានលទ្ធផលគួរឱ្យកត់សម្គាល់ផងដែរ ដោយមានជាង ៣ ពាន់គ្រួសារបានរួចផុតពីភាពក្រីក្រ។ នៅចុងឆ្នាំ ២០២៥ អត្រាគ្រួសារក្រក្នុងជនរួមជាតិភាគតិចនឹងត្រូវបានកាត់បន្ថយនូវត្រឹមប្រហែល ២% ប៉ុណ្ណោះ។
ថ្លែងយោងបល់ក្នុងពិធីជួបជុំ ចំណុះមុខឱ្យគណៈកម្មាធិការបក្សខេត្ត ក្រុមប្រឹក្សាប្រជាជន គណៈកម្មាធិការប្រជាជនខេត្ត និងគណៈកម្មាធិការរណសិរ្សមាតុភូមិ Việt Nam ខេត្ត Cà Mau លោក Ngô Vũ Thăng អនុប្រធានគណៈកម្មាធិការប្រជាជនខេត្ត បានទទួលស្គាល់ និងវាយតម្លៃខ្ពស់ចំពោះតួនាទី ការទទួលខុសត្រូវ និងការរួមចំណែកដ៏សំខាន់ៗរបស់មន្ទីរជនជាតិ និងសាសនានាពេលកន្លងមក។ លោកបានបង្ហាញពីទំនុកចិត្តថា ដោយមានប្រពៃណី និងការប្តេជ្ញាចិត្តយ៉ាងមុតមាំ មន្ទីរនឹងបន្តដើរតួនាទីជាស្នូលក្នុងវិស័យជនជាតិ និងជំនឿសាសនា ក្នុងខេត្ត បំពេញភារកិច្ចដែលបានកំណត់ដោយជោគជ័យក្នុងរយៈពេលខាងមុខ។
ព្រះឧបជ្ឈាយ៍ Thạch Hà ប្រធានសង្ឃាភិបាលសមាគមព្រះពុទ្ធសាសនា Việt Nam ខេត្ត Cà Mau ជូនស្លាកជានិម្មិតរូបឧបត្ថម្ភ ៥០ គ្រួសារ ដោយសរុបទឹកប្រាក់ ១ ពាន់លានដុងដល់តំណាងនៃមន្ទីរជនជាតិ និងសាសនាខេត្ត។
ក្នុងឱកាសនេះដែរ ថ្នាក់ដឹកនាំខេត្ត Cà Mau បានប្រគល់វត្ថុអនុស្សាវរីយ៍ទុកជាការថ្លែងអំណរគុណដល់បណ្តាអតីតថ្នាក់ដឹកនាំនៃវិស័យជនជាតិគ្រប់តំណាក់កាល ព្រមទាំងជូនបណ្ណសរសើរដល់សមូហភាព ១០ រូប និងបុគ្គលឯកជន ២០ រូបដែលមានស្នាដៃឆ្នើមក្នុងកិច្ចការងារជនជាតិ និងការចូលរួមចំណែកយ៉ាងសកម្មក្នុងការកសាងវិស័យកិច្ចការងារជនជាតិខេត្ត Cà Mau នាពេលកន្លងមក។
នៅពិធីជួបជុំ គណៈកម្មាធិការរណសិរ្សមាតុភូមិ Việt Nam ខេត្ត Cà Mau បានផ្តល់ការឧត្ថម្ភសាងសង់ផ្ទះមហាសាមគ្គី ១០០ ខ្នងសម្រាប់គ្រួសារក្រីក្រ និងគ្រួសារប្រកៀកបន្ទាត់ក្រ ព្រមទាំងគ្រួសារជួបលំបាកដែលជាជនជាតិភាគតិចដោយសរុបទឹកប្រាក់ ១ ពាន់លានដុង។ សមាគមគ្រប់គ្រងមូលនិធិជំរុញការសិក្សា Võ Văn Kiệt ខេត្ត Cà Mau ក៏បានជំនួយឧបត្ថម្ភអាហារូបករណ៍ចំនួន ២០០ ចំណែកផងដែរសម្រាប់សិស្សក្រីក្រលើភូមិសាស្ត្រខេត្ត៕
Thiên Diệp - Tiến Lên
