ភូមិទាំងពីរ Đường Đào និងភូមិ Cây Khô ឃុំ Hồ Thị Kỷ ដែលជាឃុំមានជនរួមជាតិ Khmer រស់នៅច្រើនកុះករ។ អាស្រ័យភូមិសាស្ត្រមានដងព្រែកទន្លេជុំជិត ទើបភូមិភាគជួបលំបាកខ្លាំងក្នុងការធ្វើដំណើរទៅមក។ តែខណៈដែលមានផ្លូវធំទូលាយ និងស្ពានសម្រាប់រថយន្តទៅដល់ផ្ទះ គឺជាក្តីស្រមៃដែលរង់ចាំជាយូរមកហើយសម្រាប់បងប្អូនប្រជាជនគ្រប់គ្នានៅទីនេះ។
មាមីងបងប្អូនទាំង ២ ភូមិ (Đường Đào និង Cây Khô) ចូលរួមពិធីបើកការដ្ឋានសាងសង់ស្ពានចំនួន ៧ ខ្សែនៅលើដងផ្លូវ Kinh Đường Xuồng។
ដងផ្លូវ Kinh Đường Xuồng ដែលមានប្រវែងជាង ១១,៥ គីឡូម៉ែត្រ មិនត្រឹមតែជាផ្លូវដឹកជញ្ជូនដ៏សំខាន់សម្រាប់ភូមិទាំងពីរ Đường Đào និងភ្នៀតប៉ុណ្ណោះទេ ថែមទាំងភ្ជាប់ផ្លូវដឹកជញ្ជូនសំខាន់ៗរបស់ភូមិភាគទៀតផងដើម្បីបម្រើតម្រូវការធ្វើដំណើរ ពាណិជ្ជកម្ម និងផលិតកម្មរបស់រាប់ពាន់គ្រួសារ។ ក្នុងរយៈពេលប៉ុន្មានឆ្នាំកន្លងមកនេះ អាស្រ័យការយកចិត្តទុកដាក់របស់ថ្នាក់ដឹកនាំគ្រប់លំដាប់ថ្នាក់ និងរដ្ឋអំណាចភូមិភាគ ផ្លូវថ្នល់ក៏ទទួលបានការវិនិយោគលើផ្ទៃបេតុងយ៉ាងធំទូលាយស្អាតផងដែរ។ ទោះជាយ៉ាងណាក៏ដោយ រថយន្តនៅតែមិនអាចធ្វើដំណើរតាមដងផ្លូវបានពីព្រោះស្ពានចំនួន ៧ ខ្សែបានត្រឹមឆ្លើយតបសម្រាប់ម៉ូតូប៉ុណ្ណោះ បណ្តាលឱ្យមានការលំបាកយ៉ាងខ្លាំងសម្រាប់ការធ្វើដំណើរ និងការដឹកជញ្ជូនទំនិញរបស់បងប្អូនប្រជាជន។
ដោយយល់ឃើញពីការលំបាកទាំងនេះ ចាប់ពីដើមឆ្នាំ២០២៦ រហូតមកដល់ពេលនេះ គណៈកម្មាធិការបក្ស និងគណៈកម្មាធិការប្រជាជនឃុំ Hồ Thị Kỷ បានបែងចែកថវិការបស់ភូមិភាគមួយផ្នែក ខណៈពេលដែលកំពុងកៀរគរ និងអំពាវនាវរកការឧបត្ថម្ភ និងភ្ជាប់ទំនាក់ទំនងជាមួយអ្នកឧបត្ថម្ភដើម្បីគាំទ្រដល់ការសាងសង់ស្ពានថ្មី។ ប្រការដែលសំខាន់និងមានអត្ថន័យនោះគឺផ្តល់នូវសេចក្តីរីករាយយ៉ាងខ្លាំងដល់ប្រជាជននៅភូមិ Đường Đào និងភូមិ Cây Khô រដ្ឋអំណាចភូមិភាគរួមជាមួយអ្នកឧបត្ថម្ភមិនបានសាងសង់ស្ពានតាមរបៀប “កាត់ជាកង់” នោះទេ គឺពង្រីកទូលាយសម្រាប់រថយន្តអាចបើកបរបានដោយងាយស្រួល។
ចូលរួមពិធីបើកការដ្ឋានសាងសង់នេះ លោក Hồ Hoàng Công ប្រធានសមាគមអតីតយុទ្ធជនភូមិ Cây Khô បានសម្តែងការរីករាយយ៉ាងក្រៃលែងថា៖ «បងប្អូនប្រជាជនទាំងពីរភូមិ គឺភូមិ Cây Khô និងភូមិ Đường Đào មានសេចក្តីសោមនស្សរីករាយយ៉ាងខ្លាំងដែលរដ្ឋអំណាចភូមិភាគ និងអ្នកឧបត្ថម្ភបានផ្តើមសាងសង់ស្ពានថ្មីចំនួន ៧ ខ្សែក្នុងពេលតែមួយ។ នៅពេលដែលស្ពានទាំងនេះបានសម្រេច ប្រជាជននឹងងាយស្រួលធ្វើដំណើរ និងជួញដូរទំនិញកាន់តែងាយស្រួល ពីព្រោះរថយន្តអាចទៅដល់ផ្ទះបាន ហើយការរស់នៅរបស់បងប្អូនប្រជាជននៅទីនេះនឹងកាន់តែរីកចម្រើនផងដែរ»។
រដ្ឋអំណាចភូមិភាគ និងថ្នាក់ដឹកនាំនៃសមាគមសហព័ន្ធនារីខេត្ត រួមជាមួយបណ្តាអ្នកឧបត្ថម្ភទាំងឡាយប្រារព្ធពិធីបើកការដ្ឋានសាងសង់ស្ពាន។
ឆ្នាំ២០២៦ គណៈសប្បុរសធម៌សង្គមព្រះពុទ្ធសាសនាខេត្ត Cà Mau បានសហការជាមួយសមាគមសហព័ន្ធនារីខេត្ត និងរដ្ឋអំណាចភូមិភាគសកម្មចលនា និងទំនាក់ទំនងអ្នកឧបត្ថម្ភដើម្បីសាងសង់ស្ពានជាច្រើនខ្សែលើភូមិសាស្ត្រខេត្ត។ ដោយឡែកនៅឃុំ Hồ Thị Kỷ មានស្ពានចំនួន ១៤ ខ្សែត្រូវបានសាងសង់។ ក្នុងចំណោមស្ពានទាំងនេះ ស្ពានចំនួន ៧ ខ្សែត្រូវបានសាងសង់សម្រេចរួចរាល់ និងដាក់ឱ្យប្រើប្រាស់ ជាផ្លូវការយ៉ាងមានប្រសិទ្ធភាព។ ស្ពានចំនួន ៧ ខ្សែដែលនៅសល់ គឺទើបតែចាប់ផ្តើមសាងសង់ថ្មីៗនេះឯង រួមមាន៖ ស្ពានព្រែក Ông Tạng (ប្រវែង ២៤ ម៉ែត្រ) ស្ពាន Chín Hổ (ប្រវែង ២៥ ម៉ែត្រ) ស្ពាន Sáu Xuân (ប្រវែង ២០ ម៉ែត្រ) ស្ពានផ្លូវបំបែកបួនភូមិ Cây Khô (ប្រវែង ២៣ ម៉ែត្រ) ស្ពានអក្សរ Y តូច ឆ្លងកាត់ព្រែក Kênh Tư (ប្រវែង ២៥ ម៉ែត្រ) ស្ពានព្រែក Chòm Mả (ប្រវែង ២៤ ម៉ែត្រ) និងស្ពានព្រែក Tám Thước (ប្រវែង ២២ ម៉ែត្រ)។ ស្ពានទាំងអស់សុទ្ធតែធានារថយន្តអាចបើកបរប្រកបដោយសុវត្ថិភាព និងផ្ទុកទម្ងន់ ៣ តោន។ សុបទឹកប្រាក់ប្រមាណជិត ២ ពាន់លានដុង។
លោក Trần Quốc Toàn ប្រធានគណៈកម្មាធិការប្រជាជនឃុំ Hồ Thị Kỷ បានឱ្យដឹង៖ ការសាងសង់ស្ពានចំនួន ៧ ខ្សែនៅតាមដងផ្លូវនេះនឹងអាចជួយរថយន្តបើបរប្រកបដោយភាពងាយស្រួល ផ្តើមពីនោះក៏បង្កលក្ខណៈងាយស្រួលសម្រាប់អភិវឌ្ឍសេដ្ឋកិច្ច-សង្គមរបស់ភូមិភាគ។ ថ្នាក់ដឹកនាំភូមិភាគបានសន្យាថានឹងចង្អុលការណែនាំរាល់បណ្តាអង្គភាពសាងសង់ធានាគុណភាពសំណង់នេះ លើសពីនោះក៏គ្រប់គ្រង និងប្រើប្រាស់វាប្រកបដោយប្រសិទ្ធភាព និងចីរភាពដ៏យូរអង្វែងផងដែរ៕
Kim Phượng
