សមាគមអតីតនគរបាលប្រជាជនឃុំ Hồ Thị Kỷ ទើបចាត់តាំងមហាសន្និបាតលើកទី I អាណត្តិ ឆ្នាំ២០២៦-២០៣១ ដោយមានការអញ្ជើញចូលរួមពីថ្នាក់ដឹកនាំនៃសមាគមអតីតនគរបាលប្រជាជនខេត្តកាម៉ាវ និងថ្នាក់ដឹកនាំឃុំ Hồ Thị Kỷ ព្រមទាំងសមាជិកអតីតនគរបាលប្រជាជនចំនួន ៨០ នាក់មកពី ១១ ភូមិទូទាំងភូមិសាស្ត្រឃុំ។ នេះគឺជាព្រឹត្តិការណ៍ដ៏សំខាន់មួយដោយមានគោលបំណងបង្កើត និងពង្រឹងសមាគម ប្រមូលផ្តុំកម្មាភិបាលដែលចូលនិវត្តន៍គ្រប់ជំនាន់នៅភូមិភាគ។
លោក Nguyễn Thanh Nhàn អនុប្រធានគណៈកម្មាធិការប្រជាជនឃុំ Hồ Thị Kỷ ប្រគល់សេចក្តីសម្រេចបង្កើតសមាគមអតីតនគរបាលប្រជាជនឃុំ។
ថ្លែងយោបល់ក្នុងពិធីបើកមហាសន្និបាត វរសេនីយ៍ឯក Quách Việt Hùng តំណាងឱ្យគណៈអធិបតី បានសង្កត់ធ្ងន់ថា៖ «មហាសន្និបាតគឺជាព្រឹត្តិការណ៍នយោបាយដ៏សំខាន់មួយ។ ដូច្នេះ អ្នកចូលរួមត្រូវប្រកាន់ខ្ជាប់នូវស្មារតីទទួលខុសត្រូវខ្ពស់ លើកកម្ពស់លទ្ធិប្រជាធិបតេយ្យ ភាពវៃឆ្លាត និងសកម្មចូលរួមមតិទៅលើខ្លឹមសារនៃកម្មវិធីសន្និបាត ដើម្បីកសាងសមាគមដ៏រឹងមាំ និងទូលំទូលាយថែមទៀត រួមចំណែកជាក់ស្តែងដល់ការអភិវឌ្ឍសេដ្ឋកិច្ច-សង្គមរបស់ភូមិភាគ ព្រមទាំងកសាងកម្លាំងនគរបាលប្រជាជនបដិវត្តន៍ដោយរៀបរយ ឥស្សរជន និងទំនើប»។
ក្នុងរយៈពេលកន្លង សមាគមអតីតនគរបាលឃុំ Hồ Thị Kỷ តែងប្រកាន់ខ្ជាប់នូវគោលការណ៍ និងគោលបំណងរបស់ខ្លួនដូចដែលបានកំណត់។ បង្កើតការចលនា ប្រមូលផ្តុំ សាមគ្គី រៀបចំចាត់ចែង និងណែនាំសមាជិកឱ្យអនុវត្តសិទ្ធិ និងកាតព្វកិច្ចរបស់ខ្លួនស្របតាមធម្មនុញ្ញរបស់សមាគមអតីតនគរបាល Việt Nam។ ផ្តើមពីនោះ សមាគមក៏បានយកចិត្តទុកដាក់ និងជួយសមាជិកជាប្រចាំទាំងផ្នែកសម្ភារៈ និងស្មារតី តាមរយៈសកម្មភាពដូចជា៖ ឧបត្ថម្ភផ្ទះ សួរសុខទុក្ខនូវពេលដែលកើតមានជំងឺ ជួបលំបាក និងជួបគ្រោះមហន្តរាយផ្សេងៗជាដើម។ សកម្មចូលរួមកាងារសប្បុរសធម៌ អនុវត្តការងារសុខុមាលភាពសង្គម និងអភិវឌ្ឍសេដ្ឋកិច្ចគ្រួសារ ដើម្បីកែលម្អជីវភាពរស់នៅ។
គណៈអធិបតីដឹកនាំកិច្ចប្រជុំមហាសន្និបាត។
លើសពីនេះ សាខាសមាគមថែមទាំងបានសហការយ៉ាងសកម្មជាមួយភ្នាក់ងារ ស្ថាប័ន និងអង្គការមហាជនក្នុងភូមិភាគសម្រាប់ការចលនា រៀបចំចាត់តាំង និងណែនាំសមាជិកឱ្យចូលរួមអនុវត្តរាល់បណ្តាប្រពៃណីដែលភូមិភាគបានបំផុសចលនា ជាពិសេសប្រពៃណីទូទាំងប្រជាជនការពារសន្តិសុខជាតិ និងកសាងកម្លាំងនគរបាលប្រជាជនមូលដ្ឋានដ៏រឹងមាំ។
គណៈប្រតិបត្តិការនៃអាណត្តិថ្មី បង្ហាញមុខ និងសន្យានៅមហាសន្និបាត។
នៅមហាសន្និបាតនេះដែរ គណៈប្រតិភូក៏បានស្តាប់ការប្រកាសអំពីការសម្រេចចិត្តបង្កើតសមាគមអតីតនគរបាលប្រជាជនឃុំ Hồ Thị Kỷ ។ យោងតាមការអនុម័តរបាយការណ៍ស្តីពីលទ្ធ ផលនៃសកម្មភាពរបស់សាខាកន្លងមក។ ជាមួយគ្នានោះដែរ សមាគមក៏បានដាក់ចេញទិសដៅ និងភារកិច្ចរបស់ខ្លួនសម្រាប់អាណត្តិថ្មីផងដែរ។ មហាសន្និបាតបានបញ្ជាក់ថា អាណត្តិ ២០២៦-២០៣១ នឹងបន្តលើកកម្ពស់តួនាទី និងភារកិច្ចរបស់ កងកម្លាំងអតីតនគរបាលប្រជាជនក្នុងការកសាងបក្ស និងរដ្ឋអំណាចភូមិភាគ ២ ថ្នាក់ រួមចំណែកដល់ការធានាសន្តិសុខ សណ្តាប់ធ្នាប់ និងអភិវឌ្ឍសេដ្ឋកិច្ច-សង្គមនៅភូមិភាគ។
សមាគមអតីតនគរបាលប្រជាជន គឺជាអង្គការឯកភាពមួយដែលមានបុគ្គលិកលក្ខណៈស្របច្បាប់ មានត្រា និងគណនីធនាគារផ្ទាល់ខ្លួន ដែលត្រូវបានបក្ស និងរដ្ឋប្រគល់ភារកិច្ចឱ្យ។ ការបង្កើតសមាគមអតីតនគរបាលប្រជាជនឃុំ Hồ Thị Kỷ គឺជាព្រឹត្តិការណ៍ដ៏សំខាន់មួយ បង្កើតមូលដ្ឋានគ្រឹះសម្រាប់ការប្រមូលផ្តុំ និងបង្រួបបង្រួមសមាជិកប្រកបដោយប្រសិទ្ធភាព កសាងអង្គការដ៏រឹងមាំ និងទូលំទូលាយជាងមុន ព្រមទាំងពង្រីកប្រពៃណី និងគុណសម្បត្តិដ៏ល្អថ្លៃថ្នូរបស់កងកម្លាំងនគរបាលប្រជាជនក្នុងបុព្វហេតុកសាង និងការពារជាតិ៕
Danh Điệp
