អនុវត្តគោលនយោបាយនៃការរៀបចំក្បាលម៉ាស៊ីន លើកកម្ពស់ប្រសិទ្ធភាព គុណភាពនៃការគ្រប់គ្រងរដ្ឋនៅកម្រិតមូលដ្ឋាន ខេត្ត Cà Mau កំពុងអនុវត្តយ៉ាងម៉ឺងម៉ាត់នូវការរៀបចំឡើងវិញនៃភូមិ សង្កាត់នានាទូទាំងខេត្ត។ ជាមួយគោលដៅបញ្ចប់នៅចុងខែមិថុនា រាល់ភូមិភាគទាំងឡាយកំពុងប្រញ៉ាប់បញ្ចប់រាល់ជំហានចាំបាច់ជាបន្ទាន់ការកំណត់ ដើម្បីធានាថាប្រព័ន្ធថ្មីនឹងដំណើរការបានយ៉ាងរលូន និងមានប្រសិទ្ធភាព។
ឃុំ Hồng Dân ស្តង់មតិប្រជាជនអំពីការរៀបចំភូមិទាំងឡាយ។
បច្ចុប្បន្ន ខេត្ត Cà Mau មាន ១,៣៩៣ ភូមិ សង្កាត់។ យោងតាមផែនការដែលបានស្នើឡើង បន្ទាប់ពីការរៀបចំឡើងវិញ នឹងមានភូមិ សង្កាត់ទាំងអស់ចំនួន ៨៣០ បានបន្ថយចុះជាង ៤០%នៃចំនួនអង្គភាពដែលមានតាំងពីដំបូងឡើយ។ នេះគឺជាជំហានដ៏សំខាន់មួយដើម្បីអនុវត្តទម្រង់រដ្ឋាភិបាល ២ ថ្នាក់ ផ្តើមពីនោះក៏បានលើកកម្ពស់គុណភាពនៃការគ្រប់គ្រង និងដំណើរការរដ្ឋបាលនៅកម្រិតមូលដ្ឋានផងដែរ។
នៅឃុំ Hồng Dân - ជាតំបន់ភូមិភាគដែលមានប្រជាជន Khmer រស់នៅច្រើន ការរៀបចំភូមិឡើងវិញក៏កំពុងត្រូវបានអនុវត្តជាបន្ទាន់ផងដែរ ដោយមានការឯកភាពខ្ពស់ពីប្រជាជន។ លទ្ធផលនៃការស្ទង់មតិស្តីពីការរៀបចំសម្រេចបាន ៩៩.៧៨%។ ភូមិភាគនេះមានផ្ទៃដីធម្មជាតិ ១២៤,៩៣ គីឡូម៉ែត្រការ៉េ ហើយមានទាំងអស់ ២៤ ភូមិនិងចំនួនប្រជាជន ១២.៤៣០ គ្រួសារផងដែរ។ បន្ទាប់ពីការពិនិត្យឡើងវិញ ភូមិចំនួន ៨ មិនបានបំពេញតាមស្តង់ដារតាមការកំណត់នោះទេ គឺស្ថិតក្រោមការដែលចាំបាច់ត្រូវតែរៀបចំឡើងវិញ ចំនួន ១៦ ភូមិដែលនៅសល់មានលក្ខណៈ គ្រប់គ្រាន់ ប៉ុន្តែភូមិភាគនៅតែស្នើឱ្យមានការរៀបចំឡើងវិញ ដើម្បីសម្រួលមកវិញនូវក្បាលម៉ាស៊ីន និងលើកកម្ពស់គុនភាពនៃការគ្រប់គ្រង និងសមស្របតាមតម្រូវការជាក់ស្តែង។
លោក Nguyễn Nhân Đức ប្រធានគណៈកម្មាធិការប្រជាជនឃុំ Hồng Dân បានមានប្រសាសន៍ថា “បន្ទាប់ពីការរៀបចំឡើងវិញ ឃុំបានកាត់បន្ថយចាប់ពី ២៤ ភូមិនូវត្រឹម ១៦ ភូមិប៉ុណ្ណោះ។ រួមជាមួយការរៀបចំឡើងវិញតាមព្រំដែន ឃុំបានបង្កើតផែនការដើម្បីបែងចែក និងរៀបចំកម្មាភិបាល និងបុគ្គលិកមិនមែនជំនាញនៅភូមិ ដោយធានាថាពួកគេនឹងបំពេញតាមស្តង់ដារដែលបានកំណត់ ព្រមទាំងអនុញ្ញាតឱ្យអង្គភាពថ្មីដំណើរការភ្លាមៗបន្ទាប់ពីបង្កើត ដោយមិនរំខានឬបង្អាក់ដល់កិច្ចការងារបម្រើប្រជាជន”។
អង្គសន្និបាតស្តង់មតិប្រជាជនដើម្បីការរៀបចំភូមិឡើងវិញនៅឃុំ Hồng Dân។
ការរៀបចំភូមិឡើងវិញមានលក្ខណៈឆ្ពោះទៅកាន់គោលដៅសំខាន់ៗជាច្រើន ដូចជា៖ ធានាចំនួនប្រជាជន ចំនួនគ្រួសារតាមការកំណត់ កាត់បន្ថយស្រទាប់នៃការគ្រប់គ្រង ជំនះបញ្ហាភូមិដែលតូចចង្អៀត និងមានប្រជាជនរស់នៅរាយប៉ាយ។ ក្នុងពេលជាមួយគ្នានេះ វាជួយសម្រួលដល់ការអនុវត្តគោលនយោបាយ និងគោលការណ៍ណែនាំរបស់បក្ស និងរដ្ឋ រៀបចំចលនាត្រាប់តាមក្នុងស្រុកប្រកបដោយប្រសិទ្ធភាព ប្រមូលផ្តុំធនធានវិនិយោគ និងបង្កើនប្រសិទ្ធភាពនៃការប្រើប្រាស់ថវិការដ្ឋសម្រាប់ហេដ្ឋារចនាសម្ព័ន្ធ និងការអភិវឌ្ឍសេដ្ឋកិច្ច-សង្គម។ ជាពិសេស ដំណោះស្រាយនេះបានរួមចំណែកដល់ការពង្រឹងចំណងសាមគ្គីទូទាំងប្រជាជន ពង្រីកកម្លាំងសហគមន៍ក្នុងការអភិវឌ្ឍភូមិភាគ។
“ប្រជាជនយើងខ្ញុំ ពិតជាមានការឯកភាពទាំងស្រុងជាមួយនឹងគោលនយោបាយនៃការរួមបញ្ចូលវាងភូមិ Bà Ai I និងភូមិ Tà Suôl ដើម្បីបង្កើតជាភូមិថ្មីមួយហៅថាភូមិ Lộc Ninh។ ការរួមបញ្ចូលគ្នានេះរក្សាឈ្មោះដែលទាក់ទងនឹងប្រពៃណីវីរភាពរបស់តំបន់ភូមិភាគ និងបង្កលក្ខណៈដើម្បីលើកកម្ពស់គុណភាពនៃសេវាកម្មដល់ប្រជាជន និងប្រសិទ្ធភាពនៃក្បាលម៉ាស៊ីននៅមូលដ្ឋានផងដែរ” លោក Lưu Văn Cần នៅភូមិ Bà Ai I បានចែករំលែកបែបនេះ។
យោងតាមការវាយតម្លៃ បន្ទាប់ពីបានបញ្ចប់ការរៀបចំឡើងវិញរវាងភូមិ សង្កាត់ ឃុំ Hồng Dân កាត់បន្ថយចំនួនកម្មាភិបាលមិនជំនាញការបានចំនួន ៣៦ រូប និងបន្ថយចំនួន ១០ អង្គការនយោបាយ និងចាត់តាំងនយោបាយសង្គមនៅតាមភូមិ។ បន្ថយបាន ៣៩ នាក់ចូលរួមដោយផ្ទាល់នៅមូលដ្ឋាន។ យោងតាមនោះ ក៏ប្រឹតសំចៃបានថវិការដ្ឋប្រមាណជាង ១០០ លានដុងក្នុងមួយខែសម្រាប់ភូមិទាំងមូលទៀតផង៕
Thanh Hải - Hoàng Đặng
