ប្រធានគណៈកម្មាធិការប្រជាជនខេត្ត Cà Mau បានចេញសេចក្តីណែនាំមួយទៅកាន់មជ្ឈមណ្ឌលសេវាកម្មរដ្ឋបាលសាធារណៈខេត្ត និងគណៈកម្មាធិការប្រជាជនគ្រប់បណ្តាឃុំ សង្កាត់ ដើម្បីកែលម្អគុណភាពសេវាកម្មជាបន្ទាន់សម្រាប់ប្រជាពលរដ្ឋ និងអាជីវកម្ម ព្រមទាំងបង្កើត និងដាក់ឱ្យដំណើរការនៃក្រុមដោះស្រាយនីតិវិធីរដ្ឋបាលចល័តចាប់ពីថ្ងៃទី១៥ ខែកក្កដា ឆ្នាំ២០២៦។
ការបង្កើតក្រុមដោះស្រាយនីតិវិធីរដ្ឋបាលចល័តនឹងជួយមនុស្សចាស់ អ្នកដែលមានសេវាកម្មល្អ គ្រួសារអ្នកទទួលផលគោលនយោបាយ និងមុខសញ្ញាងាយរងគ្រោះ ទទួលបានការឧបត្ថម្ភទាន់ពេលវេលាក្នុងការអនុវត្តនីតិវិធីរដ្ឋបាលនៅកន្លែងរស់នៅរបស់ខ្លួន។
ក្រុមដោះស្រាយនីតិវិធីរដ្ឋបាលចល័តមានភារកិច្ចជំនួយការណែនាំ ទទួលពាក្យស្នើសុំ និងផ្តល់លទ្ធផលដោយផ្ទាល់នៅតាមលំនៅដ្ឋានរបស់មនុស្សចាស់ ជនពិការ និងអ្នកដែលមានសគុណលើបដិវត្តន៍ ព្រមទាំងគ្រួសារអ្នកទទួលផលគោលនយោបាយ និងមុខសញ្ញារងគ្រោះដទៃទៀត ដើម្បីធានាបានទាន់ពេលវេលា ភាពងាយស្រួល និងការអនុលោមតាមបទប្បញ្ញត្តិ។ ដំបូងឡើយ អាទិភាពនឹងត្រូវបានផ្តល់ទៅឱ្យនីតិវិធីរដ្ឋបាលសំខាន់ៗដែលមានពាក្យស្នើសុំមួយចំនួនធំ ទាក់ទងដោយផ្ទាល់ទៅនឹងសិទ្ធិ និងផលប្រយោជន៍ស្របច្បាប់របស់ប្រជាពលរដ្ឋ ព្រមទាំងបំពេញតាមលក្ខណៈវិនិច្ឆ័យសម្រាប់ការអនុវត្តក្រោមទម្រង់សេវាសាធារណៈចល័ត។
ដើម្បីអនុវត្តសេចក្តីណែនាំរបស់គណៈកម្មាធិការប្រជាជនខេត្ត ភូមិភាគទាំងឡាយកំពុងរៀបចំប្រភពធនធានមនុស្ស ឧបករណ៍ និងលក្ខណៈចាំបាច់ជាបន្ទាន់ផងដែរ។
យោងតាមលោក Trần Quốc Toàn ប្រធានគណៈកម្មាធិការប្រជាជនឃុំ Hồ Thị Kỷ ភូមិភាគកំពុងពិនិត្យឡើងវិញនូវបុគ្គលិក និងសម្ភារៈ ដើម្បីធានាថាក្រុមដំណើរការនីតិវិធីរដ្ឋបាលចល័តដំណើរការប្រកបដោយប្រសិទ្ធភាពភ្លាមៗនៅពេលចាប់ផ្តើមប្រតិបត្តិការណ៍។ ទន្ទឹមនិងនោះ ចាប់តាំងពីដើមឆ្នាំរហូតមក Hồ Thị Kỷ បានសាកល្បង ២ ទម្រង់សម្រាប់ណែនាំ និងគាំទ្រការដាក់ពាក្យស្នើសុំតាមអ៊ីនធឺណិតនៅភូមិលេខ ១ និងភូមិ Cây Khô។ ប្រជាពលរដ្ឋត្រូវបានណែនាំដោយអ្នកស្ម័គ្រចិត្តដើម្បីបង្កើតគណនី ដំឡើងកម្មវិធី ធ្វើឯកសារឌីជីថល និងពិនិត្យមើលលទ្ធផលទៀតផង។
ចាប់ពីថ្ងៃទី ១៥ ខែកក្កដា ឆ្នាំ២០២៦ ក្រុមដោះស្រាយនីតិវិធីរដ្ឋបាលចល័តនៅតាមបណ្តាឃុំ សង្កាត់ នឹងផ្តល់អាទិភាពដល់ការឧបត្ថម្ភមនុស្សចាស់ ជនពិការ អ្នកដែលមានសគុណលើបដិវត្តន៍ គ្រួសារអ្នកទទួលផលគោលនយោបាយ និងមុសញ្ញាងាយរងគ្រោះ។
លោក Toàn បានចែករំលែកថា៖ “ទម្រង់នេះបានជួយប្រជាជនសន្សំសំចៃយ៉ាងច្រើនលើការចំណាយពេលក្នុងការធ្វើដំណើរប៉ុណ្ណោះទេ ថែមទាំងជួយបន្ថយរយៈពេលធ្វើដំណើរយ៉ាងឆាប់រហស័ដោយចម្ងាយចាប់ពី ៨-១៦ គីឡូម៉ែត្រទៅកាន់មជ្ឈមណ្ឌលឃុំដើម្បីបំពេញនីតិវិធីរដ្ឋបាល។ ជាពិសេស ការបង្កើតក្រុមនីតិវិធីរដ្ឋបាលចល័ត រួមផ្សំជាមួយគំរូមូលដ្ឋានដែលមានស្រាប់ នឹងបង្កើតខ្ទរតម្រួតគ្នាដ៏រឹងមាំមួយក្នុងការកែទម្រង់រដ្ឋបាល ផ្លាស់ប្តូរទម្លាប់ជាមូលដ្ឋានគ្រឹះ និងបង្កើនទំនុកចិត្តសម្រាប់បងប្អូនប្រជាជនផងដែរ”។
ប្រធានគណៈកម្មាធិការប្រជាជនខេត្តបានស្នើសុំឱ្យតំបន់នានាបង្ហាញជាសាធារណៈនូវលេខទូរស័ព្ទទាន់ហេតុការណ៍របស់ក្រុមនីតិវិធីរដ្ឋបាលចល័តនៅតាមអាគារវប្បធម៌ មណ្ឌលសេវាកម្មច្រកចេញចូលតែមួយ នៅលើគេហទំព័រ ថ្នាលផ្នែកសារព័ត៌មានរបស់ភូមិភាគ និងនៅលើវេទិកាព័ត៌មានក្នុងស្រុក ដើម្បីទទួល និងដំណើរការសំណើ មតិកែលម្អ និងសំណូមពរពីប្រជាពលរដ្ឋ និងអាជីវកម្មឱ្យបានឆាប់រហ័ស។ ក្នុងករណីដែលលើសពីសិទ្ធិអំណាចរបស់បងប្អូនប្រជាជន ត្រូវតែរាយការណ៍ទៅអាជ្ញាធរមានសមត្ថកិច្ច ដើម្បីដោះស្រាយជាបន្ទាន់ ជៀសវាងការពន្យារពេល ឬការរអាក់រអួល។
យោងតាមផែនការនេះ តំបន់ភូមិភាគទាំងឡាយត្រូវតែបញ្ចប់ការបង្កើតក្រុមដោះស្រាយនីតិវិធីរដ្ឋបាលចល័ត ផ្សព្វផ្សាយលេខទូរស័ព្ទទាន់ហេតុការណ៍ និងរាយការណ៍លទ្ធផលទៅគណៈកម្មាធិការប្រជាជនខេត្ត មុនថ្ងៃទី ១០ ខែកក្កដា ឆ្នាំ ២០២៦៕
Hồng Nghi - Minh Luân
