យោងតមការនិទានតៗគ្នាមកថា ដែលវត្តមាននាមជាគោកត្រែង គឺកាលដំបូងឡើយវត្តត្រូវបានកសាងនៅក្បែរស្រះមួយដ៏ធំ ដោយមានដើមត្រែងជាច្រើនដុះជុំជិត នេះក៏ជាស្រះដែលព្រះសង្ឃ និងពុទ្ធបរិ ស័ទក្នុងស្រុកនិយមប្រើទឹកស្រះជាប្រចាំផងដែរ។ តែរយៈកាលក្រោយមក ស្រះក៏ត្រូវរីកស្ងួត មិនអាចមានទឹកប្រើប្រាស់ដូចកាលមុនទៀត ប្រជាពុទ្ធបរិស័ទក៏និយមហៅវត្តនេះថា វត្តគោកត្រែង រហូតមកទល់សព្វ ថ្ងៃ។
ខ្លោងទ្វារវត្តចំប៉ាជើងភ្នំបូនំ គោកត្រែង។
វត្តចំប៉ាជើងភ្នំបូនំ ហៅគោកត្រែង ជាវត្តខ្មែរ (Khmer) បុរាណកាន់ព្រះពុទ្ធសាសនាថេរវាទ កសាងនូវឆ្នាំ១៤០០ មានទីតាំងស្ថិតនៅឃុំ Núi Tô ស្រុក Tri Tôn ខេត្ត An Giang។ វត្តនេះមានផ្ទៃដីធំទូលាយ និងមានទីតាំងសម្រាក់លំហែរកាយ ព្រមទាំងមានម្លប់ឈើបុរាណធំៗជាច្រើទៀតផងផ្តល់បរិយាកាសដ៏ត្រជាក់ស្រួល និងបង្កើតចំណាប់អារមណ៍សម្រាប់ភ្ញៀវជិតឆ្ងាយពេលដែលបានអញ្ជើមកទស្សនានិងគោរពបូជា។
ដើមចាន់បុរាណដែលមានអាយុកាលសាភ្ជាប់ជាមួយប្រវត្តិនៃការកកើតវត្តគោកត្រែង។
ប្រជុំស្ថាបត្យកម្មទាំងមូលរបស់វត្តគោកត្រែង គឺត្រូវបានកសាង និងរចនាតាមបែបលក្ខណៈនៃព្រះពុទ្ធសាសនាខ្មែរ (Khmer)។ ព្រះវិហារមានខឿនខ្ពស់ បង្កើតភាពស្ងៀមស្ងាត់សម្រាប់ព្រះសង្ឃ និងពុទ្ធបរិស័ទខ្មែរគោរពប្រណិបត្តិធម៌អាថ៌ វិន័យតាមប្រពៃណីពុទ្ធសាសនា។ ខាងក្នុងព្រះវិហារ មានគោរពបូជាតែព្រះពុទ្ធបដិមាករប៉ុណ្ណោះ ហើយនៅតាមជញ្ជាំងព្រះវិហារមានច្រើនផ្ទាំងគំនូររៀបរាប់អំពីជីវប្រវត្តិរបស់ព្រះសម្មាសម្ពុទ្ធ តាំងពីទ្រង់ប្រសូត្ររហូតដល់យាងចូលបរិនិព្វាន។
អាគារសម្រាប់ពុទ្ធបរិស័ទជិតឆ្ងាយសម្រាកកាយពេលអញ្ជើញមកវត្តគោរពបូជា។
មកកាន់វត្តគោកត្រែង ក្រៅពីបានទស្សនាសម្រស់ដ៏ស្រស់ស្អាតខាងស្ថាបត្យកម្មខ្មែរ (Khmer) ភ្ញៀវទេសចរណ៍ថែមទាំងបានឃើញដោយផ្ទាល់ភ្នែកនូវដើមចាន់បុរាណដ៏ធំមួយ ដុះចំកណ្តាលទីធ្លារវត្ត។ នេះក៏ជាដើមចាន់ដែលសាភ្ជាប់ជាមួយប្រ វត្តិនៃការកកើតវត្តចំប៉ាជើងភ្នំបូនំ គោកត្រែងផងដែរ ហើយក៏ត្រូវបានព្រះសង្ឃ និងមាមីងពុទ្ធបរិស័ទចំណុះជើងវត្តរួមគ្នាថែរក្សារហូតមកទល់សព្វថ្ងៃ៕
ចន្តា
