វត្តសេរីពោធិដើមពោធិ៍ (chùa Lâm Dồ) ត្រូវបានកសាងក្នុងឆ្នាំ១៩៤២ មានទីតាំងស្ថិតនៅភូមិ Lâm Dồ ឃុំ Đại Ân 2 ស្រុក Trần Đề ខេត្ត Sóc Trăng។ ស្រុក Trần Đề បច្ចុប្បន្នមានវត្ត Khmer ចំ នួន១៤វត្ត ក្នុងនោះវត្តសេរីពោធិដើមពោធិ៍ ត្រូវបានចាត់ទុកជាវត្តមួយដ៏លេចធ្លោ ពីព្រោះវត្តនេះមានព្រះសង្ឃគង់អាស្រ័យសិក្សាច្រើនជាងគេក្នុងចំណោមវត្តដទៃទៀតទូតាំងស្រុក ដោយមានជិត៣០អង្គ ហើយវត្តនេះដែរក៏មានបើកថ្នាក់បង្រៀនភាសា Khmer ធម្មវិន័យជារៀងរាល់ឆ្នាំ ទាក់ទាញព្រះសង្ឃ និងកូនក្មួយជនរួមជាតិចូលរួមរៀនសូត្រយ៉ាងច្រើនកុះករផងដែរ។
ពណ៌លឿងភ្លឺចញ្ចាចនៃព្រះវិហារវត្តសេរីពោធិដើមពោធិ៍ (Sóc Dồ)។
វត្តសេរីពោធិដើមពោធិ៍ មានផ្ទៃដីសរុបទាំងអស់៤៨,១០០ម៉ែត្រការេ បណ្តាស្ថាបត្យកម្មទាំងឡាយរួមមានដូចជា៖ ព្រះវិហារ ឧបដ្ឋានសាលា កុដិ ចេតិយតម្កល់អធិដ្ឋាតុ រោងភត្តសាលារៀន។ល។ ខាងក្នុងព្រះវិហារមានទំហំធំទូលាយ តុបតែងយ៉ាងឧត្តុង្គឧត្តមសម្រាប់ព្រះភិក្ខុសង្ឃធ្វើសង្ឃកម្ម និងពិធីកិច្ចសាសនានិយមផ្សេងៗ។ តាមជញ្ជាំងជុំវិញខាងក្នុងព្រះវិហារ ជាផ្ទាំងគំនូរដែរពណ៌នាអំពីពុទ្ធប្បវត្តិព្រះសម្មាសម្ពុទ្ធ និងតុបតែងដោយក្បូរក្បាច់រចនាយ៉ាងល្អប្រណិតដែលបង្ហាញពីលក្ខណៈប្រពៃណីដ៏ល្អភុរផង់របស់ជនរួមជាតិ Khmer។
ក្នុងបណ្តាថ្ងៃបុណ្យទានជារៀងរាល់ឆ្នាំ វត្តតែងមានប្រជាពុទ្ធបរិស័ទយ៉ាងច្រើនកុះករអញ្ជើញចូលរួម។ (ក្នុងរូបថត៖ ពុទ្ធបរិស័ទធ្វើបុណ្យដាក់បាត្រព្រះសង្ឃនៅវត្តសេរីពោធិដើមពោធិ៍ "Lâm Dồ")។
វត្តសេរីពោធិដើមពោធិ៍ (Lâm Dồ) តែងបន្តរក្សាថ្នាក់អក្ខរកម្ម Khmer ដោយទាក់ទាញព្រះសង្ឃ និងប្អូនៗកូនក្មួយជនរួមជាតិយ៉ាងច្រើនកុះករ។
ក្រុមរបាំយក្សរបស់វត្តសេរីពោធិដើមពោធិ៍ (Lâm Dồ)បង្កើតឡើងដើម្បីបម្រើក្នុងពិធីបុណ្យទានប្រពៃណីប្រចាំឆ្នាំនៅភូមិភាគ។
ជុំវិញខាងក្រៅព្រះវិហារ ជារបងរាជវត្តដែលបានកសាងយ៉ាងរឹងមាំ អមដោយស្ថាបត្យកម្មអង្គរវត្ត ដែលបង្កប់ដោយរូបភាពនៃកងចក្រព្រះធម៌ រួមជាមួយក្បាច់ចម្លាក់ដ៏លម្អិតនិងទំនើបទៀតផង។ ពីក្លោងទ្វារខាងក្រៅចូលវត្ត គ្របដណ្តប់ដោយម្លប់ដើមឈើបុរាណ ជាពិ សេស គឺដើមពោធិ៍តែម្តង ក្រៅពីផ្តល់ម្លប់សម្រាប់ទីធ្លារវត្ត ដើមពោធិ៍នេះដែរក៏សាភ្ជាប់ជាមួយនាមវត្តផងដែរ។ ជារៀងរាល់ឆ្នាំ ក្នុងឱកាសបុណ្យទានប្រពៃណីម្តងៗ នៅវត្តសេរីពោធិដើមពោធិ៍ តែងមានមាមីងពុទ្ធបរិស័ទច្រើនកុះករអញ្ជើញចូលរួម បង្កើតបានបរិយា កាសសប្បាយរីករាយនៅភូមិភាគផងដែរ។ “ដើម្បីបង្កើតបរិយាកាសសប្បាយរីករាយសម្រាប់ឱ្យពិធីបុណ្យកឋិនទាននាពេលខាងមុខនេះ វត្តសេរីពោធិដើមពោធិ៍ (Lâm Dồ) ក៏បានបង្កើតក្រុមដន្ត្រីយុវវ័យ២ក្រុម និងក្រុមរបាំយក្ស១ក្រុមផងដែរ ដើម្បីចូលរួមកំដរក្នុងថ្ងៃបុណ្យ” ព្រះតេជគុណ Sơn Minh Hiền ចៅអធិការវត្តសេរីពោធិដើមពោធិ៍ (Lâm Dồ) មានសង្ឃដីការបែបនេះ៕
Chanh Đa
