ខេត្ត Cà Mau មានទាំងអស់៩ទីរួមស្រុក រួមមាន៖ Thới Bình, Trần Văn Thời (Rạch Gáng) Sông Đốc, Đầm Dơi, Cái Nước, Cái Đôi Vàm, Năm Căn, Rạch Gốc។ បណ្តាទីរួមស្រុកទាំងនេះមានចំណុចតែម្យ៉ាងរួមគ្នា គឺតំបន់ទីផ្សារសុទ្ធតែស្ថិតក្បែរដងព្រែកធំនិងមាត់សមុទ្រ លើសពីនោះថែមទាំងប្រកបដោយសោភ័ណភាពដ៏ស្រស់ស្អាតគួរជាទីចំណាប់អារមណ៍ បង្កប់ភាពស្រស់ឆើតឆាយ ក្នុងនោះ ដែលលេចធ្លោជាងគេគឺទីរួមស្រុក Năm Căn។
នៅកណ្តាលទីប្រជុំជននៃទីរួមស្រុក គឺជាផ្លូវជាតិលេខ១ឆ្លងកាត់ ដោយមានដងផ្លូវទាំងសង្ខាងទិស រួមមានខាងកើតនិងខាងលិច បង្កើតបានជាប្រភពកម្លាំងសម្រាប់ទីរួមស្រុក Năm Căn កាន់តែមានការអភិវឌ្ឍន៍។
លើភូមិសាស្ត្រនៃទីរួមស្រុក មានសាលារៀនជាច្រើនដែលទទួលបានការវិនិយោគសាងសង់យ៉ាងធំទូលាយស្អាត ឆ្លើយតបតម្រូវការបង្រៀន និងរៀនបានយ៉ាងល្អទៀតផង។ (ក្នុងរូបថត៖ ពិធីបើកបវេសនកាលឆ្នាំសិក្សាថ្មីនៅសាលាអនុវិទ្យាល័យ Phan Ngọc Hiển)។
ចម្ងាយពីមណ្ឌលក្រុង Cà Mau ៥៤គីឡូម៉ែត្រ ទីរួមស្រុក Năm Căn គឺជាមជ្ឈមណ្ឌលនយោបាយ-សេដ្ឋកិច្ច-វប្បធម៌-សង្គមរបស់ស្រុក Năm Căn តែម្តង។ ដែលត្រូវបានបង្កើតកាលពីថ្ងៃទី២៥ ខែកក្កដា ឆ្នាំ១៩៧៩។ ទីរួមស្រុកណាំកាំងមានផ្ទៃដីធម្មជាតិប្រមាណ ២.៧០៧,៩១ ហិកតា ចែកចេញជា១២អនុសង្កាត់ ដោយមាន៤.៦៥៤គ្រួសារ និងចំនួនប្រជាជន១៦.៥១៧នាក់។
ទីតាំងសម្រាប់សកម្មភាពជំនឿសាសនាកាតូលិកត្រូវបានកសាងយ៉ាងធំទូលាយស្អាត។
ហេដ្ឋារចនាសម្ព័ន្ធនៃទីរួមស្រុក ទទួលបានការវិនិយោគកសាងយ៉ាងធំទូលាយស្អាត។
ទីរួមស្រុក Năm Căn ស្ថិតនៅក្បែរច្រកទ្វារ Cửa Lớn, Kênh Tắc (Cái Nai) និង ប្រឡាយ Xẻo Thùng។ នៅចំកណ្តាលទីរួមស្រុក គឺផ្លូវជាតិលេខ១ពុះទទឹង។ ខាងកើតទីរួមស្រុក តាមដងព្រែកនៃច្រកទ្វារធំ គឺជាផ្លូវប្រចាំនៃទិសខាងកើត-ខាងលិចនៃខេត្ត Cà Mau (ចាប់ពីតំណាក់ផ្លូវជាតិលេខ១ រហូតដល់មាត់សមុទ្រ Gành Hào) និងស្ពានឆ្លងព្រែក Cái Nai (ជាតំបន់សេដ្ឋកិច្ច Năm Căn)... ។ រួមចំណែកបង្កើនសក្ដានុពលខាងវិស័យសេដ្ឋកិច្ចរបស់ភូមិភាគ។ ដោយអំណោយផលពីធម្មជាតិ ក្នុងពេលអនាគតមិនឆ្ងាយនោះទេ ទីរួមស្រុក Năm Căn នឹងក្លាយជាទីរួមខេត្តនៃតំបន់ចុងបំផុតរបស់ប្រទេសជាតិជាក់ជាមិនខាន៕
Huỳnh Lâm
