យោងតាមការផ្សព្វផ្សាយអនុវត្តយ៉ាងល្អគោលនយោបាយជនជាតិ រួមជាមួយបណ្តាដំណោះស្រាយជាក់ស្តែងជាច្រើន និងមានប្រសិទ្ធភាពផងនោះ ឃុំ Khánh Bình ស្រុក Trần Văn Thời ក៏បានជំនួយឧបត្ថម្ភបងប្អូនជនរួមជាតិភាគតិមានលក្ខណៈឈានឡើងរួចចាកក្រចីរភាព។
Khánh Bình គឺជាឃុំកសិករមសុទ្ធសាធ មានគ្រួសារ Khmer ចំនួន៧៦គ្រួសារ និងគ្រួសារជនជាតិ Hoa ៤គ្រួសារ។ ខិតខំអនុវត្តតាមសេចក្តីសម្រេចចិត្តរបស់គណៈកម្មាធិការបក្សឃុំ ដល់ចុងឆ្នាំ២០២៤ ឃុំបានលុបបំបាត់ទាំងស្រុងចំពោះគ្រួសារក្រ និងគ្រួសារប្រៀកបន្ទាត់ក្រ។
បងស្រី Phạm Ngọc Trầm ប្រធានភូមិ Phạm Kiệt និងអ្នកមីង Lý Thị Quêl ជាមួយផលិតផលតម្បាញ។
លោក Phạm Quốc Trận អនុប្រធានគណៈកម្មាធិការប្រជាជនឃុំ មានប្រសាសន៍៖ ផ្តោតលើមូលដ្ឋាននៃសេចក្តីសម្រេចចិត្តរបស់គណៈកម្មាធិការបក្ស គណៈកម្មាធិការប្រជាជនឃុំក៏បានផ្តុំកម្លាំងគម្រោងការអនុវត្ត និងធ្វើសេនាធិកាចាត់ចែងរាល់សមមិត្តនីមួយៗគ្រប់លំដាប់ថ្នាក់ និងបក្ខជនគ្រប់រូបដើម្បីជំនួយឧបត្ថម្ភ១៤គ្រួសារក្រីក្រ (ក្នុងនោះមាន១គ្រួសារ Khmer ១គ្រួសារផងដែរ)។ សមមិត្តទាំងឡាយដែលត្រូវបានចាត់ការងារសហការជាមួយភូមិ ទៅជួបផ្ទាល់រាល់គ្រួសារនីមួយៗ ក្តាប់យកគោលបំណង ដើម្បីជំនួយការឧបត្ថម្ភ។ ផ្តើុមពីនោះ រួមជាមួយបណ្តាគណៈផ្នែក ថ្នាក់ស្រុកសកម្មចលនាអង្គការចាត់តាំងឯកជនដើម្បីឧបត្ថម្ភសង់ផ្ទះជាដើម។ អាស្រ័យហេតុនេះហើយ ឃុំ Khánh Bình ក៏លុបបំបាត់ទាំងស្រុង១៤/១៤គ្រួសារក្រីក្រ (ក្នុងនោះមានគ្រួសារ Khmer ១គ្រួសារផងដែរ) ព្រមទាំងលុបបំបាត់១៦/២៦គ្រួសារប្រកៀកបន្ទាត់ក្រ (មាន២គ្រួសារ Khmer)។
ជាគ្រួសារ Khmer មួយក្នុងចំណោម២គ្រួសារចុងក្រោយបង្អស់របស់ឃុំ Khánh Bình ដែលបានរួចចាកផុតពីគ្រួសារប្រកៀកបន្ទាត់ក្រ អ្នកមីង Lý Thị Quêl នៅភូមិ Phạm Kiệt រីករាយឱ្យដឹងថា៖ ពីមុននេះ គ្មានដីផលិត ផ្ទះក៏ទ្រុឌទ្រោម។ តែអាស្រ័យទទួលបានការយកចិត្តទុកដាក់ឧបត្ថម្ភ ទើបខ្ញុំមានផ្ទះស្នាក់នៅយ៉ាងធំទូលាយស្អាត ខ្ញុំសប្បាយចិត្តខ្លាំងណាស់។
គ្រួសារអ្នកមីង Quêl គឺជាគ្រួសារប្រកៀកបន្ទាត់ក្រឆ្នាំ២០២៣ រស់នៅជាមួយកូនប្រុស និងចៅ២នាក់។ កូនអ្នកមីងប្រកបមុខរបរកាត់ស្រូវស៊ីឈ្នួលតាមរដូវ ជីវភាពជួបលំបាកខ្លាំង។ ដោយបានរដ្ឋជំនួយឧបត្ថម្ភទឹកប្រាក់ចំនួន៥០លានដុង រួមជាមួយទឹកប្រាក់ដែលខ្លួនសន្សំបានខ្លះ និងខ្ចីសាច់ញាតិ គ្រួសារក៏សង់បានផ្ទះមួយខ្នងយ៉ាងធំទូលាយស្អាតដោយសរុបតម្លៃ១០០លានដុង។ ក្រៅពីនោះ សប្បុរសជនថែមទាំងបានជំនួយឧបត្ថម្ភគ្រួសារអ្នកមីងបុលប្រាក់សម្រាប់ធ្វើជាដើមទុន ចិញ្ចឹមទា សង់បង្គន់អនាម័យទៀតផង។
ដោយសារការខិតខំប្រឹងប្រែងត្បាញកញ្ឆេ និងកន្ទេលសសៃខ្សែប្លាស្ទិក អ្នកមីង Lý Thị Quêl រកបានប្រភពប្រាក់ចំណូលសម្រាប់គ្រួសារផងដែរ។
ជាមួយការខិតខំប្រឹងប្រែង រួមទាំងខ្លួនចេះខាងរបរត្បាញតាំងពីនៅតូចផងនោះ អ្នកមីងក្វេន ក៏ត្បាឡកញ្ឆេប្រចាំថ្ងៃ រួមទាំងកន្ទេលប្លាស្ទិកដើម្បីលក់រកប្រាក់ចំណូល។ អ្នកមីងក្វេន ឱ្យដឹង៖
“បណ្តាសរសៃខ្សែប្លាស្ទិកនេះ ដំបូងខ្ញុំទៅសុំគេនៅតាមកន្លែងលក់ឧបករសំណង់ យកមកលាងសម្អាត រួចហើយត្បាញ។ បន្ទាប់មក គេបានដឹងឮថាយើងចេះត្បាញក៏យកមកឱ្យដល់ផ្ទះ។ កញ្ឆេមួយគូ ចំណាយពេលត្បាញចាប់ពី២-៣ថ្ងៃទើបសម្រេច លក់បានតម្លៃ១៥០ពាន់ដុង/គូ ចំណែកកន្ទេលវិញ ត្រូវចំណាយពេលប្រហែលជាមួយសប្តាហ៍ទើបបានសម្រេច លក់បានតម្លៃ៦០០ពាន់ដុងសម្រាប់កន្ទេលមួយគ្រឿង អាចរកបានប្រាក់ខ្លះសម្រាប់ផ្គត់ផ្គង់ជីវភាពគ្រួសារប្រចាំថ្ងៃ។
បងស្រី Phạm Ngọc Trầm ប្រធានភូមិ Phạm Kiệt បានឱ្យដឹង៖ "នៅតាមដងព្រែក Ông Kiệt មានគ្រួសារ Khmer ប្រមាណ១០គ្រួសារ ថ្វីត្បិតតែជីវភាពមិនសូវបានធូរធារដូចតាមតំបន់ដទៃទៀត តែការរស់នៅរបស់បងប្អូនទាំងឡាយទីនេះក៏បានលំនឹងផងដែរ មាមីងបងប្អូនមានការខិតខំប្រឹងប្រែងប្រកបរបររកស៊ីដើម្បីពង្រីកសេដ្ឋកិច្ចគ្រួសារ"។
តួយ៉ាងដូចជាគ្រួសារអ្នកមីង Nguyễn Bé Thuỷ ជាគ្រួសារខ្មែររស់នៅតាមដងព្រែក។ អ្នកមីង Thuỷ មានប្រសាសន៍៖ ពីមុនរដ្ឋបានឧបត្ថម្ភដីផលិតជូនម្តាយខ្ញុំចំនួន២កុង ម្តាយខ្ញុំចែកឱ្យបងប្អូនខ្ញុំម្នាក់ៗធារផ្ទះមួយធារ។ មានដីសង់ផ្ទះ មានទីជម្រកសមរម្យ យើងត្រូវខិតខំប្រឹងប្រែងរកស៊ីដើម្បីរកប្រាក់ចំណូល។
អាស្រ័យការយកចិត្តទុកដាក់របស់រដ្ឋអំណាចភូមិភាគ និងការជំនួយកម្លាំងរបស់គ្រប់បណ្តាគណៈផ្នែក សប្បុរសជន ជីវភាពបងប្អូនប្រជាជននៅ Khánh Bình ក៏មានការផ្លាស់ប្តូរ ពិសេសបងប្អូនជនរួមជាតិ មានការរីកចម្រើនគ្រប់វិស័យទាំងខណៈពេលដែលភូមិភាគបានលុបបំបាត់គ្រួសារក្រីក្រទាំងស្រុង ព្រមទាំងគ្មានគ្រួសារ Khmer ក្រីក្រ និងប្រកៀកបន្ទាត់ក្រទៀតនោះទេ៕
Đào Hồng
