Trà Vinh គឺជាខេត្តមួយដែលគេធ្លាប់បានដឹងថាមានវត្តអារាម Khmer ដ៏ច្រើនជាងគេទូទាំងប្រទេស Việt Nam ដោយមានទាំងអស់១៤៤វត្ត។ រាល់វត្តនីមួយៗតែងបានរៀបចំតុបតែងយ៉ាងល្អប្រណិតដោយក្បូរក្បាច់រចនានៃព្រះពុទ្ធសាសនាកណមហានិកាយ Khmer។ ក្នុងនោះមានវត្តកំពុងពោធិព្រឹក្ស ហៅបង្រៃចាស់ (Vàm Ray)។
ភាពល្អអស្ចារ្យនៃស្ថាបត្យកម្មកខ្លោងទ្វារវត្តកំពង់ពោធិព្រឹក្ស បង្រៃចាស់ (Vàm Ray)។
វត្តកំពង់ពោធិព្រឹក្ស បង្រៃចាស់ (Vàm Ray) ឬក៏និយមហៅថាវត្ត (ត្រឹមបេ - Trầm Bê) មានទីតាំងស្ថិតនៅភូមិបង្រៃ ឃុំ Hàm Tân ស្រុក Trà Cú ខេត្ត Trà Vinh ត្រូវបានកសាងនូវឆ្នាំ១៣២៥ នេះក៏ចាត់ទុកជាវត្ត Khmer បុរាណមួយរបស់ស្រុក Trà Cú ផងដែរ។ ឆ្លងកាត់សម័កាលនៃប្រវត្តិសាស្ត្រ វត្តក៏មានការទ្រុឌទ្រោមយ៉ាងធ្ងន់ធ្ងរមិនអាចឆ្លើតតបតាមតម្រូវការសកម្មភាពជំនឿសាសនាបាន។
ព្រះវិហារវត្តបង្រៃចាស់ (Vàm Ray) កសាងថ្មីអាស្រ័យការឧបត្ថម្ភទាំងស្រុងរបស់ឧបាសក ត្រឹមបេ (Trầm Bê)។
បន្ទាប់មក វត្តក៏ត្រូវបានឧបាសក ត្រឹមបេ (Trầm Bê) ដែលជាសេដ្ឋី Khmer ដ៏ល្បីមួយរូបប្រចាំខេត្តមានសទ្ធាជ្រះថ្លាបានជំនួយបច្ច័យកសាងព្រះវិហារថ្មី និងដាក់ឱ្យប្រើប្រាស់ជាផ្លូវការកាលពីឆ្នាំ២០១០ រួមទាំងបណ្តាសមិទ្ធផលផ្សេងៗមួយចំនួនទៀតសរុបទឹកប្រាក់៥០ពាន់លានដុង។ ហើយបណ្តាសិប្បករដែលល្បីៗប្រចាំខេត្តក៏ត្រូវបានលោកអញ្ជើញមកចេញប្លង់កសាងសម្រេចជាស្ថាពរក្នុងរយៈពេលត្រឹមតែ៣ឆ្នាំប៉ុណ្ណោះ។ ដូច្នេះហើយទើបអ្នកភូមិនិយមហៅថាវត្ត ត្រឹម បេ (Trầm Bê) ដែលជាឈ្មោះរបស់ឧបាសកអ្នកមានសទ្ធាកសាងវត្តនេះឯង។
ភាពអស្ចារ្យសម្រាប់ផ្នែកខាងសិល្បៈរបស់វត្តត្រូវបានបង្ហាញយោងតាមក្បូរក្បាច់រចនាយ៉ាងវិសេសវិសាលតាំងពីដើមសរសវត្ត កាំជណ្តើរនិងដំបូលវិហារ។ រាល់សរសរនីមួយៗជុំវិញព្រះវិហារសុទ្ធតែមានរូបចម្លាក់ក្បាលព្រហ្មមុខ៤និងយក្សបង្ហាញនូវភាពអស្ចារ្យនិងកាចសាហាវរបស់ខ្លួនដើម្បីការពារវត្តអារាម ព្រមទាំងមានរូបចម្លាក់សត្វដែលតំណាងឱ្យឆ្នាំទាំង១២មួយទៀតផង។ ក្រៅពីនោះ វត្តថែមទាំងមានព្រះពុទ្ធបដិមាករទ្រង់បរិនិព្វានដ៏ធំប្រវែង៥៤ម៉ែត្រអមដោយម្លប់នៃដើមគរគីនិងឈើទាលដ៏ត្រជាក់។
និម្មនិតរូបតំណាងឱ្យឆ្នាំទាំង១២តាមលក្ខណៈប្រពៃណី Khmer នៅវត្តបង្រៃចាស់ (Vàm Ray)។
វត្តកំពង់ពោធិព្រឹក្ស បង្រៃចាស់ (Vàm Ray) មានភាពអស្ចារ្យហាក់បីដូចជាព្រះបរមរាជវាំងប្រកបដោយព័ណ៌លឿងយ៉ាងភ្លឺត្រចះ និងក្បូរក្បាច់រចនាយ៉ាងលម្អិតទៀតផង។ មកទស្សនាវត្តកំពង់ពោធិព្រឹក្ស ភ្ញៀវទេសចរណ៍ទាំងឡាយនឹងមានអារម្មណ៍ស្រស់ស្រាលចំពោះក្បូរក្បាច់រចនាផ្នែកខាងសិល្បៈចម្លាក់ប្រជា ប្រិយនិងរចនាបថនៃស្ថាបត្យកម្មធម្មរបស់វត្ត៕
Chanh Đa
