ភូមិ Đường Đào ឃុំ Hồ Thị Kỷ ស្រុក Thới Bình ជាភូមិមួយដែលមានជនរួមជាតិ Khmer រស់នៅច្រើនកុះករ តាំងពីយូរយាណាស់មកហើយគេតែងនិយមហៅថា “ភូមិមហាវិទ្យាល័យ” (Xóm đại học) ពី ព្រោះបងប្អូនប្រជាជនទាំងឡាយនៅទីនេះមានប្រពៃណីខាងសិក្សារៀនសូត្រ និងព្យាយាមពលកម្ម ផលិត អភិវឌ្ឍន៍សេដ្ឋកិច្ច។ ផ្តើមពីលក្ខណៈនេះដែរ ក៏បានជួយឱ្យភូមិស្រុកដែលកាលពីមុនធ្លាប់ជាភូមិក្រលំបាកកាន់តែមានភាពផ្លាស់ប្តូរ វិស័យសេដ្ឋកិច្ចកាន់តែមានការអភិវឌ្ឍន៍ បញ្ជាក់បានខាងចំណេះដឹងរបស់ការរស់នៅរបស់បងប្អូនប្រជាជន។
លោក Nguyễn Việt Bắc អនុប្រធានគណៈកម្មាធិការប្រជាជនឃុំ Hồ Thị Kỷ ឱ្យដឹង៖ “ភូមិ Đường Đào មានការផ្លាស់ប្តូរយ៉ាងសកម្មរៀងរាល់ឆ្នាំ។ អាស្រ័យវិស័យសេដ្ឋកិច្ចបានលំនឹង ជាពិសេសការរួមចំណែកដ៏សំខាន់ខាងរបរចិញ្ចឹមបង្គា ជីវភាពបងប្អូនប្រជាជនក្នុងភូមិមានការរីកចម្រើន។ ទន្ទឹមនិងនោះផងដែរ ភូមិ Đường Đào ថែមទាំងល្បីឈ្មោះខាងការសិក្សារៀនសូត្ររបស់កូនក្មួយទាំងឡាយនៅទីនេះ។ ដូច្នេះហើយគុណភាពខាងការរស់នៅរបស់គ្រួសារ Khmer ទាំងឡាយក៏មានការលើកកម្ពស់ ជុំរុញកម្លាំងសម្រាប់ការអភិវឌ្ឍរួមរបស់ភូមិ”។
“ភូមិមហាវិទ្យាល័យ” (Xóm đại học) បច្ចុប្បន្នលំនៅឋានរបស់មាមីងបងប្អូននិងផ្លូវថ្នល់ក៏ស្កៃស្កៃនិងធំទូលាយស្អាតផងដែរ។
ទូទាំងភូមិ Đường Đào មានប្រមាណ៥០៧គ្រួសារ ដោយមានចំនួនប្រជាជន១.៦៥០នាក់ ក្នុងនោះមានជាង៣៥៥គ្រួសារ Khmer។ លោក Nguyễn Trọng Yêm ប្រធានភូមិបានអះអាងថា៖ ការអភិវឌ្ឍរបស់ភូមិ Đường Đào មានល្បឿនគួរឱ្យកត់សម្គាល់ប្រៀបជាមួយបណ្តាភូមិដទៃក្នុងតំបន់។ កូនក្មួយជនរួមជាតិទាំងឡាយនៅទីនេះមានការវិវឌ្ឍខាងសិក្សារៀនសូត្រ ហើយក៏មានមនុស្សជាច្រើនទទួួលបានភាពជោគជ័យលើគ្រប់វិស័យដូចជាវិស័យអប់រំ សុខាភិបាល នគរបាល និងបច្ចេកទេសជាដើម។ ភាពជោគជ័យទាំងនោះក៏អាស្រ័យគោលនយោបាយអាទិភាពណរបស់រដ្ឋផហដែរ ជាពិសេសអាហារូបករណ៍ និងជំនួយផ្សេងៗសម្រាប់សិស្សនិស្សិតជាកូន Khmer។ ដោយសារលក្ខណៈងាយស្រួលបែបនេះហើយក៏បានជួយកូនក្មួយក្នុងភូមិចូលរួមប្រឡងប្រណាំងក្នុងការសិក្សារៀនសូត្រទៀតផង។
តួយ៉ាងដូចជាគ្រួសារលោក Danh Ôl គ្រួសារមានកូន៣នាក់ កូនស្រីច្បងរបស់លោកសព្វថ្ងៃកំពុងជាគ្រូបង្រៀននៅវិទ្យាល័យជនជាតិអន្តេវាសិកខេត្ត និងកូនស្រីបន្ទាប់ជាគ្រូពេទ្យនៅមណ្ឌលសុខាភិ បាលស្រុក Thới Bình ចំណែកកូនប្រុសពៅសព្វថ្ងៃកំពុងធ្វើការនៅធនាគារឱស្សាហពាណិជ្ជកម្មសាខាខេត្ត Cà Mau។
ចែករំលែកពីដំណើរការចិញ្ចឹមកូនរៀនសូត្រ លោក Danh Ôl មានប្រសាសន៍៖ ខណៈពេលដែលកូនកំពុងនៅសិក្សារៀនសូត្រ គ្រួសារខ្ញុំជាពិសេសប្រកបរបរធ្វើស្រែ ប្រាក់ចំណូលក៏មិននឹងនរនោះដែរ។ ទោះបីជាយ៉ាងណាក្តី ខ្ញុំនៅតែតាំងចិត្តគិតគូរឱ្យកូនរៀនសូត្រ។ យើងខ្ញុំបានលះបង់គ្រប់យ៉ាងដើម្បីកូនៗបានសិក្សារៀនសូត្តត្រឹមត្រូវ។
កូនចៅមានលក្ខណៈបានសិក្សារៀនសូត្រនិងមានការធ្វើត្រឹមត្រូវ សព្វថ្ងៃលោកមា Danh Ôl វ័យក៏កាន់តែចាស់ដែរហើយ លោកពូតែងនៅផ្ទះមើលថែចៅៗរបស់ខ្លួន។
លោកមា Danh Ôl និយាយដោយក្តីសប្បាយរីករាយថា៖ កាលពីមុនយើញខ្ញុំត្រូវរត់សឹក គ្មាឱកាសបានសិក្សារៀនសូត្រ។ ដូច្នេះហើយ ពេលដែលកូន”មានចិត្ត សង់រៀនសូត្រ ខ្ញុំក៏សប្បាយចិត្តណាស់ដែរ។ ទោះបីជីវភាពមិនងាយស្រួលក៏ដោយ តែខ្ញុំតែងខិតខំព្យាយាមគ្រប់ឧបស័គ្គដើម្បីបង្កលក្ខណៈឱ្យកូនរៀនសូត្រ។ សព្វថ្ងៃ បានឃើញពួកកូនមានការងារធ្វើត្រឹមត្រូវ ខ្ញុំក៏មានក្តីសុខខ្លាំងណាស់។
ចំណែកគ្រួសារមួយទៀតគឺប្តីប្រពន្ធលោក Hữu Văn Nhỏ និងអ្នកមីង Trịnh Thị Cham ទោះបីជាគ្រួសារកសិករ តែតែងគិតគូរបានល្អសម្រាប់ការសិក្សារៀនសូត្ររបស់កូនចៅ។ កូនប្រុសច្បងរបស់លោកសព្វថ្ងៃកំពុងធ្វើការនៅសារៈមន្ទីរខេត្ត បញ្ជាក់ឱ្យការខិតខំព្យាយាមឆ្លងកាត់លំបាកនិងឈានឡើងអាស្រ័យការសិក្សារៀនសូត្រ។
ភូមិ Đường Đào មានការផ្លាស់ប្តូរគ្រប់បែបយ៉ាង។ ផ្តើមពីតំបន់ក្រីក្រកាលពីមុនដែលគ្មានលក្ខណៈរៀនសូត្រ សព្វថ្ងៃកូនក្មួយមិនត្រឹមបានរៀនសូត្រត្រឹមត្រូវប៉ុណ្ណោះទេ ថែមទាំងបានរួមចំណែកក្នុងការអភិវឌ្ឍរួមរបស់សង្គមជាមួយមុខរបរវិជ្ជាជីវៈលំនឹងល្អរបស់ខ្លួន ជួយគ្រួសារនិងសហគមមានការអភិវឌ្ឍ ចីរភាព។ “ភូមិ មហាវិទ្យាល័យ” (Xóm đại học) បញ្ជាក់ច្បាស់ពីការរស់នៅទទួលជោគជ័យរបស់ សហគមដែលសម្បូរខាងប្រពៃណីរៀនសសូត្រ និងតស៊ូព្យាយាមឆ្លងកាត់លំបាក ឆ្ពោះទៅអនាគតភ្លឺស្វាង៕
Hồng Phượng - Trầm Nghĩ
