ស្រុក Phú Tân មានគ្រួសារជនជាតិភាគតិចសរុបទាំងអស់ជាង ៧៨០ គ្រួសារ ដោយមានចំនួនប្រជាជនប្រមាណជាង ៣.៤០០ នាក់ ប្រមូលផ្តុំនៅតាមបណ្តាឃុំនិងនិគមទូទាំងស្រុករួមមានដូចជាជនជាតិ៖ Khmer, Hoa, Thái, Mường, Nùng, Tày, Ê-đê, Dao, Lào ជាដើម។ ឃុំង្វៀតវៀតខាយ ជាឃុំមួយដែលមានបងប្អូនជនរួមជាតិ Khmer រស់នៅច្រើនកុះកររបស់ស្រុក Phú Tân។ ទូទាំងឃុំមាន១៣១គ្រួសារ Khmer និងមានចំនួនមនុស្ស ៥៨៧ នាក់ ក្នុងនោះភូមិហ្កកុងមានច្រើនជាងគេបង្អស់។
លោក Lý Minh Trí ប្រធានភូមិ Gò Công ឱ្យដឹង៖ ទូទាំងភូមិមាន៤៣៣គ្រួសារប្រជាជន ក្នុងនោះ មាន៥៧គ្រួសារជនរួមជាតិ Khmer ដោយមានចំនួនប្រជាជន ២៤៥ នាក់ ជាភូមិដែលមានជនរួមជាតិ Khmer រស់នៅច្រើនជាងគេរបស់ស្រុក។ អាស្រ័យការយកចិត្តទុកដាក់របស់បក្សនិងរដ្ឋ ទើបជីវភាពបងប្អូនប្រជាជនមានការអភិវឌ្ឍយ៉ាងសកម្ម។ បច្ចុប្បន្ន ទូទាំងភូមិនូវត្រឹម៦គ្រួសារក្រប៉ុណ្ណោះ ហើយក៏គ្មានគ្រួសារក្រីក្រណាដែលត្រូវជាគ្រួសារ Khmer នោះទេ។
មុខមាត់ជនបទនៃតំបន់ជនរួមជាតិ Khmer ភូមិ Gò Công មួយថ្ងៃកាន់តែមានសម្រស់។
ក្នុងប៉ុន្មានថ្ងៃនេះ បងប្អូនជនរួមជាតិ Khmer នៅភូមិ Gò Công កំពុងឈូរឆរៀបចំទទួលបុណ្យចូលឆ្នាំថ្មីផងដែរ។
គ្រួសារអ្នកមីង Kim Mol អាយុ៤៧ឆ្នាំ នៅភូមិ Gò Công កំពុងរវល់បោសសម្អាតផ្ទះ និងអាសនៈដូនតា ដើម្បីរៀបចំទទួលឆ្នាំថ្មី។ អ្នកមីង Mol កើតនិិងដឹងក្តីនៅស្រុក Trà Cú ខេត្ត Trà Vinh រួមជាមួយប្តីមករស់នៅទីនេះបានជាង៤០ឆ្នាំដែរហើយើ អ្នកមីងមានកូន៥នាក់ កូនទាំងអសើសុទ្ធតែបានសិក្សារៀនសូត្រគ្រប់ៗគ្នា។ ប្តីរបស់អ្នកមីងគឺបង Sơn Mi មានអាយុ៤៩ឆ្នាំ ប្រកបរបររាវគ្រំជំពុះទានៅតាមច្រកទ្វារសមុទ្រនៃឃុំ Nguyễn Việt Khái រកបានប្រាក់ចំណូលចាប់ពី២០០-៤០០ពាន់ដុង/ថ្ងៃ ដោយសារបែបនេះទើបទើបមានប្រាក់សម្រាប់ផ្គត់ផ្គង់ជីវភាពគ្រួសារ និងចិញ្ចឹមកូនរៀនសូត្រ។
“ទោះបីជីវភាពរស់នៅមានការជួបលំបាក ប៉ុន្តែគ្រួសារក៏មិនភ្លេចរៀបចំតុបតែងផ្ទះសម្បែងដើម្បីទទួលបុណ្យចូលឆ្នាំថ្មីនោះដែរ។ ជារៀងរាល់ឆ្នាំ គ្រួសារតែងទិញផ្លែឈើ នំនេក ធ្វើបាយស្ពកសម្រាប់សែនដូនតាក្នុងថ្ងៃបុណ្យចូលឆ្នាំ” អ្នកមីង Mol ឱ្យដឹងដូច្នេះ។
បងស្រី Kim Mol រៀបចំផ្ទះនិងអាសនៈដូនតាដើម្បីទទួលបុណ្យចូលឆ្នាំថ្មី។
លោក Huỳnh Đông អាយុ៥៥ឆ្នាំ ជាជនជាតិ Khmer នៅភូមិ Gò Công ប្រកបរបរខាងនេសាទសមុទ្រ។ ជារៀងរាល់ថ្ងៃ លោកមាទៅរាវគ្រំចំពុះទា ក្នុងមួយខែៗអាចរកបានប្រាក់ចំនូលប្រមាណពី១០-១៥លានដុង។ ជីវភាពគ្រួសារមួយថ្ងៃកាន់តែមានការអភិវឌ្ឍ ទិញបានសម្ភារៈប្រើប្រាស់គ្របសព្វ។ ទន្ទឹមនិងនោះ គ្រួសារថែមទាំងឆ្លៀតយកផ្ទៃដីដែលនៅទំនេរខាងក្រោយផ្ទះដើម្បីដាំបន្លែសម្រាប់ផ្គត់ផ្គង់ជីវភាពគ្រួសារប្រាចំថ្ងៃ។ ជិតដល់ថ្ងៃចូលឆ្នាំថ្មី កូនៗរបស់លោកពូដែលទៅរកស៊ីនៅស្រុកឆ្ងាយក៏បានវិលត្រឡប់មកផ្ទះជួបជុំគ្រួសារសប្បាយបុណ្យចូលឆ្នាំដែរ។
“បុណ្យចូលឆ្នាំថ្មីក៏ជាឱកាសសម្រាប់កូនចៅសម្តែងនូវការដឹងគុណចំពោះដូនតា បុព្វការីជនផងដែរ។ អាស្រ័យដូច្នេះហើយ គ្រួសារខ្ញុំក៏បោសសំអាតអនាម័យផ្ទះសម្បែង វេចនំ ទិញសំលៀកបំពាក់ថ្មីឱ្យចៅ។ ឆ្នាំថ្មី ពេញដោយក្តីសង្ឃឹមថានឹងជួបតែសំណងល្អគ្រប់ប្រការ ស់ខ្ញុំត្រូវសម្អាតផ្ទះ ធ្វើនំ និងទិញសំលៀកបំពាក់ថ្មីៗជូនចៅៗ សង្គមគ្រួសារបានសុខក្សេមក្សាន្ត មានកម្លាំងពល្លាំង និងសុភមង្គល” លោកពូ Huỳnh Đông មានប្រសាសន៍បែបនេះ។
សេដ្ឋកិច្ចរីកចម្រើន គ្រួសារលោក Huỳnh Đông ក៏ទិញបានសម្ភារៈគ្រប់គ្រាន់សម្រាប់ប្រើប្រាស់។
លោក Quách Văn Sển អនុប្រធានគណៈកម្មាធិការប្រជាជនឃុុំ Nguyễn Việt Khái ឱ្យដឹង៖ “ឆ្នាំ២០២៤ ឃុំបានសហការជាមួយស្ថាប័នពាក់ព័ន្ធបើកថ្នាក់បណ្តុះបណ្តាលវិជ្ជាជីវៈបានចំនួន១៤ថ្នាក់ ក្នុងនោះអាទិភាពសម្រាប់គ្រួសារក្រ ប្រកៀកបន្ទាត់ក្រដែលជាជនជាតិ Khmer។ សិក្ខាកាមជាច្រើនរូប បន្ទាប់ពីបញ្ចប់វគ្គបណ្តុះបណ្តាល ក៏មានប្រភពប្រាក់ចំណូលសមគួរ ជីវភាពមួយថ្ងៃកាន់តែធូរធា សេដ្ឋកិច្ចរីកចម្រើនទៀតផង។
បន្ទាប់រយៈពេល១ឆ្នាំខិតខំប្រឹងប្រែងជម្នះការលំបាក គ្រួសារ Khmer ទាំងឡាយនៅភូមិ Gò Công ប្រការដែលរីករាយបំផុតគឺពេលដែលគ្រួសារពានជួបជុំទទួលអំណរបុណ្យចូលឆ្នាំថ្មី។ នេះក៏ជាឱកាសសម្រាប់អប់រំកូនចៅរបស់ខ្លួនសម្តែងនូវការដឹងគុណដូនតា ផ្តើមពីនោះក៏ជាឱកាសជួបជុំមិត្តភក្តិ ប្រសិទ្ធពរគ្នាទៅវិញទៅមក ដោះដូរបទពិសោធក្នុងការពលកម្មផលិត រៀនសូត្រជាដើម។ ឆ្លងតាមនោះ ណែនាំអ្នករាល់គ្នាឱ្យរសើនៅប្រព្រឹត្តិល្អអំពើសុច្ចរិត ដើម្បីឆ្នាំថ្មីខ្លួនរួមទាំងសង្គមគ្រួសារជួបតែសំណាងល្អគ្រប់ប្រការ ពេញដោយក្តីសុខ សុភមង្គល រួមចំណែកកសាងប្រទេសជាតិ មាតុភូមិឱ្យកាន់តែសម្បូររុងរឿង៕
Anh Phan
