ជនរួមជាតិភាគតិចនៅ Cà Mau មានប្រពៃណីសាមគ្គីក្នុងការជម្នះជាមួយគ្រោះធម្មជាតិ ប្រយុទ្ធប្រឆាំងនឹងការឈ្លានពានទឹកដីរបស់ខ្មាំងសត្រូវ ការពារ និងកសាងប្រទេសជាតិ។ ក្នុងរយៈកាល៥០ឆ្នាំ ចាប់តាំងពីប្រទេសជាតិបានរំដោះ ផ្តើមពីបណ្តាគោលនយោបាយគិតគូរបស់បក្សនិងរដ្ឋ រួមជាមួយការខិតខំប្រឹងប្រែងឈានឡើងរបស់បងប្អូនជនរួមជាតិ Khmer ជីវភាពសម្ភារៈនិងស្មារតីរបស់បងប្អូនជនរួមជាតិភាគតិចមួយថ្ងៃកាន់តែមានការលើកកម្ពស់ បងប្អូនជនរួមជាតិ Khmer តែងជឿជាក់លើការដឹកនាំរបស់បក្ស រស់នៅសាមគ្គីកសាងជីវភាពសុខក្សេមក្សាន្ត និងសុភមង្គល។
ក្នុងបណ្តាពិធីបុណ្យទានប្រពៃណីរបស់បងប្អូនជនរួមជាតិភាគតិចតែងបានគណៈកម្មាធិការបក្សគ្រប់លំដាប់ថ្នាក់ និងរដ្ឋអំណាចភូមិភាគយកចិត្តទុកដាក់។ (នាឱកាសបុណ្យចូលឆ្នាមថ្មីប្រពៃណី Khmer ឆ្នាំ២០២៥ អនុលេខាអចិន្ត្រៃយ៍បក្សខេត្ត Nguyễn Đức Hiển រួមជាមួយក្រុមការងារបានអញ្ជើញទៅសួរសុខទុក្ខ និងប្រគេនអំណោយវត្តជុំប្រាសាទ រាត់គូយ (Rạch Cui) ឃុំ Khánh Bình Đông ស្រុក Trần Văn Thời)។
ប៉ុន្មានឆ្នាំកន្លង កម្មវិធីកាត់បន្ថយក្រ និងដោះស្រាយការងារធ្វើ ធានាសន្តិសុខសង្គម ព្រមទាំងបណ្តាកម្មវិធី គោលនយោបាយជាច្រើនសម្រាប់ជនរួមជាតិក៏ត្រូវបានគណៈផ្នែកគ្រប់លំដាប់ថ្នាក់និងរដ្ឋអំណាចភូមិភាគធ្វើការផ្សព្វផ្សាយអនុវត្តយ៉ាងសកម្មផងដែរ។ ការគិតគូរដល់ជីវភាពរស់នៅរបស់បណ្តាគ្រួសារ គោលនយោបាយ និងគ្រួសារក្រីក្រ ប្រកៀកបន្ទាត់ក្រ គ្រួសារជួបលំបាកទាំងឡោយដែលជាជនជាតិភាគតិចក៏ត្រូវបានផ្សព្វផ្សាយទាន់ពេល និងត្រូវតាមការកំណត់។ ផ្តើមពីនោះ ក៏បង្កើនទំនុកចិត្ត និងជំរុញស្មារតីយ៉ាងធំសម្រាប់បងប្អូនជនរួមជាតិ។
លោក Nguyễn Thành Niệm នាយករងនៃមន្ទីរជនជាតិនិងសាសនា ឱ្យដឹង៖ ស្ទើតែគ្រប់បណ្តាខ្លឹមសារនៃគោលនយោបាយជនជាតិសុទ្ធសឹងតែត្រូវបានរួមបញ្ចូលគ្នានៃកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមតំបន់ជនជាតិភាគតិច។ យោងតាមនោះ ជារៀងរាល់ឆ្នាំ គណៈកម្មាធិការប្រជាជនខេត្តបានចង្អុលការណែនាំប្រមូលផ្តុំប្រភពធនធានសម្រាប់អនុវត្តរាល់បណ្តាគម្រោងការ និងអនុគម្រោងទាំងឡាយដែលជះឥទ្ធិពលផ្ទាល់ចំពោះបងប្អូនជនរួមជាតិភាគតិច និងតំបន់ជនជាតិភាគតិច។ គិតមកទល់ពេលនេះ បណ្តាលទ្ធផលដែលបានបញ្ជាក់ច្បាស់ ដូចជា៖ ការឧបត្ថម្ភដីធារសម្រាប់សង់ផ្ទះ និងផ្ទះស្នាក់នៅ ផ្លាស់ប្តូរមុខរបរការងារធ្វើ ព្រមទាំងឧបត្ថម្ភទឹកស្អាតសម្រាប់ប្រើប្រាស់រាយប៉ាយសម្រាប់១.៥៦១គ្រួសារបានទទួួលផល។ សម្រេចជាមូលដ្ឋានការរៀបចំលំនៅឋានជូនប្រជាជនតាមទម្រង់នឹងនរនៅនឹងកន្លែងជូន១.៨៥គ្រួសារ។ សម្រេចជោគជ័យ៨៨គម្រោងការអភិវឌ្ឍផលិត ពហុបែបនៃជីវភាពរស់ នៅសហគមសម្រាប់១.០០០គ្រួសារនិងកសាងបាន៤ទម្រង់ផ្តើមអាជីពជួញដូរលើភូមិសាស្ត្រទាំង៣ឃុំដែលជាឃុំស្ថិតក្នុងតំបន់ III ផងដែរ ព្រមទាំងឧបត្ថម្ភវិនិយោគកសាងថ្មីចំនួន១១៣សំណង់ និងកែជួសជុលបាន១៤៥សំណង់លើភូមិសាស្ត្រឃុំ និងភូមិលំពាកពិសេស។
ប្រសិទ្ធភាពនៃការអនុវត្តគោលនយោបាយជនជាតិក៏បានរួមចំណែកធ្វើឱ្យផ្លាស់ប្តូរសម្រស់តំបន់ជនរួមជាតិភាគតិចផងដែរ។ បច្ចុប្បន្នមាន១០០%ឃុំទូទាំងតំបន់សុទ្ធតែមានផ្លូវរថយន្តចាក់កាវស៊ូ និងបេតុងរហូតដល់មណ្ឌលឃុំ។ ជាង៧៥%ផ្លូវថ្នល់ដែលតភ្ជាប់ពីភូមិមួយទៅភូមិមួយសុទ្ធតែត្រូវបានចាក់បេតុងយ៉ាងរឹងមាំ។ អត្រាគ្រួសារដែលបានប្រើប្រាស់អគ្គីសនីជាតិមានជាង៩៩,៩%។ ជារៀងរាល់ឆ្នាំបន្ថយចុះបានជាង២%គ្រួសារក្រីក្រក្នុងជនរួមជាតិភាគតិច។ ឆ្នាំ២០២៤ ចំនួនគ្រួសារក្រក្នុងជនរួមជាតិភាគតិចនូវត្រឹម៤៦៣គ្រួសារ ចំណូលមធ្យមសម្រាប់មនុស្សម្នាក់ៗទទួលបានជាង៥៧លានដុងក្នុងឆ្នាំ។
អនុវត្តគម្រោងការលុបបំបាត់ផ្ទះបណ្តោះអាសន្ននិងផ្ទះទ្រុឌទ្រោមរបស់ខេត្ត ស្រុក U Minh ក៏បានប្រគល់ផ្ទះជូនលោក Thạch Văn Kiển នៅភូមិលេខ៦ ឃុំ Khánh Lâm ដោយសរុបទឹកប្រាក់៨០លានដុង ក្នុងនោះរដ្ឋបានជំនួយឧបត្ថម្ភ៦០លានដុង ក្រៅពីនោះគ្រួសារបំពេញបន្ថែម។
លោក Nguyễn Thành Niệm ឱ្យដឹងបន្ថែមទៀតថា៖ តាំងដើមឆ្នាំ២០២៥រហូតមកទល់ពេលនេះ មន្ទីរជនជាតិនិងសាសនាក៏បានសហការជាមួយគ្រប់បណ្តាភូមិភាគចាត់តាំងពិនិត្យសាឡើងវិញ ព្រមទាំងសំណើរឱ្យកសាងគម្រោងការលុបបំបាត់ផ្ទះបណ្តោះអាសន្ននិងផ្ទះទ្រុឌទ្រោមរបស់ខេត្ត ដោយមានទាំងអស់ចំនួន៣៥៥ខ្នងសម្រាប់មុខសញ្ញាដែលទទួលផលអំពីកម្រោងទី១នៃកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមតមពន់ជនរួមជាតិភាគតិច។ មកទល់សព្វថ្ងៃ ក៏ផ្តើមសាងសង់បានចំនួន៣១៩ខ្នង សម្រេចភារកិច្ចដាក់ឱ្យប្រើប្រាស់ជាផ្លូវការបានចំនួន១១០ខ្នង កំពុងកសាងសង់២០៩ខ្នង។ ចំណែកនៅសល់៣៦ខ្នងបន្តទៀត យោងតាមគម្រោងការនឹងចាប់ផ្តើមដំណើរការសាងសង់សំណង់នៃខែឧសភា ឆ្នាំ២០២៥។ កំពុងត្រូវបានបង្កើនល្បឿនដើម្បីសម្រេចជោគជ័យជាស្ថាពរក្នុងខែមិថុនា ឆ្នាំ២០២៥ត្រូវតាមការបញ្ជាណែនាំរបស់អចិន្ត្រៃយ៍ប្រចាំការបក្សខេត្ត។
ព្រះឧបជ្ឈាយ៍ Thạch Hà ប្រធានសង្ឃាភិបាលនៃសមាគមពុទ្ធសាសនា Việt Nam ខេត្ត ប្រធានសមាគមព្រះសង្ឃសាមគ្គីស្នេហាជាតិខេត្ត មានសង្ឃដីការដោយរីករាយថា៖ យោងតាមការអនុវត្តបានឱ្យឃើញថា ដែលផ្តើមពីបណ្តាគោលនយោបាយអនុគ្រោះរបស់បក្សនិងរដ្ឋ ក៏បាននិងកំពុងត្រូវបាននាំមកនូវប្រ សិទ្ធភាព និងគុណភាពជាក់ស្តែង ញាំងឱ្យជីវភាពមាមីងបងប្អូន ព្រមទាំងសម្រស់ជនបទនៃតំបន់ជនរួមជាតិភាគតិចមួយថ្ងៃកាន់តែស្រស់ស្អាត។ បងប្អូន ជនរួមជាតិភាគតិចទូទាំងខេត្ត តែងជឿជាក់លើការដឹកនាំរបស់បក្សនិងរដ្ឋ ព្រមទាំងការគ្រប់គ្រងណែនាំរបស់បក្ស ប្រតិបត្តិនិងអនុវត្តល្អរាល់គោលមាគ៌ានយោបាយរបស់បក្ស ក្រឹត្យច្បាប់របស់រដ្ឋ។ បន្តអភិរក្សនិងពង្រីកប្រពៃណីសាមគ្គីស្នេហាជាតិ ជួយគ្នាទៅវិញទៅមក ខិតខំព្យាយាមរួមកម្លាំងជាមួយបក្ខភាគ រដ្ឋអំណាចភូមិភាគនិងប្រជាជនខេត្តកាម៉ាវកសាងប្រទេសជាតិ មាតុភូមិឱ្យកាន់តែសម្បូររុងរឿងតរៀងទៅ៕
Quỳnh Anh
