ប៉ុន្មានឆ្នាំកន្លងមកនេះ ព្រះពុទ្ធសាសនា Hoa នៅ Cà Mau តែងប្រតិបត្តិល្អតាមពុទ្ធប្បញ្ញតិ និងពុទ្ធានុញ្ញតិ ក៏ដូចជាអនុវត្តល្អតាមគោលនយោបាយរបស់បក្សនិងក្រឹត្យច្បាប់រដ្ឋ។ ទាំងជីវភាពរស់នៅនិងស្មារតីសម្ភារៈនៃអ្នកភារៈសាសនា ព្រមទាំងពុទ្ធបរិស័ទទាំងឡាយមួយថ្ងៃកាន់តែមានភាពរីកចម្រើន។ បណ្តាទីតាំងសក្ការៈបូជាក៏ទទួលបានការវិនិយោគកែជួសជុល និងកសាងថ្មីយ៉ាងធំទូលាយស្អាតផងដែរ។
សមាគមជនជាតិ Hoa នៅ Cà Mau ភាគច្រើនជាពុទ្ធបរិស័ទខាងគណៈឧត្តរនិកាយ និងពុទ្ធសាសនា Hoa ។ លើភូមិសាស្ត្រខេត្តនាពេលបច្ចុប្បន្នមាន ទាំងអស់ ៤០វត្តនៃឧត្តរនិកាយ ក្នុងនោះ មាន៣ វត្តជាធម្មយុត្តិកនិកាយ និង ២វត្ត កាន់ព្រះពុទ្ធសាសនា Hoa។ មាន៥៥១ ទីសក្ការៈគោរពបូជា (វិហារ អាស្រម ទីសក្ការៈនិងទីតាំងសម្រាប់គោរពបូចជានៅតាមគេហដ្ឋាន...។ ផ្សាភ្ជាប់ជាមួយ សកម្មភាពវប្បធម៌ បុណ្យទានប្រពៃណី និងជំនឿប្រជាប្រិយរបស់បងប្អូនជនជាតិ Hoa ផងដែរ។
អ្នកស្រី Quách Kiều Mai នាយករងនៃមន្ទីរជនជាតិនិងសាសនា អញ្ជើញទៅប្រសិទ្ធពរ និងជូនអំណោយតាមមូលដ្ឋានសាសនា ព្រមទាំងបណ្តាសមាជិកនៃគណៈកម្មការក្នុងឱកាសបុណ្យដើមឆ្នាំ ២០២៤។
វត្ត Giác Tự កាន់ព្រះពុទ្ធសាសនា Hoa មានទី តាំងស្ថិតនៅដងវិថី Phạm Hồng Thám (សង្កាត់២ ក្រុង Cà Mau) វត្តនេះត្រូវបានបង្កើតកាលពីឆ្នាំ ១៩៦២ ដោយភិក្ខុនី Thích Nữ Duy Trinh អ្នកស្រុក Quảng ទទួលបន្ទុកជាចៅអធិការដំបូងបងបង្អស់។ បន្ទាប់ពីចៅអធិការរូបនេះបានសុគត់ វត្តក៏ត្រូវ បានដូនជីមួយចំនួនរួមគ្នាស្នងបន្ត។ អាស្រ័យហេតុនេះហើយ វត្តថែមទាំងមាននាម ហៅថា វត្ត Bà Xẩm (លោកយាយ Xẩm)។ សម្រាប់អ្នកទទួលខុសត្រូវមានតួនាទីដូចជា ប្រធាន អនុប្រធានបន្ទាប់ពីនោះគឺជាមិត្តភក្តិ។ ជារៀងរាល់ឆ្នាំ វត្តមានចាត់តាំង២កម្មវិធីបុណ្យ រួមមានដូចជាបុណ្យកំសាន្ត នាថ្ងៃ៧,៨,៩ ខែមិគសិរ និងពិធីបង្សុកូលក្នុងខែភទ្របទសម្រាប់ឧទ្ទិសភាគផលជូនបុព្វការីជនរបស់បងប្អូនជនជាតិចិននិងគិញដែលបានចែកឋានទៅកាន់បរលោក។ ក្រៅពីនោះថែមទាំងមានវត្ត Minh Nguyệt Cư Sĩ Lâm ដោយបុព្វជិតអ្នកកាន់ព្រះពុទ្ធសាសនា Hoa ជាជនជាតិ Hoa Triều Châu បានបង្កើតកាលពី ឆ្នាំ១៩៦១។ វត្តមានទីតាំងស្ថិតនៅដងវិថី Ngô Quyền សង្កាត់២ ក្រុង Cà Mau។ ស្ថាបត្យកម្មវត្ត ត្រូវបានកសាងជា៣ជាន់។ អ្នកគ្រប់គ្រងវត្តនេះគឺជាគណៈកម្មការ ហើយមានចាត់តាំងកម្មវិធីជំនឿសាសនាដូចគ្នានឹងវត្ត Giác Thiện ផងដែរ។ ជារៀងរាល់ឆ្នាំ វត្តមានចាត់តាំងកម្មវិធីបុណ្យធំៗចំនួន៣នាថ្ងៃទី១ ខែចែត្រ (សែន ដូនតា បុព្វការីជន) ថ្ងៃទី៩រហូតដល់ ថ្ងៃទី១៣ ខែស្រាពណ៍ (បង្សុកូល ជូនអំណោយជាអង្ករ...) និងថ្ងៃ៨ ខែភទ្របទ (ពិធីបុណ្យថ្វាយគ្រូដើម Lý Đạo Minh Tổ sư)។
ឧបាសិកា Mã Tú Loan ប្រធានទទួលមើលការខុសត្រូវលើវត្ត Giác Thiện ឱ្យដឹង៖ “អនុវត្តមាន ប្រសិទ្ធភាពការងារសប្បុរសធម៌ផ្តល់ក្តីស្រឡាញ់ និងចូលរួមបម្រើបងប្អូនប្រជាជន ជាពិសេសអ្នកខ្វះសំណាងក្នុងសង្គម យោងតាមលក្ខណៈ នាឱកាសថ្ងៃបុណ្យទាន និងថ្ងៃឧបោសថសីល យើងខ្ញុំតែងមានចាត់តាំងពិធីជូនអង្ករ មីកញ្ចប់ និងគ្រឿងសម្ភារៈផ្សេងៗសម្រាប់មាមីងបងប្អូនដែលមានជីវភាពក្រលំបាក។ បណ្តាអំណោយ ទាំងនេះ ថ្វីត្បិតមិនសូវមានតម្លៃធំ តែក៏សម្តែងបាននូវទឹកចិត្តសប្បុរសធម៌យ៉ាងជ្រាលជ្រៅនិង រីកសាយភាយសម្រាប់ខាងស្មារតី “អ្នកធូរធាជួយអ្នកក្រខ្សត់” របស់ជនជាតិ ព្រមទាំតម្លៃដ៏ថ្លៃថ្នូតាមឱវាទរបស់ព្រះសម្មាសម្ពុទ្ធបរមគ្រូនៃយើង”។
រួមជាមួយបណ្តាសកម្មភាពសន្តិសុខសង្គមប្រកបដោយទឹកចិត្តមនុស្សធម៌ ព្រះពុទ្ធសាសនា Hoa ថែមទាំងពង្រីកល្អនូវតួនាទីដ៏ចម្បងក្នុងសាសនា ផ្តើមពីនោះក៏បានផ្សព្វផ្សាយ ចលនាបងប្អូនប្រជាជន និងពុទ្ធបរិស័ទរស់នៅ “ល្អជាតិ ល្អសាសនា” ព្រមទាំងសកម្មចូលរួមរាល់បណ្តាប្រពៃណីប្រឡងប្រណាំងស្នេហាជាតិ រួមចំណែក រក្សាលំនឹងនយោបាយ ធានាការពារសន្តិសុខ សង្គមនៅភូមិភាគ។
សហគមជនជាតិ Hoa នៅ Cà Mau ភាគច្រើនជាពុទ្ធបរិស័ទខាងឧត្តរនិកាយនិងអ្នកកាន់សាសនា Hoa។ បណ្តាទីសក្ការៈទាំងឡាយតែងផ្សារភ្ជាប់ជាមួយរាល់សកម្មភាពវប្បធម៌ បុណ្យទានប្រពៃណី និងជំនឿប្រជាប្រិយរបស់ជនជាតិ Hoa។
លោក Trần Thanh Liêm ប្រធានការិយាល័យទទួលបន្ទុកខាងសាសនានៃមន្ទីរជនជាតិ និង សាសនា ឱ្យដឹង៖ លើភូមិសាស្ត្រខេត្ត ព្រះពុទ្ធសាសនា Hoa និងពុទ្ធបរិស័ទទាំងឡាយតែងជឿ ទុកចិត្តលើគោលមាគ៌ាដឹកនាំ និងគោលនយោ បាយរបស់បក្ស ក្រឹត្យច្បាប់របស់រដ្ឋ អនុវត្តតាមការកំណត់របស់ច្បាប់នៅភូមិភាគ ព្រមទាំងស កម្មភាពសាសនាយ៉ាងតម្លៃភាព។ ស្របឱកាសនោះ ក៏សកម្មចូលរួមរាល់បណ្តាប្រពៃណីប្រឡងប្រណាំងស្នេហាជាតិ និងពង្រីកសេដ្ឋកិច្ច-សង្គម ព្រមទាំងធានាសន្តិសុខទូទាំងសង្គម ចូលរួមការពារប្រទេសជាតិ មាតុភូមិ។
“នាឱកាសថ្ងៃបុណ្យទានធំៗប្រចាំឆ្នាំ គ្រប់បណ្តាក្រសួងស្ថាប័នខេត្តតែងចាត់តាំងក្រុមដើម្បីអញ្ជើញទៅសួរសុខទុក្ខ ប្រសិទ្ធពរតាមបណ្តាមូលដ្ឋានសាសនា។ ផ្តើមពីនោះ បង្កើតចំណេះដឹង និងខ្សែរយៈទំនាក់ទំនង ជិតស្និទ្ធរវាងរដ្ឋអំណាចភូមិភាគជាមួយមុលដ្ឋានសាសនា ស្របឱកាសនោះ រួមកម្លាំងកសាងបក្ស និងរដ្ឋអំណាចទៀតផង” លោក Trần Thanh Liêm ចែករំលែក៕
Quỳnh Anh
