ដោយមានចិត្តស្រលាញ់ខាងអក្សរសាស្ត្រKhmer Lâm Thanh Nhã ខិតខំសិក្សារៀនសូត្រដើម្បី សម្រេចក្តីសុបិន្តក្លាយជាគ្រូបង្រៀនភាសា Khmer។ បច្ចុប្បន្ន Thanh Nhã ត្រូវបានគេចាត់ទុកថាជាគ្រូបង្រៀនដែលមានបទពិសោធន៍ និងទេពកោសល្យ ក្នុងការបង្រៀនភាសា និងអក្សរសាស្ត្រKhmer នៅសាលាវិទ្យាល័យជនចាតិអន្តេវាសិក Bạc Liêu (សាលាវិទ្យាល័យជនជាតិអន្តេវាសិក xã Hoà Bình ខេត្ត Cà Mau)។
ក្តីសុបិន្តតាំងពីក្មេង
តាំងពីក្មេង កុមារ Thanh Nhã ក៏មានចំណាប់អារម្មណ៍ដែរហើយខណៈបានឃើញឪពុកបង្រៀនអក្សរ Khmer ដល់ព្រះសង្ឃ និងប្អូនៗកូនក្មួយជនរួមជាតិ Khmer នៅវត្តគម្ពីរសាគរ ព្រែកជ្រៅ (Xiêm Cán) សង្កាត់ Hiệp Thành។ ដោយក្តីស្រមៃកាន់តែកើនទ្វេដងដូច្នេះ Thanh Nhã តែងតាមលោកឪពុកដើម្បីរៀនអក្សរ Khmer នារឱកាសវិស្សមកាលជារៀងរាល់ឆ្នាំ។ ខណៈពេលដែលខ្លួន ចូលបន្តសិក្សានៅវិទ្យាល័យជនជាតិអន្តេវាសិក បានឃើញមិត្តភក្តិរួមវ័យមិនសូវមានអ្នកណាចេះអក្សរ Khmer ព្រមទាំងគ្រូបង្រៀនអក្សរ Khmer ក៏មិនសូវមានច្រើនផងដែរនោះ Thanh Nhã កាន់តែមានចិត្តចិញ្ចឹមនូវក្តីស្រមៃរបស់ខ្លួនដើម្បីក្លាយជាគ្រូបង្រៀនភាសា និងអក្សរសាស្ត្រ Khmer។
លោកគ្រូ Lâm Thanh Nhã បង្រៀនភាសា និងអក្សរសាស្ត្រ Khmer នៅវិទ្យាល័យជនជាតិអន្តេវាសិក Hoà Bình (Cà Mau)។
ហេតុនេះហើយ ក្រៅពីរៀនបានល្អខាងភាសា Việt Nam Thanh Nhã ថែមទាំងរៀនល្អនូវភាសា Khmer ទៀតផង។ បន្ទបាប់ពីបញ្ចប់ការសិក្សាកម្រិតវិទ្យាល័យ Thanh Nhã បានបន្តសិក្សាផ្នែកខាងភាសាវប្បធម៌ជនជាតិនៃមហាវិទ្យាល័យ Trà Vinh ដើម្បីសម្រេចនូវក្តីស្រមៃរបស់ខ្លួន។ ឆ្នាំ២០២៤ Thanh Nhã បញ្ចប់មហាវិទ្យាល័យ វិលត្រឡប់មកបង្រៀនអក្សរ Khmer នៅសាលាវិទ្យាល័យជនជាតិអន្តេវាសិករហូតដល់សព្វថ្ងៃ។
វិធីសាស្ត្របង្រៀនមានប្រសិទ្ធភាព
ដោយខ្លួនធ្លាប់ជាអតីតសិស្សរបស់សាលាផងនោះ លោកគ្រូ Thanh Nhã តែងយល់ច្បាស់ពីកម្រិតនៃចំណេះវិជ្ជាខាងភាសា Khmer របស់ប្អូនៗសិស្សានុសិស្ស។ ផ្តើមពីនោះ កសាងគ្រោងមេរៀនយ៉ាងណាឱ្យសមស្រប។ លោកគ្រូ Thanh Nhã ចែករំលែក៖ “អត្រាសិស្សថ្មីដែលទើបចូលសាលាដំបូង អ្នកចេះអក្សរ Khmer មានប្រមាណត្រឹម១០%ប៉ុណ្ណោះ។ ដូច្នេះហើយ ក្នុងការការបង្រៀន ខ្ញុំត្រូវបែងចែកចេញជា៣ក្រុម៖ សិស្សចេះនិយាយ ចេះស្តាប់ ចេះសរសេរអក្សរ Khmer យ៉ាងស្ទាត់ ចំណែកសិស្សស្តាប់បាន និយាយបាន តែមិនចេះអក្សរ។ សិស្សដែលស្តាប់ និងនិយាយភាសា Khmer។ រាល់ក្រុមទាំងនេះ នឹងមានវិធីសាស្ត្រក្នុងការបង្រៀនខុសៗគ្នា ដើម្បីពេលដែលសិស្សបញ្ចប់ការសិក្សាកម្រិតចំណេះដឹងទូទៅសុទ្ធតែអាចសរសេរ និយាយនិងស្តាប់ បាននូវភាសា Khmer”។
បច្ចប្បន្ន លោកគ្រូ Thanh Nhã ទទួលបន្ទុកខាងបង្រៀនអក្សរ Khmer សម្រាប់សិស្សចាប់ពីថ្នាក់ទី១០-១២។ ដើម្បីមានវិធីសាស្ត្របង្រៀនល្អ លោកគ្រូតែងសិក្សាស្រាវជ្រាវយ៉ាងច្រើនសៀវភៅ និងវិធីសាស្ត្រក្នុងការបង្រៀនលើបណ្តាញ។ ប្អូន Lý Trí Thịnh ជាសិស្សថ្នាក់ទី១២ ឆ្នាំសិក្សា២០២៤-២០២៥ បានឱ្យដឹង៖ “ថ្ងៃដំបូងចូលថ្នាក់ទី១០ ប្អូនមិនចេះសរសេរ មិនចេះស្តាប់ និងនិយាយភាសា Khmer នោះទេ ដូច្នេះហើយទើបការរៀនរបស់ប្អូនជួបលំបាកខ្លាំង។ លោកគ្រូថាញ់ញា៉មានការបត់បែនក្នុងការបង្រៀននិងមានវិធីសាស្ត្របង្រៀនបានយ៉ាងល្អថែមទៀតផង។ ដំបូង លោកគ្រូបង្រៀនអំពីរបៀបនៃការសម្គាល់ពីវត្ថុផ្សេងៗ និងឧបករសិក្សាដផុភាសា Khmer និងទាំងក្នុងម៉ោងរៀនគឺជំរុញទឹកចិត្តប្អូនៗសន្ទនាគ្នាដោយប្រើជាភាសា Khmer។ ខណៈដែលសិស្សស្តាប់បាន លោកគ្រូក៏បែរមកបង្រៀនតួព្យញ្ជនៈ និងសញ្ញាក្នុងភាសា Khmer ដើម្បីពួកប្អូនផ្គួបជាឃ្លា។ បន្ទាប់៣ឆ្នាំបានរៀនអំពីលោកគ្រូ Thanh Nhã ប្អូនក៏ចេះនិយាយ ចេះស្តាប់ និងចេះសរសេរអក្សរ Khmer ផងដែរ”។
ចំណែកប្អូន Thạch Ngọc Bảo Trân បាននិយាយប្រាប់ថា៖ តាំងពីតូច ប្អូនក៏មានរៀនអក្សរKhmer នៅវត្តគម្ពីរសាគរ ព្រែកជ្រៅ (Xiêm Cán) ដូច្នេះហើយទើបពេលដែលបានចូលរៀនសាលាវិទ្យាល័យជនជាតិអន្តេវាសិក បានលោក Thanh Nhã យកចូលក្នុងក្រុមសិស្សចេះនិយាយ ចេះស្តាប់ និងចេះសរសេរអក្សរ Khmer យ៉ាងស្ទាត់។ សម្រាប់ក្រុមនេះដែរ លោកគ្រូ Thanh Nhã បានបង្រៀនអំពីរបៀបធ្វើអត្ថបទ វេយ្យាករណ៏ Khmer និងបកប្រែជា២ភាសា Khmer - Việt ព្រមទាំងបង្រៀនវាយកំព្យូទ័រជាភាសា Khmer។ ពិសេស លោកគ្រូថែមទាំងណែនាំពួកប្អូនឱ្យចូលរួមកម្មវិធីប្រឡងជាភាសា Khmer នៅសាលាមហាវិទ្យាល័យ Trà Vinh ទទួលបានចំណាត់ថ្នាក់ពិសេសទៀតផង។
លោកគ្រូ Lâm Thanh Nhã ណែនាំប្អូន Thạch Ngọc Bảo Trân វាយកំព្យូទ័រជាភាសា Khmer។
អភិរក្សវប្បធម៌ប្រពៃណី
មិនត្រឹមបង្រៀនពូកែនោះទេ លោកគ្រូ Thanh Nhã ថែមទាំងទទួលបន្ទុករាល់គ្រប់សកម្មភាព ប្រពៃណីសិល្បៈ និងចាត់តាំងពិធីបុណ្យទានផ្សេងៗទៀតផង មានដូចជា៖ បុណ្យចូលឆ្នាំថ្មី ភ្ជុំបិណ្ឌ (សែនដូនតា) អកអំបុក សំពះព្រះខែ... សម្រាប់ប្អូនៗសិស្សានុសិស្សផងដែរ។ ផ្តើមមពីនោះ លោកគ្រូក៏បានបងប្រៀនប្អូនៗច្រៀងបទចម្រៀង Khmer ផងដែរដើម្បីបង្កើតបរិយាកាសសប្បាយរីករាយជូនប្អូនៗផង និងរួមចំណែកក្នុងការអភិរក្សវប្បធម៌ប្រពៃណី Khmer ផង៕
Hoàng Quân
