Hữu Minh Tài នៅភូមិ Đường Đào ឃុំ Hồ Thị Kỷ ខេត្ត Cà Mau គឺជាយុវនដ៏ឆ្នើមមួយរូបដែលទទួលបានពានរង្វាន់ថ្នាក់ជាតិ “ត្រូវបានតម្កើងកេរិ៍្តឈ្មោះជាអ្នករក្សាភ្លើង” ។ បងក៏ជាតំណាងតែម្នាក់គត់របស់ខេត្ត Cà Mau ដែលត្រូវបានជម្រើសសម្រាប់ពានរង្វាន់នេះ។
Minh Tài ជាមួយម្តាយខ្លួននៅរោងចម្លាក់របស់គ្រួសារ។
ផ្តើមពីក្បាច់ចម្លាក់អង្គររហូតក្លាយជាជាងឈើជំនាញ
ដូចជាយុវជន Khmer ទូទាំងតំបន់ Nam Bộ ដែរ Hữu Minh Tài ក៏ធ្លាបបានសាងផ្នួសក្នុងសំណាក់ព្រះពុទ្ធសាសនាទក្ខិណានិកាយ Khmer ផងដែរ។ ដោយ សារតែស្ថិតក្នុងបរិស្ថាននៃការបួងរៀននេះហើយ Tài ក៏មានលក្ខណៈបានរៀនខាងទេពកោលសល្យចម្លាក់ក្បាច់ Khmer ដែលជាសិល្បៈសម្លាក់ដ៏ដ៏ពិសេស បង្កប់ដោយអត្តសញ្ញាណវប្បធម៌ Khmer។ នេះគឺជាជំហានដ៏សំខាន់មួយ ដែលដាស់អារម្មណ៍សោភ័ណភាព និងស្នាដៃដ៏ប៉ិនប្រសប់របស់បង។
Hữu Minh Tài ឧទ្ទេសនាមជូនភ្ញៀវអតិថិជនពីរូបចម្លាក់ឈើដែលបង្កប់ដោយវប្បធម៌ Khmer។
បន្ទាប់ពីលាចាកសិក្ខាបទ Tài ក៏បន្តរៀនរបរខាងចម្លាក់ឈើជាមួយគ្រូម្នាក់ដែលមានឈ្មោះថា Giang ជាគ្រូចម្លាក់ឈើមកពីខេត្ត Hải Dương សព្វថ្ងៃជាទីក្រុង Hải Phòng។ ជាមួយការខិតខំតស៊ូ និងចំណង់ចំណូលចិត្តយ៉ាងខ្លាំង Tài ក៏ទទួលបានចំណេះដឹង និងជំនាញយ៉ាងឆាប់រហ័ស។ ដើម្បីសម្រេចក្តីស្រមៃរបស់ខ្លួន Hữu Minh Tài បានត្រឡប់មកស្រុកកំណើតវិញ ហើយបានបើករោងចម្កក់ឈើមួយនៅតាមផ្លូវចូលវត្តសិរីមង្គល ជ្រុងខ្មែរ (Rạch Giồng) ជាពិសេសបង្កើតនិងច្នៃផលិតផលសម្រាប់ប្រើប្រាស់ប្រចាំគ្រួសារ ជាមួយគ្នានោះដែរ បង្កើតផលិតផលចម្លាក់គល់ឈើសិប្បកម្មដែលបង្កប់ដោយដង្ហើមនៃវប្បធម៌ Khmer។
វណ្ណកម្មចម្លាក់សត្វពស់ និងឥន្ទ្រីរបស់ Hữu Minh Tài។
ពង្រីកសុះសាយខាងរបរ និងប្រកបដោយការលះបង់
ដោយភាពរីករាយរបស់យុវជនម្នាក់ដែលហ៊ានគិត និងហ៊ានធ្វើ Hữu Minh Tài បានចូលរួមយ៉ាងសកម្មក្នុងការងាររបស់សម្ព័ន្ធយុវជន និងសមាគម ដោយបង្វែរោងចម្លាក់របស់ខ្លួនក្លាយទៅជាសាលាបង្រៀនរបរដោយមិនគិតប្រាក់ជូនយុវជនទាំងក្នុង និងក្រៅខេត្ត ជួយយុវជនដែលជួបលំបាកអាចមានបំណិន និងឱកាសការងារធ្វើនឹងនរល្អ។ មិនឈប់ត្រឹមការបង្រៀនរបរនោះទេ Tài ថែមទាំងផ្តើមសាងទីលានកីឡាបាល់ទះ បង្កើតបរិយាកាសសម្រាប់ការហ្វឹកហាត់រាងកាយ និងជួយយុវជនឱ្យជៀសឆ្ងាយពីគ្រោះសង្គម។
ផលិតផលឈើរបស់ Hữu Minh Tài នៅក្នុងពិធីតាំងពិព័រណ៍មួយ។
ស្មារតីឈ្លាសវៃ ច្នៃប្រឌិត និងក្តីមេត្តាអាណិតអាសូររបស់ Hữu Minh Tài បានជម្រុញទឹកចិត្តយុវជនយ៉ាងខ្លាំងខ្លា។ សមមិត្ត Trần Quốc Việt លេខាបក្សភូមិ Đường Đào ឃុំ Hồ Thị Kỷ បានមានប្រសាសន៍ថា នឹងបន្តការពិនិត្យ ចាត់បញ្ចូលជាសមាជិកបក្សសម្រាប់សមាជិកសម្ព័ន្ធយុវជន Hữu Minh Tài ក្នុងឆ្នាំ ២០២៦ ខាងមុខនេះ៕
Nguyễn Quốc
