កងកម្លាំងរណសិរ្សនៅមូលដ្ឋាន មានតួនាទីតភ្ជាប់ដ៏សំខាន់សម្រាប់ខាងប្រព័ន្ធនយោបាយ និងប្រជាជន។ ជាមួយស្មារតី និងឆន្ទៈលះបង់ ពួកគាត់តែងតែនាំមុខក្នុងការងារចលនា និងបំផុសប្រពៃណីប្រឡងប្រណាំងស្នេហាជាតិយ៉ាងទូលំទូលាយក្នុងស្រទាប់វណ្ណៈប្រជាជន និងពង្រឹងផែនមហាសាមគ្គីទូទាំងប្រជាជន។ នៅសង្កាត់ Hiệp Thành លោក Lý Tỷ ប្រធានគណៈកម្មាធិការរណសិរ្សភូមិ Biển Đông A គឺជាគំរូបែបនេះ។
ដោយសារការជួយលើកទឹកចិត្ត ណែនាំ ក៏ដូចជាការតភ្ជាប់របស់លោក Lý Tỷ កសិករជាច្រើនមានលក្ខណៈឈានឡើងផ្គត់ផ្គង់ជីវភាពសុខក្សេមក្សាន្ត។
ក្នុងនាមជាប្រធានគណៈកម្មាធិការរណសិរ្សភូមិ និងជាប្រធានសាខាសមាគមកសិករភូមិ Biển Đông A លោក Lý Tỷ ត្រូវបានគណៈកម្មាធិការបក្ស រដ្ឋអំណាចភូមិភាគ និងប្រជាជន ជឿទុកចិត្ត និងផ្តល់ទំនុកចិត្ត និងស្មារតីទទួលខុសត្រូវខ្ពស់។ លោក Lý Tỷ មិនត្រឹមតែជាកម្មាភិបាលដ៏ឧស្សាហ៍ព្យាយាមប៉ុណ្ណោះទេ ថែមទាំងជាបង ជាពូដ៏គួរឱ្យកោតគោរពរបស់ប្រជាជននៅភូមិភាគទៀតផង។ រាប់សិបឆ្នាំកន្លងមក លោកបានផ្សារភ្ជាប់យ៉ាងស្ងៀមស្ងាត់ និងតាមដានយ៉ាងជិតស្និទ្ធជាមួយគ្រប់គ្រួសារ និងគ្រប់ទីកន្លែង ដោយពឹងលើទំនុកចិត្ត និងភាពស្មោះត្រង់របស់ខ្លួន ដើម្បីតភ្ជាប់ទឹកចិត្តមនុស្ស ប្រែក្លាយជាគោលការណ៍ណែនាំ និងគោលនយោបាយដែលហាក់ដូចជាស្ងួត ឱ្យទៅជាសកម្មភាពជាក់ស្តែង នាំមកនូវជីវភាពធូរធារ និងសន្តិភាពជូនសហគមន៍ជនជាតិទៀតផង។
ពង្រីកតួនាទីជាប្រធានគណៈកម្មាធិការរណសិរ្សភូមិ លោកក៏បានចូលរួមសម្របសម្រួលដោះស្រាយជម្លោះផ្សេងៗជាច្រើនការណីក្នុងបងប្អូនប្រជាជនទទួលបានជោគជ័យ ចាប់ពីជម្លោះខាងដីធ្លី ព្រំប្រទល់ រហូតដល់បញ្ហាផ្ទាល់ខ្លួន។ អាស្រ័យកិត្យានុភាពរបស់ខ្លួន និងភាពយុត្តិធម៌ ប្រកបដោយមនោសញ្ចេតនា លោក Lý Tỷ បានជួយបងប្អូនប្រជាជនលុបបំបាត់ការគុំកួនខ្វែងគំនិតគ្នា សាមគ្គីទៅវិញទៅមកក្នុងការរកស៊ី និងកសាងជីវភាពឱ្យកាន់តែរីកចម្រើនប្រសើរឡើង។ សម្រាប់គ្រួសារជួបលំបាកខាងផ្ទះស្នាក់នៅក៏មានមានលក្ខណៈទទួលបានផ្ទះថ្មីប្រកបដោយភាពកក់ក្តៅ។
លោកពូ Lý Tỷ បានផ្សារភ្ជាប់យ៉ាងស្ងៀមស្ងាត់ និងតាមដានយ៉ាងជិតស្និទ្ធជាមួយគ្រប់គ្រួសារ ដោយផ្តោតលើការយកចិត្តទុកដាក់ និងភាពស្មោះត្រង់របស់ខ្លួន ដើម្បីផ្សារភ្ជាប់ទឹកចិត្តមនុស្ស។
លោកពូ Tỷ ក្តាប់បានស្ថានភាពគ្រួសារនីមួយៗរួចហើយស្នើដល់សង្កាត់ ទើបគ្រួសារខ្ញុំត្រូវបានសប្បុរសធនជំនួយឧបត្ថម្ភសង់ផ្ទះដោយទឹកប្រាក់ ១០០ លានដុង។ គ្រួសារខ្ញុំក៏លំនឹងទឹកចិត្តក្នុងការរស់នៅ និងដឹងគុណលោកពូខ្លាំងណាស់ អ្នកមីង Sêl នៅភូមិ Biển Đông A បានចែករំលែកដូច្នេះ។
ក្នុងតួនាទីជាប្រធានសាខាសមាគមកសិករភូមិ លោកពូ Lý Tỷ មានទស្សនៈថា៖ "ចង់ឱ្យជីវភាពបងប្អូនមានស្ថិរភាព គឺត្រូវតែផ្លាស់ប្តូររបៀបរកស៊ី"។ ផ្តើមពីគំនិតនោះ លោកបានម្ចាស់ការស្វែងយល់ពីគំរូសេដ្ឋកិច្ចដែលមានប្រសិទ្ធភាពនៅតាមគ្របតំបន់ភូមិភាគជិតខាង និងក្លាហាន ស្នើឡើងអង្គការចាត់តាំងរាល់វគ្គបណ្តុះបណ្តាលបច្ចេកទេសជូនបងប្អូនប្រជាជន ព្រមទាំងតភ្ជាប់ប្រភពជំនួយដើមទុន ពូជឈើដាំ សត្វចិញ្ចឹម និងអនុវត្តបច្ចេកទេសថ្មី ផ្តើមពីនោះបង្កើនប្រភពប្រាក់ចំណូល ឈានឡើងរួចចាកក្រចីរភាព៕
Thanh Hải
