Cà Mau ជាតំបន់ដីចុងបញ្ចប់របស់មាតុភូមិ កន្លែងដែលជនរួមជាតិភាគតិចរួមមាន៖ Khmer, Hoa។ល។ បាននឹងកំពុងត្រូវបានរួមគ្នាចារឡើងនូវរឿងនិទានយ៉ាងល្អប្រពៃ អំពីការឈានឡើងធ្វើមាន ពីក្តីស្រឡាញ់ប្រទេសជាតិ មាតុភូមិ។ ពួកគាត់ជាអ្នកព្យាយាមច្នៃប្រឌិតក្នុងពលកម្មផង យកចិត្តទុកដាក់ដល់ការរៀនសូត្ររបស់កូនចៅផង និងសកម្មអនុវត្តរាល់ចលនាបដិវត្តន៍ប្រចាំភូមិភាគផងដែរ។ ក្នុងចំនួននោះលោក Danh Sơn និងលោក Danh Sa Rây ជាកសិករជើងចាស់ពីររូបកើតក្នុងឆ្នាំ ១៩៥៨ នៅឃុំ Ninh Thạnh Lợi គឺជាគំរូឆ្នើម។
លោក Danh Sơn ថែទាំស្រះចិញ្ចឹមបង្គា។
ពីការទុក្ខលំបាកឈានដល់ជីវភាពសុខដមរម្យនា
លោក Danh Sơn ស្នាក់នៅភូមិ Thống Nhất បានឆ្លងកាត់ដំណាក់កាលយ៉ាងយូរនិង ទុក្ខវេទនា ដើម្បីស្វែងរកផ្លូវឆ្លងផុតពីភាពក្រីក្រ។ “គ្រួសារខ្ញុំកាលពីមុននៅភូមិ Bà Gồng ឃុំ Hồng Dân ខ្ញុំដាំបន្លែបង្ការចិញ្ចឹមជ្រូកពលកម្មនឿយហត់ទុំឆ្នាំប៉ុន្តែនៅតែមិនគ្រប់ហូប” គាត់នឹកឡើងវិញ។ ដោយផ្តេជ្ញាចិត្តផ្លាស់ប្ដូរជីវភាពគាត់បានប្រែបន្លាស់ទៅនៅភូមិ Thống Nhất ឃុំ Ninh Thạnh Lợi ។
ពេលផ្ទេរទៅទម្រង់ចិញ្ចឹមបង្គា គាត់ជួបទុក្ខលំបាកនិងអន្តរាយបន្តិចដែរ។ ប៉ុន្តែអាស្រ័យការឧបត្ថម្ភទាន់ពេលវេលា ពីមជ្ឈមណ្ឌលជំរុញកសិកជលកម្មរបស់ខេត្ត គាត់បានផ្ទេរវិទ្យាសាស្រ្តបច្ចេកទេស។ ហើយដោយការវិនិយោគដើមទុនពីធនាគារគាត់អនុវត្តទម្រង់បង្គា-ស្រូវគួបផ្សំចិញ្ចឹមចម្រុះមជ្ជាតិឯទៀត។ “អស់ច្រើនឆ្នាំស្វែងយល់រៀនសូត្រមកដល់ពេលនេះប្រាក់ចំណូលរបស់គ្រួសារខ្ញុំធូរធាជាងមុន ហើយជីវភាពក៏នឹងនរជាង” លោក Sơn រីករាយចេញរំលាករំលែក។ សព្វថ្ងៃគាត់មានកម្មសិទ្ធិលើផ្ទៃដីបង្កបង្កើនផល ៤,២ ហិកតាដី ហើយជីវភាពពេញដោយក្តីប្រាថ្នា។
ប្រការគួរមោទនភាពជាង គឺកូនទាំងបីរួបរបស់គាត់សុទ្ធតែរៀនចប់មហាវិទ្យាល័យមានការងារធ្វើនឹងនរនិងគ្រួសាររបស់ កូនប្រសារស្រីកូនប្រសារប្រុសសុទ្ធតែជាបក្ខជន។ នេះជាសក្ខីភាពច្បាស់ក្រឡែតឱ្យការយកចិត្តទុកដាក់ជ្រាលជ្រៅរបស់គាត់សម្រាប់ការរៀនសូត្ររបស់កូនចៅ។
អ្នករក្សាប្រទីបជូនសហគមន៍
ក៏ដូចជា លោក Danh Sơn លោក Danh Sa Rây នៅភូមិកោះធំក៏ជាគំរូគួរឱ្យស្ងើចសរសើរដែរ។ ដោយតួនាទីជាអ្នកមានកិត្យានុភាពក្នុងជនរួមជាតិភាគតិច គាត់បានអស់ពីចិត្តពលីកម្មសម្រាប់សហគមន៍។
លោក Danh Sa Rây ទោះជាមានវ័យចាស់ជរាក៏ដោយ តែនៅកម្លាំងពលកម្មយ៉ាងស្វាហាប់ទៀតផង។
ប៉ុន្មានឆ្នាំកន្លងមក គាត់សកម្មចលនាបងប្អូនអនុវត្តល្អគោលការណ៍មាគ៌ារបស់បក្សគោលនយោបាយច្បាប់របស់រដ្ឋ។ គាត់ឈានមុខក្នុងការ បរិច្ចាគដីធ្វើផ្លូវថ្នល់ ស្ពានដាំផ្កាលម្អ រួមចំណែកកសាងជនបទថ្មី។ “ខ្ញុំតែងធ្វើគំរូឈានមុខដើម្បីសមាជិកក្នុងគ្រួសារសហគមន៍ក្នុងភូមិត្រាបតាម” គាត់មានប្រសាសន៍ដូច្នេះ។
លើវិស័យសន្តិសុខ និងសណ្ដាប់ធ្នាប់ គាត់តែងប្រឹងប្រែងរក្សាផែនមហាសាមគ្គីក្នុងសហគមន៍អាសយជនជន សហការជាមួយកងកម្លាំងនគរបាលរក្សាសន្តិសុខនយោបាយសណ្ដាប់ធ្នាប់សុវត្ថិភាពសង្គម។ គាត់នៅម្ចាស់ការចូលរួមដោះស្រាយទាន់ពេលវេលានូវការជាប់ជំពាក់មិនទុកឱ្យកើតមាន “ចំណុចក្តៅ” ប្រចាំមូលដ្ឋាន រួមចំណែកចូលក្នុងការរក្សាភាពសុខសាន្តរបស់ភូមិស្រុក។
អំពីសេដ្ឋកិច្ចគ្រួសារលោក Sa Rây ក៏អភិវឌ្ឍន៍សែនជោគជ័យដោយទម្រង់បង្គា- ស្រូវលើផ្ទៃដី ៤,៣ ហិចតា។ ហើយគាត់បើកបន្ថែមហាងលក់ ដូរកំប៊ិចកំប៉ុក ដើម្បីឆ្លៀតយកកម្លាំងពលកម្មក្នុងគ្រួសារ។ ៥ ឆ្នាំកន្លង គ្រួសារគាត់មានប្រាក់ចំណូលប្រហែល ១ពាន់លានដុង ទិញបានរថយន្តមួយគ្រឿងសម្រាប់ខាងសេវាកម្មជូនបងប្អូននូវពេលដែលមានតម្រូវការទៀតផង។ គាត់ក៏មានកូនបីនាក់សុទ្ធតែប្រឡងជាប់ មហាវិទ្យាល័យហើយមានការងារធ្វើនឹងនរទាំងអស់។
លទ្ធផលប្រពៃលើតំបន់ដីសម្រែ
លោក Danh Sơn (កណ្ដាល) សំណេះសំណាលជាមួយកម្មាភិបាលឃុំ Ninh Thạnh Lợi កាលពីខែសីហា ឆ្នាំ២០២៥។
រឿងនិទានអំពីលោក Danh Sơn និងលោក Danh Sa Rây គឺជាសក្ខីភាពរស់រវើក សម្រាប់ ការឈានឡើងខ្លាំងក្លារបស់ជនរួមជាតិភាគតិចនៅ Cà Mau។ អាស្រ័យការយកចិត្តទុកដាក់របស់គណបក្សរដ្ឋអំណាចគ្រប់លំដាប់ថ្នាក់ ជីវភាពរបស់ប្រជាជនកាន់តែបានលើកកម្ពស់។ ប្រព័ន្ធអគ្គិសនី ទូរគមនាគមន៍ ផ្លូវថ្នល់សាលារៀនដំណាក់សុខាភិបាលបានវិនិយោគទុនកសាង កម្លាយតំបន់ដីសម្រែ ជូរប្រៃមួយកាលពីមុនក្លាយជាតំបន់ភូមិស្រុកគប្បីរស់នៅដូចសព្វថ្ងៃ។
គំរូរបស់លោក Sơn និងលោក Sa Rây មិនត្រឹមតែជាក្តីមោទនៈរបស់គ្រួសារប៉ុណ្ណោះទេតែនៅជាប្រភពបំផុសគំនិតសម្រាប់មនុស្សជាច្រើនទៀតផង។ ពួកគាត់បានបញ្ជាក់ពីឆន្ទៈយ៉ាងមុះមុត និងការស្រុះចិត្តរបស់ប្រជាជន អាចឆ្លងកាត់រាល់ទុក្ខលំបាកដើម្បីកសាងអនាគតមួយភ្លឺស្វាងសម្រាប់ខ្លួនគ្រួសារនិងសហគមន៍៕
Hoàng Quân
