Cà Mau ជាតំបន់ដីចុងបញ្ចប់របស់ប្រទេស ហើយក៏ជាតំបន់ភូមិភាគដែលមានបងប្អូនជនរួមជាតិភាគតិចរស់នៅច្រើនកុះករផងដែរ រួមមានដូចជា៖ Khmer, Hoa…។ បាននឹងកំពុងត្រូវបានរួមគ្នាចារឡើងនូវរឿងនិទានយ៉ាងល្អប្រពៃស្តីពីភាពឈានឡើងធ្វើមាន។ អំពីក្តីស្រឡាញ់ប្រទេសជាតិមិត្តភូមិ។ ពួកគាត់ជាអ្នកព្យាយាម និងច្នៃប្រឌិតក្នុងការពលកម្មផង និងយកចិត្តទុកដាក់ដល់ការរៀនសូត្ររបស់កូនចៅផង ព្រមទាំងសកម្មអនុវត្តរាល់ចលនាបដិវត្តន៍ប្រចាំភូមិភាគផង។ ក្នុងចំនួននោះ លោក Danh Sơn និងលោក Danh Sa Rây ជាកសិករជើងចាស់ពីររូបដែលកើតក្នុងឆ្នាំ ១៩៥៨ នៅឃុំ Ninh Thạnh Lợi គឺជាគំរូឆ្នើម។
ពីការទុក្ខលំបាកឈានដល់ជីវភាពសុខដមរម្យនា
លោក Danh Sơn ស្នាក់នៅភូមិ Thống Nhất បានឆ្លងកាត់ដំណាក់កាលយ៉ាងយូរនិង ទុក្ខវេទនា ដើម្បីឆ្លងផុតពីភាពក្រីក្រ។ “គ្រួសារខ្ញុំកាលពីមុននៅភូមិ Bà Gồng ឃុំ Hồng Dân ខ្ញុំដាំបន្លែបង្ការចិញ្ចឹមជ្រូក ពលកម្មនឿយហត់ទុំឆ្នាំ ប៉ុន្តែនៅតែមិនគ្រប់ហូប” គាត់នឹកឡើងវិញ។ ដោយផ្តេជ្ញាចិត្តផ្លាស់ប្ដូរជីវភាពគាត់បានប្រែបន្លាស់ទៅនៅភូមិ Thống Nhất ឃុំ |Minh Thạnh Lợi។ ពេលផ្ទេរទៅទម្រង់ចិញ្ចឹមបង្គា គាត់ជួបទុក្ខលំបាកនិងជួបផលពិបាកមិនតិចនោះទេ។ ប៉ុន្តែអាស្រ័យការឧបត្ថម្ភទាន់ពេលវេលារបស់មជ្ឈមណ្ឌលជំរុញកសិករបស់ខេត្ត គាត់ក៏បានផ្លាស់ប្តូរវិទ្យាសាស្រ្ត និងបច្ចេកទេស។ ហើយដោយការវិនិយោគដើមទុនពីធនាគារគាត់អនុវត្តទម្រង់បង្គា-ស្រូវគួបផ្សំចិញ្ចឹមត្រីចម្រុះឯទៀត។ “អស់រយៈពេលច្រើនឆ្នាំស្វែងយល់រៀនសូត្រ មកដល់ពេលនេះប្រាក់ចំណូលរបស់គ្រួសារខ្ញុំធូរធាជាង ហើយជីវភាពក៏នឹងនរជាង” លោក Sơn រីករាយចែករំលែកដូច្នេះ។ សព្វថ្ងៃគាត់មានផ្ទៃដីបង្កបង្កើនផលចំនួន ៤,២ ហិកតា ហើយជីវភាពពេញដោយក្តីប្រាថ្នា។
លោក Danh Sơn ថែទាំស្រះចិញ្ចឹមបង្គារបស់គ្រួសារ។
ប្រការគួរមោទនភាពជាង គឺកូនទាំង ៣ នាក់របស់គាត់សុទ្ធតែរៀនចប់មហាវិទ្យាល័យ និងមានការងារធ្វើនឹងនរ។ គ្រួសាររបស់កូនប្រសារស្រី និងកូនប្រសារប្រុសសុទ្ធតែជាបក្ខជន។ នេះជាសក្ខីភាពច្បាស់ក្រឡែតដែលបញ្ជាក់ពីការយកចិត្តទុកដាក់ជ្រាលជ្រៅរបស់គាត់សម្រាប់ការរៀនសូត្ររបស់កូនចៅ។
អ្នករក្សាប្រទីបជូនសហគមន៍
ក៏ដូចជាលោក Sơn លោក Danh Sa Rây នៅភូមិកោះធំក៏ជាគំរូគួរឱ្យស្ងើចសរសើរផងដែរ។ ដោយតួនាទីជាអ្នកមានកិត្យានុភាពក្នុងជនរួមជាតិភាគតិច គាត់បានអស់ពីចិត្តពលីកម្មសម្រាប់សហគមន៍។
លោក Danh Sa Rây ទោះជាមានវ័យចាស់ជរាក៏ដោយ តែលោកនូវតែងមានកម្លាំងពលកម្មយ៉ាងស្វាហាប់។
ប៉ុន្មានឆ្នាំកន្លងមក គាត់សកម្មចលនាបងប្អូនអនុវត្តល្អគោលការណ៍មាគ៌ារបស់បក្ស និងគោលនយោបាយច្បាប់របស់រដ្ឋ។ គាត់ជាអ្នកឈានមុខក្នុងការបរិច្ចាគដីធ្វើផ្លូវថ្នល់ ស្ពាន និងដាំផ្កាលម្អ រួមចំណែកកសាងជនបទថ្មី។ “ខ្ញុំតែងធ្វើគំរូឈានមុខដើម្បីសមាជិកក្នុងគ្រួសារសហគមន៍ក្នុងភូមិត្រាបតាម” លោក Sơn មានប្រសាសន៍បែបនេះ។
លើវិស័យសន្តិសុខសណ្ដាប់ធ្នាប់ គាត់តែងប្រឹងប្រែងរក្សាផែនមហាសាមគ្គីក្នុងសហគមន៍អាសយជនជន សហការជាមួយកងកម្លាំងនគរបាលរក្សាសន្តិសុខនយោបាយ និងសណ្ដាប់ធ្នាប់សុវត្ថិភាពសង្គម។ គាត់នៅម្ចាស់ការចូលរួមដោះស្រាយទាន់ពេលវេលានូវការជាប់ជំពាក់មិនទុកឱ្យកើតមាន “ចំណុចក្តៅ” ប្រចាំមូលដ្ឋាន រួមចំណែកចូលក្នុងការរក្សាភាពសុខសាន្តរបស់ភូមិស្រុក។
អំពីសេដ្ឋកិច្ចគ្រួសារលោក Sa Rây ក៏អភិវឌ្ឍន៍សែនជោគជ័យដោយទម្រង់បង្គា-ស្រូវលើផ្ទៃដី ៤,៣ ហិចតា។ ហើយគាត់បើកបន្ថែមតៀមលក់សារពើភ័ណ្ឌដើម្បីឆ្លៀតយកកម្លាំងពលកម្មក្នុងគ្រួសារ។ ៥ ឆ្នាំកន្លង គ្រួសារគាត់មានប្រាក់ចំណូលប្រហែល ១ ពាន់លានលានដុង ទិញបានទាំងឡានកង់បួនដើម្បីធ្វើសេវាកម្មជូនបងប្អូនពេលត្រូវការទៀតផង។ គាត់ក៏មានកូន ៣ នាក់សុទ្ធតែប្រឡងជាប់មហាវិទ្យាល័យហើយមានការងារធ្វើនឹងនរល្អ។
លទ្ធផលប្រពៃលើតំបន់ដីសម្រែ
ប្រវត្តិរបស់លោក Danh Sơn និងលោក Danh Sa Rây គឺជាសក្ខីភាពរស់រវើកសម្រាប់ការឈានឡើងខ្លាំងក្លារបស់ជនរួមជាតិភាគតិចនៅ Cà Mau។ អាស្រ័យការយកចិត្តទុកដាក់របស់គណបក្សរដ្ឋអំណាចគ្រប់លំដាប់ថ្នាក់ ជីវភាពរបស់ប្រជាជនកាន់តែបានលើកកម្ពស់។ ប្រព័ន្ធអគ្គិសនី ទូរគមនាគមន៍ ផ្លូវថ្នល់សាលារៀនដំណាក់សុខាភិបាលបានវិនិយោគទុនកសាង កម្លាយតំបន់ដីសម្រែ ជូរប្រៃមួយកាលពីមុនក្លាយជាតំបន់ភូមិស្រុកគប្បីរស់នៅដូចសព្វថ្ងៃ។
លោក Danh Sơn (កណ្ដាល) សំណេះសំណាលជាមួយកម្មាភិបាលឃុំ |Ninh Thạnh Lợi ខែសីហា ឆ្នាំ២០២៥។
គំរូរបស់លោក Sơn និងលោក Sa Rây មិនត្រឹមតែជាក្តីមោទនៈរបស់គ្រួសារប៉ុណ្ណោះទេតែនៅជាប្រភពបំផុសគំនិតសម្រាប់មនុស្សជាច្រើនទៀតផង។ ពួកគាត់បានបញ្ជាក់ថាដោយឆន្ទៈពលភាពនិងការស្រុះចិត្តរបស់ប្រជាជន អាចឆ្លងកាត់រាល់ទុក្ខលំបាកដើម្បីកសាងអនាគតមួយភ្លឺស្វាងសម្រាប់ខ្លួនគ្រួសារនិងសហគមន៍។
Hoàng Quân
