នៅភូមិ Bà Gồng ឃុំ Hồng Dân អ្នកស្រុកនៅទីនេះតែងរំលឹកដល់លោក Danh Bá ដែលជាគំរូ ខាងចិញ្ចឹមកូនសិក្សារៀនសូត្របានល្អ។ ទោះបីជាសេដ្ឋកិច្ចគ្រួសារជួបលំបាកក៏ដោយ លោកតែងប្តេជ្ញាចិត្តដើម្បីចិញ្ចឹមកូនរៀនសូត្រដល់ទីបញ្ចប់ ហើយតែងចាត់ទុកបញ្ញាគឺជាសម្បត្តិទ្រព្យដ៏ប្រសើរក្រៃលែងបំផុត។
លោកពូ Danh Bá តែងទូន្មានកូនៗរបស់ខ្លួនបានល្អអំពីការសិក្សារៀនសូត្រដើម្បីអនាគតដ៏ភ្លឹស្វាង និងរួមចំណែកជួយកិច្ចការសង្គម។
ជាអ្នកធ្លាបើបានបួសរៀននៅវត្តឧត្តង្គមានជ័យសិរីព្រឹក្សា ឡាងយឿ (Ngàn Dừa) ឃុំ Hồng Dân លោកពូ Danh Bá តែងយល់ច្បាស់ និងគិតថាមានតែងការសិក្សារៀនសូត្រទេទើបអាចជួយឱ្យខ្លួនរួចចាកក្របាន។ ចំណេះដឹងមិនត្រឹមតែបង្កើនខាងប្រជាបញ្ញាប៉ុណ្ណោះទេ ថែមទាំងបញ្ជាក់ពីអាកប្បកិរិយាសម្រាប់បំភ្លឺផ្លូវឆ្ពោះទៅអនាគតដ៏ភ្លឺស្វាងទៀតផង។ អាស្រ័យដូច្នេះហើយ ខណៈពេលដែលលាចាកសិក្ខាបទ លោកពូតែងប្រកាន់គំនិតត្រូវតែបង្កលក្ខណៈឱ្យកូនរៀនសូត្រដលើទីបញ្ចប់ មិនទុកឱ្យពួកគេមានសភាពដូចយើងខ្ញុំនោះទេ។
និយាយចេញគឺងាយខ្លាំងណាស់ តែដើម្បីចិញ្ចឹមកូន ៤ នាក់រៀនសូត្រឱ្យដល់ទីបញ្ចប់វាមិនមែនជាការងាយស្រួលសម្រាប់កសិករដូចយើងខ្ញុំនោះទេ។ មានពេលខ្លះគិតថាមិនអាចទៅរួចផង តែជាមួយឆន្ទៈដ៏មុះមុតមិនររាថយរបស់លោកឪពុក។ សំណាងណាស់ខណៈដែលមានគោលនយោបាយឥណទានអនុគ្រោះសម្រាប់សិស្សនិស្សិតរបស់បក្សនិងរដ្ឋដែលកលាយជាទីបង្អែកដ៏រឹងមាំសម្រាប់ជំនួយគ្រួសារលោកឆ្លងកាត់ការលំបាក។ ផ្តើមពីប្រភពទុននេះ ក៏បានជួយឱ្យកូនៗរបស់លោកមានលក្ខណៈសិក្សារៀនសូត្រដល់ទីបញ្ចប់ បង្វែក្តីស្រមៃរបស់ខ្លួនឱ្យក្លាយជាការពិតទៀតផង។
ភាពជោគជ័យបានឈានមកដល់ កូនច្បងទាំង ៣ នាក់របស់លោកសុទ្ធតែបានបញ្ចប់បរិញ្ញាបត្រមហាវិទ្យាល័យ និងមានការងារធ្វើរៀងៗខ្លួនទៀតផង។ ចំណែកកូនពៅសព្វថ្ងៃកំពុងសិក្សាមហាវិទ្យាល័យឆ្នាំទីបី ជិតចេញសាលាផងដែរ។ បានឃើញកូនៗវិវឌ្ឍខ្លួនបែបនេះ លោកពូ Danh Bá មានមោទនភាពជាខ្លាំង។
មិនត្រឹមជាឪពុកដ៏ល្អប៉ុណ្ណោះទេ លោកពូ Danh Bá ថែមទាំងជាគ្រូបង្រៀនអក្សរ Khmer ដល់កូនក្មួយជនរួមជាតិ និងព្រះសង្ឃវត្តឡាងយឿ (Ngan Dừa) ទៀតផង។ (ក្នុងរូបថត៖លោកពូ Danh Bá រៀបចំគ្រោងមេរៀនមុនពេលទៅបង្ហាត់)។
មិនត្រឹមគិតគូរឱ្យកូនរៀនសូត្របានល្អប៉ុណ្ណោះទេ ទោះបីជាខ្លួនមានវ័យចាស់ជរាក៏ដោយ លោកយ័ញបា តែងអស់ពីចិត្តជាមួយការសិក្សារៀនសូត្ររបស់កូនក្មួយក្នុងភូមិស្រុក។ ជាមួយចំណេះដឹងដែលមានស្រាប់ លោកពូតែងស្ម័គ្រចិត្តចូលរួមបង្ហាត់បង្រៀនអក្សរ Khmer ជូនកូនក្មួយ និងព្រះសង្ឃវត្តឡាងយឿ ដែលជាទីតាំងធ្លាប់បានផ្តល់ចំណេះដឹងដល់ខ្លួនកាលពីមុន។ លោកគិតថា ទង្វើរបស់ខ្លួនហាក់បីដូចជាពន្លឺកាំច្រួចដ៏តូចមួយ តែតែងរាយសាយភាយសម្រាប់ខាងស្មារតីសិក្សារៀនសូត្រ ធ្វើជាគំរូសម្រាប់បញ្ញវន្តកូនខ្មែរគ្រប់ជំនាន់យកតម្រាប់តាម និងខិតខំសង្វាតរៀនសូត្រដើម្បីរួមចំណែកកសាងអនាគតឱ្យភ្លឺស្វាងថែមទៀតសម្រាប់ខ្លួននិងប្រទេសជាតិ។
គំរូរបស់លោកពូ Danh Bá បានឆ្លុះបញ្ចាំងពីទំនុកចិត្ត និងក្តីសង្ឃឹមផ្នែកខាងតម្លៃដ៏ថ្លៃថ្នូខាងបញ្ញា៕
Thia Ni - Chanh Đa
