ក្នុងបរិយាកាសដ៏មមាញឹកនៃថ្ងៃជិតចូលឆ្នាំប្រពៃណីជាតិ ឆ្នាំ២០២៦ ស្មារតី "ជួយគ្នាទៅវិញទៅមក" កាន់តែរីកសាយភាយយ៉ាងខ្លាំងក្លា។ កម្មវិធីពិនិត្យជំងឺ និងផ្តល់ថ្នាំឥតគិតថ្លៃដ៏មានអត្ថន័យបានរៀបចំឡើង ដើម្បីនាំមកនូវក្តីរីករាយ និងភាពកក់ក្តៅជូនដល់ប្រជាជននៅអនុសង្កាត់ An Trạch Đông សង្កាត់ Vĩnh Trạch។
លោក Bùi Văn Phúc (អ្នកអង្គុយកាន់ប័ណ្ណ) កំពុងរង់ចាំដល់វេនពិនិត្យជំងឺ។
កម្មវិធីនេះរៀបចំឡើងដោយមានកិច្ចសហការរវាង មន្ទីរពេទ្យ Bạc Liêu មន្ទីរពេទ្យ Phạm Ngọc Thạch ទីក្រុង Hồ Chí Minh រួមនឹងសប្បុរសជនដទៃទៀត។ ក្នុងគោលបំណងរួមដៃដើម្បីសុខភាពសហគមន៍ ប្រតិភូការងារបានរៀបចំការពិនិត្យជំងឺទូទៅ ពិនិត្យធ្មេញ-ថ្គាម-មុខ និងពិនិត្យស្វែងរកជំងឺទឹកនោមផ្អែម និងផ្តល់ឱសថព្យាបាលដោយឥតគិតថ្លៃជូនអ្នកជំងឺដែលមានជីវភាពជួបលំបាកចំនួន ៣០០ នាក់។
មុខសញ្ញាអាទិភាពក្នុងលើកនេះ គឺគ្រួសារគោលនយោបាយ មនុស្សចាស់ និងគ្រួសារក្រ។ ក្រុមគ្រូពេទ្យបានបំពេញភារកិច្ចយ៉ាងអស់ពីចិត្ត ដើម្បីធានាថាបងប្អូនប្រជាជនទាំងអស់ដែលមកពិនិត្យ សុទ្ធតែទទួលបានការប្រឹក្សា និងថែទាំសុខភាពយ៉ាងដិតដល់។
វេជ្ជបណ្ឌិតឯកទេសកម្រិត ១ Bùi Chí Liêm តំណាងមន្ទីរពេទ្យបង្អែក Bạc Liêu បានចែករំលែកថា៖ “ការថែទាំសុខភាពជូនប្រជាជន តែងតែជាភារកិច្ចស្នូល ដែលបង្ហាញពីមនោសញ្ចេតនា និងការទទួលខុសត្រូវរបស់កងជួរគ្រូពេទ្យចំពោះសហគមន៍”។
មិនបង្អង់ត្រឹមការពិនិត្យជំងឺប៉ុណ្ណោះទេ កម្មវិធីនៅទាំងបានជូនអំណោយដ៏មានអត្ថន័យខ្លឹមសារ ដើម្បីជួយឱ្យបងប្អូនមានលក្ខណៈគ្រប់គ្រាន់ក្នុងការទទួលអំណរឆ្នាំថ្មី។
លោក Đào Văn Bảy លេខាសាខាបក្ខភាគ និងជាប្រធានអនុសង្កាត់ An Trạch Đông មានប្រសាសន៍ទាំងក្តីរំភើបថា៖ សំណុំថ្នាំ និងអំណោយទាំងនេះមានអត្ថន័យធំធេងខ្លាំងណាស់សម្រាប់ខាងផ្នែកស្មារតីរបស់បងប្អូនប្រជាជននៅទីនេះ។
ប្រជាពលរដ្ឋកំពុងបានគ្រូពេទ្យពិនិត្យ និងប្រឹក្សាសុខភាព។
កាន់ថង់ថ្នាំ និងអំណោយបុណ្យចូលឆ្នាំ Tết ក្នុងដៃដែលទទួលបានពីកម្មវិធី លោក Bùi văn Phúc អនុសង្កាត់ An Trạch Đông បានរៀបរាប់ទាំងក្តីរំភើបថា៖ “ចំពោះខ្ញុំនិងបងប្អូនជាច្រើននៅទីនេះ ការយកចិត្តទុកដាក់របស់បក្សភាគ រដ្ឋអំណាច និងសប្បុរសជន គឺជាពាក្យជូនពរសុខភាពដ៏មានតម្លៃបំផុត ដែលជួយឱ្យយើងខ្ញុំមានភាពកក់ក្តៅក្នុងចិត្ត នៅពេលបុណ្យចូលឆ្នាំថ្មីឈានចូលមកដល់”។
សកម្មភាពសប្បុរសធម៌ទាំងនេះ បាននិងកំពុងរួមចំណែកតុបតែងឱ្យផ្ទាំងទស្សនីយភាពនិទាឃរដូវ ឆ្នាំ២០២៦ កាន់តែស្រស់បំព្រង។ នោះមិនត្រឹមតែជាតម្លៃសម្ភារៈធម្មតាប៉ុណ្ណោះទេ ប៉ុន្តែនៅជាការចែករំលែក និងជាស្មារតី "អ្នកជា ជួយអ្នកមានជំងឺ" ដែលជាកាយវិការដ៏ខ្ពង់ខ្ពស់របស់ប្រជាជាតិយើងតាំងពីយូរលង់ណាស់មកហើយដែរ៕
Đờ Ni - Chanh Ty
