កន្លងមកនេះ សមាគមសហព័ន្ធនារីខេត្ត Cà Mau បានរៀបចំកម្មវិធីផ្សព្វផ្សាយជាច្រើន ដើម្បីបំពាក់បំណិនសម្រាប់ការពារដោយខ្លួនឯងជូនប្អូនៗសិស្សានុសិស្សកម្រិតបឋមសិក្សា។ ខ្លឹមសាដោយរផ្តោតលើសុវត្ថិភាពចរាចរណ៍ បង្ការការលង់ទឹក ព្រមទាំងបង្ការការរំលោភបំពានផ្លូវភេទ។ តាមរយៈកម្មវិធីនេះ ប្អូនៗក៏ទទួលបានចំណេះដឹងយ៉ាងរស់រវើក លើកកម្ពស់ស្មារតី និងលទ្ធកម្មការពារខ្លួនក្នុងជីវភាពរស់ប្រចាំថ្ងៃនៅទៀតផង។
សិស្សសាលាបឋមសិក្សា Lê Quý Đôn ឃុំ Hưng Hội ចូលរួមលេងល្បែងកម្សាន្ត និងឆ្លើយសំណួរអំពីសុវត្ថិភាពចរាចរណ៍ និងការបង្ការការលង់ទឹកយ៉ាងសប្បាយរីករាយ។
ក្នុងពេលផ្សព្វផ្សាយនីមួយៗ សិស្សានុសិស្សបានចូលរួមលេងល្បែងកម្សាន្ត សួរសំណួរ-ចម្លើយ ដោះស្រាយពីស្ថានភាពជាក់ស្តែង និងអនុវត្តរាល់បំណិនដែលចាំបាច់នានា។ យោងតាមនោះ កម្មាភិបាលឃោសនាក៏បានណែនាំប្អូនអំពីរបៀបពាក់មួកសុវត្ថិភាពឱ្យបានត្រឹមត្រូវ ដើរឆ្លងផ្លូវតាមគំនូសសញ្ញា សម្គាល់សញ្ញាភ្លើងចរាចរណ៍ និងច្បាប់មូលដ្ឋានគ្រឹះនូវពេលជិះកង់។
ចំពោះខ្លឹមសារបង្ការការលង់ទឹកវិញ ប្អូនៗក៏ទទួលបានការណែនាំឱ្យសម្គាល់តំបន់ដែលផ្ទុកគ្រោះថ្នាក់ ដូចជា៖ ព្រែក ប្រឡាយ ស្រះ ត្រពាំង និងចេះរបៀបស្រែកហៅរកជំនួយពេលជួបឧបទ្ទវហេតុ និងចងចាំគោលការណ៍មិនត្រូវចុះមុជទឹកព្រែក ឬដើរក្នុងទឹកដោយគ្មានមនុស្សចាស់ទៅជាមួយនោះឡើយ។
ជាពិសេស ខ្លឹមសារបង្ការការរំលោភបំពានផ្លូវភេទ បានបញ្ជ្រាបតាមរយៈភាសាសាមញ្ញ សមស្របតាមវ័យរបស់សិស្សកម្រិតបឋមសិក្សាផងដែរ។ ប្អូនៗទទួលបានការណែនាំឱ្យសម្គាល់ពីតំបន់ឯកជនលើរាងកាយ ចេះនិយាយថា “ទេ” និងម្ចាស់ការចាកចេញពីស្ថានភាពគ្រោះថ្នាក់ដែលជិតនឹងកើតឡើងមកលើខ្លួន។
បន្ទាប់ចេញពីរៀន ប្អូនៗចាំបាច់ត្រូវពាក់មួកសុវត្ថិភាពនូវពេលបើកបរម៉ូតូ មិនត្រូវលេងនៅក្បែរអណ្តូងឬស្រះ ហើយប្រសិននបើមានអ្នកចម្លែកបបួលទៅណាគឺត្រូវតែប្រកែកដាច់ខាត និងត្រូវនិយាយជាមួយលោកគ្រូ អ្នកគ្រូឬក៏ឪពុកម្តាយរបស់ខ្លួន” ប្អូន Nguyễn Chí Thiện សិស្សថ្នាក់ទី ៣ នៃសាលាបឋមសិក្សា Nguyễn Du សង្កាត់ Vĩnh Trạch បានឱ្យដឹងដូច្នេះ។
ចំណែកប្អូន Bùi Khả Hân សិស្សថ្នាក់ទី ៥ នៃសាលាបឋមសិក្សា Lê Quý Đôn ឃុំ Hưng Hội បានចែករំលែកថា៖ ក្រោយពីទទួលបានការផ្សព្វផ្សាយ ប្អូនក៏យល់ច្បាស់ពីរបៀបការពារខ្លួនចំពោះហានិភ័យនៃការរំលោភបំពាន សម្គាល់បាននៅតំបន់ឯកជនលើរាងកាយ និងយល់ថាមិនត្រូវឱ្យអ្នកដទៃប៉ះពាល់លើរាងកាយជាដាច់ខាត។ បើជួបករណីខ្វះសុវត្ថិភាព ប្អូននឹងរកវិធីរួចខ្លួនភ្លាម ហើយប្រាប់ឪពុកម្តាយ ឬគ្រូឱ្យបានឆាប់បំផុត។
អ្នកស្រី Nguyễn Thị Ngọc Thuý អនុប្រធានសមាគមសហព័ន្ធនារីខេត្ត (ស្តាំបង្អស់) ណែនាំប្អូនៗសិស្សានុសិស្សអំពីបំណិនបង្ការការរំលោភបំពាន និងការពារខ្លួនឯង។
ជាអ្នកឯកភាពជាមួយកម្មវិធីនេះ អ្នកមីង Lê Kim Hà អាណាព្យាបាលសិស្សនៃសាលាបឋមសិក្សា Nguyễn Du បានចែករំលែកដែរថា៖ “ពេលផ្សព្វផ្សាយបែបនេះ បានជួយឱ្យក្មេងៗចេះការពារខ្លួន ហើយគ្រួសារក៏ងាយស្រួលក្នុងការនិយាយស្តីជាមួយកូនៗអំពីបញ្ហាដែលកាលពីមុនយើងនៅមានការរអែងចិត្ត មិនហ៊ាននិយាយចេញ”។
អ្នកស្រី Nguyễn Thị Ngọc Thuý អនុប្រធានសមគមសហព័ន្ធនារីខេត្ត បានឱ្យដឹង៖ “តាមរយៈសកម្មភាពនៃការផ្សព្វផ្សាយនៅតាមសាលារៀន សមាគមមានបំណងចង់ជួយប្អូនៗសិស្សានុសិស្សបង្កើតទម្លាប់ការពារខ្លួន និងចេះរកជំនួយនៅពេលចាំបាច់ ដើម្បីកាត់បន្ថយហានិភ័យដែលអាចកើតឡើងចំពោះខ្លួន។
អ្នកស្រី Thuý បានបញ្ជាក់ទៀតថា៖ “នាពេលខាងមុខ សមាគមនឹងបន្តពង្រីកសកម្មភាពផ្សព្វផ្សាយនៅតាមគ្រប់បណ្តាសាលាបឋមសិក្សា ព្រមទាំងពង្រឹងកិច្ចសហការរវាងគ្រួសារ សាលារៀន និងសង្គម ក្នុងការការពារកុមារ រួមចំណែកកសាងបរិស្ថានរស់នៅប្រកបដោយសុវត្ថិភាព និងសុខុមាលភាពសម្រាប់កុមារផងដែរ”៕
Cẩm Nhi
