នៅតាមតំបន់ដែលជួបការលំបាកខ្លាំង និងមានជនជាតិភាគតិចរស់នៅកុះករ ឆ្នាំសិក្សាថ្មីរបស់សិស្សានុសិស្សបានចាប់ផ្ដើមឡើងចេញពីការយកចិត្តទុកដាក់ និងការចែករំលែកពីសំណាក់សាលារៀន ព្រមទាំងសហគមន៍។ ទាំងនោះគឺជាសៀវភៅពុម្ព សៀវភៅសរសេរ សម្លៀកបំពាក់ថ្មី ឬក៏អាហារូបករណ៍ដែលបានប្រគល់ជូនទាន់ពេលវេលា ជួយឱ្យប្អូនៗមានលក្ខណៈបន្ថែមទៀតដើម្បីទៅរៀន និងបន្ថែមជំនឿទុកចិត្តក្នុងការឈានឆ្ពោះទៅមុខយ៉ាងរឹងមាំលើវិថីក្រសោបយកចំណេះដឹង។
បងស្រី Khương Kim Hoàng លេខាសម្ព័ន្ធយុវជនសង្កាត់ Hiệp Thành ផ្តល់អំណោយ "ជំនួយប្អូនៗទៅសាលា" សម្រាប់សិស្សានុសិស្សជាកូន Khmer នៅសាលាបឋមសិក្សា Trần Quốc Toản។
ឪពុកម្ដាយលែងលះគ្នា ប្អូន Danh Gia Hoài សិស្សថ្នាក់ទី ៥/១ សាលាបឋមសិក្សា Trần Quốc Toản សង្កាត់ Hiệp Thành រស់នៅជាមួយជីដូន។ ដោយទទួលបានការឧបត្ថម្ភជាប្រាក់ សៀវភៅសរសេរ សម្លៀកបំពាក់ និងសៀវភៅពុម្ព ប្អូនមានចិត្តសប្បាយរីករាយ និងបានប្រាប់ខ្លួនឯងថាត្រូវតែខិតខំរៀនសូត្រ ប្រពឹត្តខ្លួនជាក្មេងល្អ ដើម្បីកុំឱ្យខកបំណងលោកគ្រូអ្នកគ្រូ និងបណ្តាអ្នកដែលបានយកចិត្តទុកដាក់ ចែករំលែកមកលើខ្លួនប្អូន។
រួមជាមួយសេចក្តីរីករាយនោះដែរ ប្អូន Nguyễn Thị Kiều Diễm សិស្សថ្នាក់ទី ៨/៥ សាលាអនុវិទ្យាល័យ និងវិទ្យាល័យ Hiệp Thành មានកម្លាំងចិត្តបន្ថែមទៀតដើម្បីបន្តការសិក្សា។ ឪពុកប្រកបរបរជាអ្នកនេសាទ ម្តាយជាមេផ្ទះ សេដ្ឋកិច្ចគ្រួសារគ្រាន់តែល្មមដោះស្រាយជីវភាពរស់នៅប្រចាំថ្ងៃប៉ុណ្ណោះ។ ដើម្បីជួយសម្រាលចំណាយក្នុងគ្រួសារសម្រាប់ឆ្នាំសិក្សាថ្មី រដូវវិស្សមកាលចូលមកដល់ Kiều Diêm បានទទួលមើលថែទារកឱ្យអ្នកស្គាល់គ្នាម្នាក់។ តាមរយៈការតភ្ជាប់របស់សាលារៀន Kiều Diễm ត្រូវបានសប្បុរសជនឧបត្ថម្ភអាហារូបករណ៍ជាប្រចាំខែផងដែរ។ «នេះជាកម្លាំងចិត្តយ៉ាងធំធេងដើម្បីឱ្យប្អូនខិតខំប្រឹងប្រែងបន្ថែមទៀតក្នុងឆ្នាំសិក្សាថ្មី» Kiều Diễm ចែករំលែក។
នៅសាលាបឋមសិក្សា Trần Quốc Toản សង្កាត់ Hiệp Thành បន្ទាប់ពីការបញ្ចូលគ្នាចេញពីសាលាចំនួន ៤ ឆ្នាំសិក្សានេះមានទាំងអស់ ៧៦ ថ្នាក់ ដោយមានសិស្សជាង ២.៩០០ នាក់ ក្នុងនោះដោយឡែកថ្នាក់ទី ១ មានសិស្សជាង ៦០០ នាក់។ ជាពិសេស នៅឯចំណុចសាលា ២ កន្លែងគឺ Ngô Quyền និងសាលា Lê Lợi សិស្សជាជនជាតិភាគតិចស្រូបអត្រាជាង ៧០%។ ក្រៅពីការធ្វើឱ្យអង្គភាពមានស្ថិរភាព សាលាបានផ្តល់ការយកចិត្តទុកដាក់ជាពិសេសចំពោះសិស្សក្រីក្រ ជួបលំបាក និងកំព្រា ដោយបានម្ចាស់ការពិនិត្យឡើងវិញ រៀបចំបញ្ជីឈ្មោះដើម្បីជួយឧបត្ថម្ភបានទាន់ពេលវេលា។
សិស្សសាលាជាកូន Khmer រីករាយខណៈពេលដែលទទួលបានសម្ភារៈសិក្សា រួមទាំងសំពៀតដែលសម្បុរសបានជនផ្តល់ជូន។
តាមលោក Lý Thái Huy នាយកសាលាបឋមសិក្សា Trần Quốc Toản បានឱ្យដឹងថា៖ គោលដៅគឺធានាឱ្យសិស្សក្នុងវ័យសិក្សាទាំងអស់ត្រូវបានទៅសាលារៀន មិនត្រូវទុកឱ្យសិស្សណាម្នាក់ត្រូវបោះបង់ការសិក្សាដោយសារលក្ខណៈណាមួយរបស់គ្រួសារឡើយ។ គិតមកទល់ពេលនេះ សាលាទទួលបានអំណោយជាង ៦០០ ចំណែក ដែលមានតម្លៃសរុបប្រមាណ ៨៥ លានដុង និងបានប្រគល់ជូនទាន់ពេលវេលាដល់សិស្សដែលជួបលំបាក។
នៅសាលាអនុវិទ្យាល័យ និងវិទ្យាល័យ Hiệp Thành សង្កាត់ Hiệp Thành ឆ្នាំសិក្សាថ្មីនេះមាន ៥៧ ថ្នាក់ សិស្ស ២.៤២៩ នាក់ ក្នុងនោះមានសិស្សថ្នាក់ទី ៦ ចំនួន ៣៨៦ នាក់ និងសិស្សថ្នាក់ទី ១០ ចំនួន ៣១៥ នាក់។ មូលដ្ឋានសម្ភារៈ និងកងជួរគ្រូបង្រៀននៅតាមចំណុចសាលារង និងគ្រឹះស្ថានដើម មានស្ថិរភាពជាមូលដ្ឋាន។ ចេញពីការរួមដំណើរសហការពីបណ្តាអង្គការ អាជីវកម្ម និងសប្បុរសជន សាលាបានកៀរគរថវិកាជាង ១៥០ លានដុង ដើម្បីជួយឧបត្ថម្ភសិស្សក្រីក្រ សិស្សជនជាតិភាគតិចជួបការលំបាក តាមរយៈអាហារូបករណ៍ កង់ និងអំណោយជាក់ស្តែងជាច្រើនដទៃទៀត។
«បណ្តាប្រភពធនធានដែលបានកៀរគរ បានរួមចំណែកជួយឱ្យសិស្សក្រីក្រ សិស្សជនជាតិភាគតិចមានលក្ខណៈបន្ថែម និងមានកម្លាំងចិត្តក្នុងការបន្តសិក្សារៀនសូត្រ» លោក Trần Minh Hậu នាយកសាលាអនុវិទ្យាល័យ និងវិទ្យាល័យ Hiệp Thành ឱ្យដឹងដូច្នេះ៕
Kim Trúc
