ប៉ុន្មានថ្ងៃនេះ ប្រជាកសិករឃុំ Đá Bạc កំពុងឈានចូលរដូវប្រមូលផលចម្ការល្ពៅ។ តែឈ្មួញទិញចំនួនតិច ហើយតម្លៃក៏ធ្លាក់ចុះខ្លាំង។ សព្វថ្ងៃចំនួនល្ពៅនៅតាមវាលស្រែនូវមានច្រើន បណ្តោយឱ្យម្ចាស់ចម្ការភ័យបារម្ភ។ ប្រឈរមុខជាមួយបញ្ហានេះ រដ្ឋអំណាចភូមិភាគគ្រប់លំដាប់ថ្នាក់ ព្រមទាំងអង្គការចាត់តាំងឯកជនកំពុងព្រួតដៃគ្នា រួមកម្លាំងស្វែងរកដំណោះស្រាយដើម្បីជំនួយឧបត្ថម្ភការនាំចេញរបស់បងប្អូនប្រជាជន។
គណៈកម្មាធិការប្រជាជនឃុំ Đá Bạc ជួយទិញកសិផលរបស់មាមីងបងប្អូនចំនួន ១០ តោនផងដែរ។
នៅភូមិលេខ ៥ ឃុំ Đá Bạc ផ្ទៃដីដាំល្ពៅឆ្នាំនេះមានប្រមាណ ១៥០ ហិកតា ដែលដាំដោយ១២០ គ្រួសារ។ ក្នុងចំណោមនោះ មានប្រហែល ១០០ ហិកតាជាល្ពៅខ្នាតតូច ខណៈដែលនៅសល់ជាល្ពៅដែលផ្តល់ទិន្នផលខ្ពស់ (រាងដូចផ្លែឃ្លោក)។ ទោះបីជាអាកាសធាតុមិនអំណោយផលនៅដើមរដូវក៏ដោយ ក៏ប្រជាកសិករតែងខិតខំប្រឹងប្រែងថែទាំផលដំណាំរបស់ខ្លួន ដែលផ្តល់ទិន្នផលខ្ពស់។ ទោះជាយ៉ាងណាក៏ដោយ ចំពោះការខ្វល់ខ្វាយរបស់បងប្អូនប្រជាកសិករនាពេលនេះគឺការស្វែងរកទីផ្សារសម្រាប់ផលិតផលរបស់ពួកគេជាការចាំបាច់។
ចម្ការល្ពៅជាច្រើនបានត្រៀមរួចរាល់សម្រាប់ការប្រមូលផល បណ្តោយឱ្យកសិករត្រូវបេះ និងលក់ដោយបញ្ចុះតម្លៃជារៀងរាល់ថ្ងៃ។ ចំពោះពូជល្ពៅធម្មតា ដើមរដូវតម្លៃគឺ ១២.០០០ ដុង ប៉ុន្តែឥឡូវនេះបានធ្លាក់ចុះមកត្រឹម ៥-៦.០០០ ដុង/គីឡូក្រាមប៉ុណ្ណោះ។ ពូជដែលផ្តល់ទិន្នផលខ្ពស់ ធ្លាប់មានតម្លៃ ៧.០០០ ដុង ឥឡូវនេះមានតម្លៃត្រឹមតែ ៣-៤.០០០ ដុង/គីឡូក្រាមប៉ុណ្ណោះ។
លោក Nguyễn Văn Hiệt នៅភូមិលេខ ៥ ឃុំ Đá Bạc មានប្រសាសន៍ថា៖ “ទីផ្សារនាំចេញរបស់ល្ពៅ និងឪឡឹកមានការលំបាកខ្លាំងណាស់សម្រាប់ឆ្នាំនេះ។ គ្រួសារខ្ញុំបានដាំល្ពៅចំនួន ១០.០០០ កុម្ព ដោយសង្ឃឹមថានឹងប្រមូលផលបាន ៥០ តោន ក្នុងនោះក៏ប្រមូលផលបាន ៣០ តោនហើយដែរ ប៉ុន្តែមិនទាន់ទទួលបានផលសូម្បីតែមួយភាគបីនៃថ្លៃដើម ខណៈដែលតម្លៃនៅតែបន្តធ្លាក់ចុះជារៀងរាល់ថ្ងៃ”។
បងស្រី Trương Thị Bích Ngân ជួយមាមីងបងប្អូនលក់កសិផលបានជាង ៣ តោនផងដែរ រួមមាន៖ ល្ពៅ ប៉េងប៉ោះ និងឪឡឹកជាដើម។
បច្ចុប្បន្ន ចម្ការល្ពៅជាច្រើននៅភូមិលេខ ៥ នូវតែមានចំនួនល្ពៅច្រើនសន្ធឹកសន្ធបដែលមិនទាន់មានឈ្មួញមកទិញ។ ប្រសិនបើមិនបានលក់ឱ្យទាន់ពេលវេលានោះទេ កសិករនឹងប្រឈមមុខនឹងហានិភ័យនៃការខាតបង់ខាងសេដ្ឋកិច្ចជាក់ជាមិនខាន។ ដោយសារតែស្ថានភាពនេះហើយ គណៈកម្មាធិការបក្ស និងគណៈកម្មាធិការប្រជាជនឃុំកំពុងជំរុញអង្គការ សមាគម និងប្រជាជនរួមដៃគ្នាដើម្បីជួយទិញបងប្អូនប្រជាកសិករផងដែរ។ ទន្ទឹមជាមួយនោះដែរ ក៏ ពឹងលើតាមបណ្តាញសង្គមសម្រាប់ផ្សព្វផ្សាយ ដោយមានដូចជា៖ Facebook, Zalo ដើម្បីអំពាវនាវឱ្យមានការគាំទ្រពីសាធារណជនផងដែរ។
ជាមួយស្មារតីជួយគ្នាទៅវិញទៅមក ក្នុងគ្រាលំបាក តាមរយៈការចែករំលែក និងអំពាវនាវពីអង្គការ និងបុគ្គលនៅលើប្រព័ន្ធផ្សព្វផ្សាយសង្គម ព្រមទាំងការខិតខំប្រឹងប្រែងទាំងនេះកំពុងទទួលបានការចាប់អារម្មណ៍ និងការចែករំលែកពីសហគមន៍ រួមចំណែកពង្រីកស្មារតីជួយគ្នាទៅវិញទៅមកដើម្បីគាំទ្រដល់ បងប្អូនប្រជាកសិករអ្នកដាំល្ពៅទាំងឡាយផងដែរ។
សព្វថ្ងៃ ចំនួនល្ពៅនៅភូមិលេខ ៥ ឃុំ Đá Bạc កំពុងនៅសល់តាមវាលស្រែប្រមាណជាង ៩០ តោន។
បងស្រី Trương Thị Bích Ngân នៅអនុសង្កាត់លេខ ៧ សង្កាត់ Lý Văn Lâm បានឱ្យដឹង៖ “ដោយឃើញថាមាមីងបងប្អូនដាំល្ពៅជួបលំបាកវេទនាខ្លាំង តែទីបញ្ចប់មិនអាចលក់ចេញបាន ខ្ញុំក៏មានការអាណិតអាសូរខ្លាំងណាស់ដែរ ទើបជួយទិញបានចំនួន ៣ តោន ព្រមទាំងបន្តរកគ្រប់វិធីសាស្ត្រដើម្បីជួយទិញ”។
ការរួមកម្លាំងរបស់រដ្ឋអំណាចភូមិភាគ និងសហគមន៍កំពុងរួមចំណែកជួយកសិផលរបស់បងប្អូនប្រជាកសិករភូមិលេខ ៥ ឃុំ Đá Bạc ដើម្បីមានទីផ្សារសម្រាប់នាំចេញ។ រាល់ការជំនួយឧបត្ថម្ភគាំទ្របែបនេះ រាល់ការចែករំលែកព័ត៌មានទាំងឡាយគឺសុទ្ធតែជាប្រភពចលនាទឹកចិត្តយ៉ាងជាក់ស្តែងសម្រាប់បងប្អូនប្រជាកសិករទាំងឡាយដែលជួបលំបាកអំពីបញ្ហាបែបនេះ៕
Loan Phương
