ប៉ុន្មានឆ្នាំកន្លងមកនេះ ជីវភាពបងប្អូនជនរួមជាតិភាគតិចលើភូមិសាស្ត្រឃុំ Thanh Tùng មានការផ្លាស់ប្តូរយ៉ាងសកម្ម។ ការផ្លាស់ប្តូរនេះ អាស្រ័យផ្តើមពីការផ្សព្វផ្សាយយ៉ាងមានប្រសិទ្ធភាពស្តីពីគោលការណ៍ណែនាំ និងគោលនយោបាយរបស់បក្ស ជាពិសេសកម្មវិធីគោលដៅជាតិសម្រាប់ការអភិវឌ្ឍសេដ្ឋកិច្ច-សង្គមតំបន់ជនរួមជាតិភាគតិច និងតំបន់ភ្នំ។
សាលាទានទទួលបានការវិនិយោគកសាងថ្មីក្លាយជាទីតាំងសម្រាប់ចាត់តាំងសកម្មភាព និងសិក្សារៀនសូត្រ និងចាត់តាំងរាល់ពិធីបុណ្យទានផ្សេងៗ រួមចំណែកលើកតម្កើងតម្លៃវប្បធម៌ប្រពៃណីរបស់ជនរួមជាតិ Khmer ផងដែរ។
Thanh Tùng ជាភូមិភាគដែលមានជនរួមជាតិភាគតិចរស់នៅច្រើន ដោយមានប្រមាណជាង ៥០០ គ្រួសារ និងចំនួនប្រជាជនជាង ២.៧៥០ នាក់ ភាគច្រើនជាជនជាតិ Khmer។ ពីមុន ដោយសារលក្ខណៈនៃការផលិតនៅមានកម្រិត និងហេដ្ឋារចនាសម្ព័ន្ធមិនទាន់មានការអភិវឌ្ឍ គ្រួសារជាច្រើនបានប្រឈមមុខនឹងការលំបាក ហើយអត្រានៃគ្រួសារក្រីក្រក្នុងជនរួមជាតិភាគតិចស្រូបជាង ៣០%។
ដើម្បីលើកកម្ពស់ជីវភាពរស់នៅរបស់ប្រជាជនជាសន្សឹមៗ ឃុំកំពុងផ្តោតលើការដាក់ពង្រាយធនធានដែលផ្តើមពីកម្មវិធីគោលដៅជាតិសម្រាប់ដំណាក់កាល ២០២១-២០២៥ ដោយផ្តោតលើការវិនិយោគអភិវឌ្ឍហេដ្ឋារចនាសម្ព័ន្ធ និងឧបត្ថម្ភគាំទ្រដល់ជីវភាពរស់នៅរបស់ប្រជាជន។
ក្នុងវិស័យហេដ្ឋារចនាសម្ព័ន្ធ ឃុំក៏ទទួលបានការវិនិយោគទឹកប្រាក់ជាង ១២ ពាន់លានដុង សម្រាប់សាងសង់ប្រព័ន្ធដឹកជញ្ជូនជនបទនៅតំបន់ដែលមានជនរួមជាតិភាគតិចរស់នៅច្រើន ដោយទឹកប្រាក់ជាង ៤ ពាន់លានដុងសម្រាប់ប្រើប្រាស់ និងកែជួសជុលថ្មីចំនួន ២៤ សំណង់ផ្សេងៗ មានស្ពាន និងថ្នល់ជាដើម។ អាស្រ័យហេតុនេះហើយ ការធ្វើដំណើរ និងដឹកជញ្ជូនទំនិញរបស់ប្រជាជនកាន់តែមានភាពងាយស្រួល បង្កលក្ខណៈអំណោយផលសម្រាប់ជំរុញការអភិវឌ្ឍផលិត។
ក្នុងពេលជាមួយគ្នានេះ ឃុំ Thanh Tùng បានអនុវត្តគោលនយោបាយដោយផ្ទាល់ និងគ្រប់ជ្រុងជ្រោយដើម្បីឧបត្ថម្ភបងប្អូនប្រជាជន។ ឃុំបានឧបត្ថម្ភសាងសង់ផ្ទះស្នាក់នៅ និងដីធារសម្រាប់សង់ផ្ទះជូន ១៣៧ គ្រួសារ ព្រមទាំងសាងសង់អាគារវប្បធម៌បាន ៤ ខ្នង ផងដែរ។ ផ្តើមពីនោះ ក៏ផ្សព្វផ្សាយ ៩ គម្រោងការផលិតបន្តទៀត ដោយសរុបទឹកប្រាក់ប្រមាណជិត ៩,៥ ពាន់លានដុង។ សម្រាប់ការឧបត្ថម្ភដ៏ទាន់ពេលវេលាទាំងនេះ បានជួយគ្រួសារជាច្រើនលំនឹងជីវភាព និងមានលក្ខណៈឈានឡើងរួចចាកក្រជាសន្សឹមៗផងដែរ។
អាស្រ័យការផ្សព្វផ្សាយបានព្រមៗគ្នានូវរាល់បណ្តាកម្មវិធី និងគោលនយោបាយផងនោះ ទើបជីវភាពរស់នៅរបស់បងប្អូនជនរួមជាតិភាគតិចលើភូមិសាស្ត្រមានការអភិវឌ្ឍគ្រប់ជ្រុងជ្រោយ អត្រាគ្រួសារក្រក៏មានការបន្ថយចុះខ្លាំងណាស់ដែរ ដោយចាប់ពីត្រឹមជាង ៣០% ចុះនូវត្រឹម ៦% សម្រាប់ប្រភពចំណូលជាមធ្យមរួមរបស់ឃុំ។
ប្រជាជនធ្វើដំណើរទៅមក និងជួញដូរប្រកបដោយភាពងាយស្រួលតាមដងផ្លូវថ្មីដ៏ធំទូលាយដែលទើបត្រូវបានកែជួសជុលដោយផ្តើមពីប្រភពដើមទុននៃកម្មវិធីគោលដៅជាតិសម្រាប់អភិវឌ្ឍសេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ។
មិនត្រឹមគិតគីួពីការអភិវឌ្ឍសេដ្ឋកិច្ចប៉ុណ្ណោះទេ ភូមិភាគថែមទាំងយកចិត្តទុកដាក់លើគ្រប់វិស័យអប់រម សុខាភិបាល និងវប្បធម៌ទៀតផង។ លោក Lê Việt Khái អនុប្រធានគណៈកម្មាធិការប្រជាជនឃុំ Thanh Tùng បានឱ្យដឹង៖ “សម្រាប់ការផ្សព្វផ្សាយយ៉ាងមានប្រសិទ្ធភាពរបស់កម្មវិធី គោលនយោបាយ កំពុងបានបង្កើតប្រភពធនធានដ៏សំខាន់សម្រាប់ជំនួយឧបត្ថម្ភបងប្អូប្រជាជនឱ្យផ្លាស់ប្តូរផ្នត់គំនិតក្នុងការផលិត ព្រមទាំងម្ចាស់ការខិតខំឈានឡើងអភិវឌ្ឍសេដ្ឋកិច្ច។ នាពេលខាងខាងមុខនេះ ភូមិភាគនឹងបន្តជំរុញខ្លាំងខ្លាការឧបត្ថម្ភស្ថិរភាព និងពង្រីកបណ្តាទម្រង់ផលិតមានប្រសិទ្ធភាពថែមទៀត រួមចំណែកលើកកម្ពស់ប្រភពប្រាក់ចំណូល ព្រមទាំងកាត់បន្ថយក្រចីរភាពក្នុងជនរួមជាតិភាគតិច”។
ជាមួយការកំណត់ទិសដៅក្នុងការបន្តវិនិយោគហេដ្ឋរចនាសម្ព័ន្ធ ឧបត្ថម្ភការរស់នៅស្ថិរភាពសម្រាប់ដំណាក់កាល ២០២៦-២០៣០ រួមជាមួយការខិតខំប្រឹងប្រែងរបស់បងប្អូនប្រជាជន តំបន់ជនរួមជាតិភាគតិច Thanh Tùng កំពុងមានការផ្លាស់ប្តូរ ឆ្ពោះទៅទិសដៅនៃការលុបបំបាត់គ្រួសារក្រីក្រទាំងស្រុង៕
Nguyễn Đào - Chí Thức
