ឆ្លៀតយកផ្ទៃដីដែលនៅទំនេរជុំវិញផ្ទះសម្រាប់ដាំដំណាំឆ្លាស់គ្រប់ប្រភេទតាមរយៈពេលខ្លី គ្រួសារប្រតជាកសិករជាច្រើននៅសង្កាត់ Hiệp Thành ក្នុងនោះមានជនរួមជាតិ Khmer ផងដែរកំពុងឈានចូលរដូវប្រមូលផលគ្រាប់អំបើសសារាយដោយភាពសប្បាយរីករាយជាខ្លាំង។
ប្តីប្រពន្ធលោក Trần Hai ប្រមូលផលអំបើសសារាយដើម្បីយកគ្រាប់។
ប៉ុន្មានឆ្នាំកន្លងមកនេះ ជាមួយនឹងតម្លៃទីផ្សារនឹងនរ ដើមអំបើសសារាយក៏បាននាំមកនូវប្រាក់ចំណូលយ៉ាងច្រើនសន្ធឹកសន្ធប់ ជួយគ្រួសារជាច្រើនមានលក្ខណៈរួចផុតពីភាពក្រីក្រ និងលើកកម្ពស់ជីវភាពរស់នៅទៀតផង។
បានមកអនុសង្កាត់ Biển Đông B សង្កាត់ Hiệp Thành នាពេលសព្វថ្ងៃនេះ ក្លិនក្រអូបពិសេសនៃគ្រាប់អំបើសសារាយទុំបានសាយភាយពេញតាមដងផ្លូវ។ ទូទាំងអនុសង្កាត់នាពេលបច្ចុប្បន្នក៏មានគ្រួសារជាច្រើនបានបន្តដាំអំបើសសារាយសម្រាប់យកគ្រាប់។
តួយ៉ាងដូចជាគ្រួសារលោក Trần Hai ជាកសិករ Khmer ផលិតពូកែម្នាក់ប្រចាំភូមិភាគ។ ដោយមានផ្ទៃដីជុំវិញផ្ទះប្រមាណ ៣០០ ម៉ែត្រការេ លោកក៏បានអនុវត្តទម្រង់ដាំដំណាំឆ្លាស់គ្នាជាមួយអំបើសសារាយដូចជាសព្វថ្ងៃនេះឯង។
លោក Hai បានចែករំលែកថា៖ “ដោយគ្រួសារមានដីផលិតតិចតួច ដូច្នេះហើយត្រូវគិតគូរឱ្យបានល្អិតល្អន់សម្រាប់ខាងបច្ចេកទេសនៃគារជម្រើសពូជដាំ។ ដើមអំបើសសារាយងាយស្រួលក្នុងការដាំ ពោលគឺចាំបាច់ចាំណាយពេលច្រើថែរក្សា ឆ្នាំណាក៏ដូចជាឆ្នាំណា ឱ្យតែដល់រដូវគឺខ្ញុំឆ្លៀតយកផ្ទៃដីទំនេរសម្រាប់ដាំពូជ ផ្តើមពីនោះ មិនត្រឹមមានបន្លែដើម្បីផ្គងត់ផ្គង់ពេលបាយប្រចាំថ្ងៃប៉ុណ្ណោះទេ ថែមទាំងមានគ្រាប់សម្រាប់លក់ នាំមកនូវប្រភាពចំណូលនឹងនរទៀតផង”។
ប្រជាកសិករសង្កាត់ Hiệp Thành ហាលអំបើសសារាយបន្ទាប់ពីកាត់រួចរាល់។
បើប្រៀបធៀបទៅនឹងការដាំអំបើសសារាយយកស្លឹកសម្រាប់ធ្វើជាគ្រឿងទេស ការប្រមូលផលគ្រាប់អំបើសសារាយផ្តល់នូបតម្លៃសេដ្ឋកិច្ចខ្ពស់ជាងគួរឱ្យកត់សម្គាល់។ ជាអ្នករស់នៅភូមិ Biển Đông B ដូចគ្នា គ្រួសារលោក Thạch Bi ទើបប្រមូលផលអំបើសសារាយដោយផ្ទៃដី ១ កុងដែលដាំត្រឹមតែអំបើសសារាយមួយប្រភេទប៉ុណ្ណោះ ទីបំផុតបានផ្តល់ទិន្នផលគ្រាប់ពូជស្ងួតប្រមាណជាង ២០០ គីឡូក្រាមផងដែរ។ ដោយមានឈ្មួញទិញក្នុងតម្លៃជិត ៦0 ពាន់ដុង/គីឡូក្រាម បន្ទាប់ពីគិតចំណាយរួចរាល់ គ្រួសារលោកនូវសល់ចំណេញយ៉ាងច្រើនទៀតផង។ “សម្រាប់ទម្រង់ដាំអំបើសសារាយយកគ្រាប់ ការចំណាយតិចតួច តែតម្លៃលក់ចេញបានខ្ពស់ល្អ មាមីងបងប្អូនគ្រប់ៗគ្នាសុទ្ធតែមានចិត្តសប្បាយរីករាយពីព្រោះមានប្រភពចំណូលសមរម្យល្អសម្រាប់ផ្គត់ផ្គង់ជីវភាពនិងនៅប្រចាំថ្ងៃនិងស្តារឡើងវិញនូវការផលិតរបស់ខ្លួន” លោក Bi បានឱ្យដឹងដូច្នេះ។
តាមការបូកសរុប ឆ្នាំនេះ ទូទាំងសង្កាត់ Hiệp Thành មានប្រមាណ ៦០ គ្រួសារដាំអំបើសសារាយ ដោយសរុបផ្ទៃដីប្រមាណ ៥០ ហិកតា។ ទោះបីជាផ្ទៃដីមានការថយចុះខ្លះបើប្រៀបនឹងឆ្នាំមុនៗ ដោយសារតែកសិករបានកែសម្រួលរចនាសម្ព័ន្ធដំណាំរបស់ខ្លួនយ៉ាងសកម្មក៏ដោយ ប្រសិទ្ធភាពសេដ្ឋកិច្ចដែលរួមផ្ទៃដីតែមួយក៏មានការកើនឡើងអាស្រ័យទិន្នផលនៃការដាំដំណាំ និងតម្លៃរបស់គ្រាប់អំបើសសារាយមានស្ថេរភាព។
ប៉ុន្មានឆ្នាំកន្លង ដើមអំបើសសារាយបានផ្ទាល់ប្រភពប្រាក់ចំណូលយ៉ាងសមគួរជូនបងប្អូនប្រជាកសិករសង្កាត់ Hiệp Thành។
ទម្រង់ដាំអំបើសសារាយរបស់មាមីងបងប្អូននៅសង្កាត់ Hiệp Thành បានបង្ហាញពីអារម្មណ៍ដ៏មុតស្រួចនៃការប្រើប្រាស់ដីធ្លី។ សម្រាប់គ្រួសារដែលមានដីចម្ការច្រើនគឺដាំផ្តុំគ្នា ចំណែកគ្រួសារមានដីតិចក៏ឆ្លៀតយកផ្ទៃដីធារចម្ការសម្រាប់ដាំឆ្លាស់គ្នា។ វិធីសាស្រ្តនេះមិនត្រឹមតែធ្វើពិពិធកម្មសម្រាប់ឱ្យផលិតផលកសិកម្មក្នុងស្រុកប៉ុណ្ណោះទេ ថែមទាំងរួមចំណែកយ៉ាងសំខាន់ដល់ការកាត់បន្ថយភាពក្រីក្រ និងលើកកម្ពស់ជីវភាពរស់នៅរបស់បងប្អូនជនរួមជាតិ Khmer នៅភូមិភាគទៀតផង៕
Ngọc Quyên
