ជំងឺគ្រុនឈាម ជាជំងឺដែលកើតមានជាប្រចាំឆ្នាំ ពិសេសក្នុងលក្ខណៈអាកាសធាតុប្រែប្រួលស្មុគស្មាញដូចជា មានភ្លៀងធ្លាក់ច្រើន សំណើមខ្ពស់ និងអាកាសធាតុក្តៅឆ្លាស់គ្នា បង្កលក្ខណៈងាយស្រួលដល់មូសខ្លាអាចចម្លងជំងឺរីករាលដាល។ ដើម្បីម្ចាស់ការបង្ការ និងទប់ស្កាត់ជំងឺអាសន្នរោគនេះ សមាគមសហព័ន្ធនារីខេត្ត Cà Mau បានសហការអនុវត្តសកម្មភាពផ្សព្វផ្សាយជាច្រើន ដើម្បីផ្តល់ចំណេះដឹង ជួយឱ្យសមាជកនារី និងប្រជាជនម្ចាស់ការបង្ការជំងឺ ។
សហព័ន្ធនារីខេត្ត Cà Mau សហការជាមួយមជ្ឈមណ្ឌលត្រួតពិនិត្យជំងឺឆ្លងខេត្ត ចាត់តាំងការផ្សព្វផ្សាយបង្ការ ទប់ស្កាត់ជំងឺគ្រុនឈាមនៅសង្កាត់ An Xuyên ដោយទាក់ទាញប្រជាជនចូលរួមយ៉ាងកុះករ។
ជារៀងរាល់ឆ្នាំ សហព័ន្ធនារីខេត្តសហការជាមួយអង្គភាពសុខាភិបាល និងភូមិភាគ ចាត់តាំងសកម្មភាពផ្សព្វផ្សាយបង្ការ និងទប់ស្កាត់ជំងឺគ្រុនឈាមជាច្រើនលើកផងដែរ ។ រយៈពេលកន្លងមក សមាគមបានសហការជាមួយមជ្ឈមណ្ឌលត្រួតពិនិត្យជំងឺឆ្លងរបស់ខេត្ត ចាត់តាំងការផ្សព្វផ្សាយនៅឃុំ៖ Nguyễn Phích, Đầm Dơi, Lương Thế Chân និងសង្កាត់ An Xuyên ដោយទាក់ទាញប្រជាជនចូលរួមប្រមាណជាង ១.០០០ នាក់ ។ តាមរយៈនោះ ប្រជាជនក៏បានបង្កើនចំណេះដឹងអំពីកម្រិតគ្រោះថ្នាក់នៃជំងឺគ្រុនឈាម យល់ច្បាស់ពីមូលហេតុ របៀបសម្គាល់សញ្ញាជំងឺបានយ៉ាងឆាប់រហ័ស រួមទាំងវិធានការបង្ការប្រកបដោយប្រសិទ្ធភាពដូចជា គេងក្នុងមុង កំទេចដង្កូវទឹក បំបាត់ទឹកដក់ និងរក្សាអនាម័យបរិស្ថានជុះវិញខ្លួន។
អ្នកមីង Phan Thị Ánh Loan នៅសង្កាត់ An Xuyên មានប្រសាសន៍៖ “អាស្រ័យបានគ្រូពេទ្យពន្យល់ណែនាំ ខ្ញុំក៏បានយល់ច្បាស់ជាងពីមូលហេតុ និងរបៀបបង្ការជំងឺផងដែរ។ ខ្ញុំនឹងរំលឹកដាស់តឿនកូនចៅរបស់ខ្លួនឱ្យសម្អាតផ្ទះសម្បែងជាប្រចាំ បំបាត់ទឹកដក់ កំទេចដង្កូវទឹក និងគេងក្នុងមុងត្រឹមត្រូវដើម្បីបង្ការជំងឺ” ។
តាមរយៈវគ្គផ្សព្វផ្សាយជាច្រើនលើកច្រើនសា អ្នកមីង Nguyễn Thị Nga នៅសង្កាត់ An Xuyên បានឱ្យដឹងថា៖ “ពីមុនខ្ញុំយកចិត្តទុកដាក់តែការបាញ់ថ្នាំមូស និងសម្អាតអនាម័យបរិស្ថានប៉ុណ្ណោះ។ ឆ្លងតាមការផ្សព្វផ្សាយ ទើបខ្ញុំដឹងថាបច្ចុប្បន្នជំងឺគ្រុនឈាមមានវ៉ាក់សាំងដើម្បីម្ចាស់ការបង្ការហើយ។ នេះគឺជាព័ត៌មានដ៏មានប្រយោជន៍ខ្លាំងណាស់ ជួយឱ្យខ្ញុំមានជម្រើសបន្ថែមក្នុងការការពារសុខភាពសម្រាប់ខ្លួនឯង និងគ្រួសារ” ។
ទន្ទឹមនឹងការចាត់តាំងសិក្ខាសាលា និងសកម្មភាពផ្សព្វផ្សាយ សមាគមសហព័ន្ធនារីគ្រប់ជាន់ថ្នាក់បានបញ្ចូលខ្លឹមសារបង្ការ និងទប់ស្កាត់ជំងឺគ្រុនឈាមទៅក្នុងចលនា “កសាងគ្រួសារ ៥ មិន ៣ ស្អាត” រក្សាការផ្សព្វផ្សាយក្នុងកិច្ចប្រជុំជីវភាពសាខា និងសមាគម រួមចំណែកលើកកម្ពស់ស្មារតីរក្សាអនាម័យបរិស្ថាន កសាងរបៀបរស់នៅស្អាត និងវិទ្យាសាស្ត្រក្នុងគ្រួសារនីមួយៗ ។
នារីម្ចាស់ការគ្របជិតសម្ភារផ្ទុកទឹកក្នុងគ្រួសារ ដើម្បីកាត់បន្ថយសត្វមូសកើត រួមចំណែកបង្ការទប់ស្កាត់ជំងឺគ្រុនឈាម។
តាមបងស្រី Hồ Kim Muội ប្រធានសមាគមសហព័ន្ធនារីឃុំ Đầm Dơi អាស្រ័យលើកកម្ពស់ស្មារតីរបស់ប្រជាជន រយៈពេលកន្លងមក ស្ថានភាពជំងឺគ្រុនឈាមនៅលើភូមិសាស្ត្របានថយចុះគួរឱ្យកត់សម្គាល់ ។ នាពេលខាងមុខ សមាគមនឹងបន្តធ្វើឱ្យសម្បូរបែបនូវរូបភាពផ្សព្វផ្សាយ ឱ្យស្របតាមភូមិសាស្ត្រនីមួយៗ ចលនាសមាជិកាម្ចាស់ការអនាម័យបរិស្ថាន កំចាត់ឃ្វិចខ្វង់ និងបង្ការជំងឺក្នុងសហគមន៍។
កិច្ចបង្ការទប់ស្កាត់ជំងឺគ្រុនឈាម មិនត្រឹមតែជាភារកិច្ចរបស់វិស័យសុខាភិបាលប៉ុណ្ណោះទេ ប៉ុន្តែត្រូវការការរួមដៃពីសង្គមទាំងមូល ។ សមាជិកានារីម្នាក់ៗលើកកម្ពស់ស្មារតី គ្រួសារនីមួយៗម្ចាស់ការបង្ការជំងឺ នឹងបង្កើតបានជា “របាំងការពារ” ដ៏រឹងមាំ រួមចំណែករុញច្រានអាសន្នរោគជំងឺគ្រុនឈាម កសាងបរិស្ថានរស់នៅប្រកបដោយសុវត្ថិភាព បៃតង-ជ្រះ-ស្អាត ឆ្ពោះទៅកាន់សហគមន៍មានសុខភាពល្អ៕
Cẩm Nhi
