ក្នុងបរិបទនៃសមាហរណកម្ម និងអភិវឌ្ឍ ប្រភពធនធានយុវវ័យត្រូវបានចាត់ទុកថាជាកត្តាស្នូលសម្រេចនូវល្បឿន និងគុណភាពនៃកំណើនខាងវិស័យសេដ្ឋកិច្ច - សង្គមរបស់ភូមិភាគនីមួយៗទៀតផង។ Cà Mau ជាភូមិភាគដែលមានជនរួមជាតិភាគតិចរស់នៅកុះករ ការលើកកម្ពស់សក្តានុពលនៃកម្លាំងយុវជនជនជាតិភាគតិច មិនត្រឹមតែមានអត្ថន័យចំពោះមុខប៉ុណ្ណោះទេ ថែមទាំងមានតម្លៃយុទ្ធសាស្ត្រដ៏យូរអង្វែងទៀតផង។
យុវជន Đào Kiên Giang ប្តេជ្ញាចិត្តចូលបម្រើជួរកងទ័ពដើម្បីហ្វឹកហាត់ រៀនសូត្រ ក្រោយមកវិលត្រឡប់មកវិញរួមចំណែកកសាងមាតុភូមិ។
បណ្តាឆ្នាំកន្លងមក ខេត្តបានដាក់ចេញនូវគោលនយោបាយឧបត្ថម្ភអភិវឌ្ឍន៍តំបន់ជនជាតិភាគតិចជាច្រើន ជាពិសេសគឺក្នុងវិស័យអប់រំ បណ្តុះបណ្តាលវិជ្ជាជីវៈ និងដោះស្រាយការងារធ្វើ។ អាស្រ័យហេតុនេះ កម្រិតយល់ដឹងរបស់ប្រជាជនត្រូវបានលើកកម្ពស់ជាសន្សឹមៗ យុវជន Khmer កាន់តែច្រើនមានឱកាសក្រេបជញ្ជក់យកចំណេះដឹងថ្មីៗ និងចូលរួមក្នុងទីផ្សារពលកម្មផងដែរ។
បង Hữu Minh Tài សមាជិកសម្ព័ន្ធយុវជនឃុំ Hồ Thị Kỷ ដែលជាអ្នកជួយជ្រោមជ្រែងយុវជន Khmer មួយចំនួនរៀនរបរចម្លាក់ឈើ បានឱ្យដឹងថា៖ “យុវជន Khmer តែងសកម្មក្នុងការច្នៃប្រតិដ្ឋ។ ប្រសិនបើទទួលបានការបណ្តុះបណ្តាលល្អត្រឹមត្រូវ និងមានការតម្រង់ទិសយ៉ាងច្បាស់លាស់ ពួកគាត់នឹងក្លាយជាកម្លាំងស្នូលក្នុងការអភិវឌ្ឍវិស័យសេដ្ឋកិច្ចសំខាន់ៗដូចជា៖ កសិកម្មបច្ចេកវិទ្យាខ្ពស់ ទេសចរណ៍ និងសេវាកម្ម។ល។”។
ដូចគ្នាដែរ យុវជន Đào Kiên Giang ជនជាតិ Khmer នៅឃុំ Trí Phải ចាត់ទុកតួនាទីរបស់យុវជនមិនត្រឹមតែស្ថិតលើការអភិវឌ្ឍសេដ្ឋកិច្ចប៉ុណ្ណោះទេ ថែមទាំងក្នុងការកសាងជីវភាពសង្គម និងការអភិរក្សអត្តសញ្ញាណវប្បធម៌ជនជាតិទៀតផង។ ជំនាន់វ័យក្មេងគឺជាស្ពានចម្លងរវាងប្រពៃណី និងសម័យទំនើប រួមចំណែកថែរក្សាភាសា អក្សរសាស្ត្រ បុណ្យទាន និងទំនៀមទម្លាប់ ព្រមទាំងចូលរួមយ៉ាងសកម្មក្នុងបណ្តាចលនា សកម្មភាពស្ម័គ្រចិត្តចូលរួមកសាងជនបទថ្មី និងពង្រឹងផែនមហាសាមគ្គីទូទាំងជនជាតិទៀតផង។
ទោះជាយ៉ាងណាក៏ដោយ ការពិតជាក់ស្តែងបានបង្ហាញថា ប្រភពធនធានយុវវ័យជាជនជាតិភាគតិច Cà Mau នៅតែមានកម្រិតខ្វះខាតច្រើន ដូចជា៖ អត្រាពលករឆ្លងកាត់ការបណ្តុះបណ្តាលនៅទាប បំណិនវិជ្ជាជីវៈ និងសមត្ថភាពអនុវត្តវិទ្យាសាស្ត្រ - បច្ចេកវិទ្យាមិនទាន់ខ្ពស់។ ក្រៅពីនោះ លក្ខណៈសេដ្ឋកិច្ចជួបការលំបាក ទម្លាប់ផលិតផ្លាស់ប្តូរយឺតយ៉ាវ ខ្វះខាតប្រភពទុន។ល។ កំពុងក្លាយជារបាំងក្នុងដំណើរការលើកកម្ពស់សក្តានុពលរបស់យុវជនជាជនជាតិភាគតិចផងដែរ។
ហេតុនេះហើយ ដើម្បីលើកកម្ពស់ប្រសិទ្ធភាពនៃប្រភពធនធាននេះ Cà Mau ចាំបាច់ត្រូវអនុវត្តព្រមៗគ្នានូវរាល់ដំណោះស្រាយជាច្រើន។ ដំបូងត្រូវបន្តជម្រុញការអប់រំ បណ្តុះបណ្តាលវិជ្ជាជីវៈផ្សារភ្ជាប់នឹងតម្រូវការទីផ្សារ ពង្រីកបណ្តាមុខរបរដែលសមស្របនឹងយុវជន និងការជាក់ស្តែងរបស់ភូមិភាគ។ ទន្ទឹមនឹងនោះ បង្កលក្ខណៈងាយស្រួលឱ្យយុវជនទទួលបានប្រភពទុនអាទិភាព ឧបត្ថម្ភការផ្តើមបង្កើតអាជីព អភិវឌ្ឍផលិត និងជំរុញទឹកចិត្តនូវរាល់បណ្តាទម្រង់សេដ្ឋកិច្ចសមូហភាពដែលដឹកនាំដោយយុវជន។
យុវជន Khmer ចូលរួមយ៉ាងសកម្មក្នុងការឃោសនាបំផុសចលនាប្រជាជនឱ្យចូលរួមបោះឆ្នោត។
ជាមួយគ្នានោះ ខេត្តចាំបាច់ត្រូវជម្រុញការអនុវត្តវិទ្យាសាស្ត្រ - បច្ចេកវិទ្យា និងផ្លាស់ប្តូរឌីជីថល ចាត់តាំងបណ្តាកម្មវិធីបំប៉ន លើកកម្ពស់បំណិនឌីជីថល ជួយយុវជនសម្របខ្លយនទៅនឹងនិន្នាការថ្មី។ តួនាទីរបស់បណ្តាអង្គការមហាជនចាំបាច់ត្រូវលើកកម្ពស់យ៉ាងខ្លាំងក្លាក្នុងការតម្រង់ទិស ឧបត្ថម្ភ និងរួមដំណើរជាមួយយុវជន កសាងបណ្តាការចលនាប្រឡងប្រណាំង គំរូឆ្នើមៗ ដើម្បីផ្សព្វផ្សាយស្មារតីបង្កើតមុខរបរ និងបង្កើតអាជីព។
លោកស្រី Nguyễn Thu Tư នាយិកាមន្ទីរជនជាតិ និងសាសនា បានសង្កត់ធ្ងន់ថា៖ “ការលើកកម្ពស់ប្រភពធនធានយុវវ័យជាជនជាតិភាគតិច ត្រូវបានកំណត់ថាជាដំណោះស្រាយដ៏យូរអង្វែង និងជាមូលដ្ឋានគន្លឹះផងដែរ។ នាពេលខាងមុខ ខេត្តនឹងបន្តយកចិត្តទុកដាក់លើការបណ្តុះបណ្តាលវិជ្ជាជីវៈជូនយុវជនជាជនជាតិភាគតិច ផ្សារភ្ជាប់នឹងតម្រូវការទីផ្សារ និងតម្រង់ទិសអភិវឌ្ឍសេដ្ឋកិច្ចភូមិភាគ។ ទន្ទឹមនឹងនោះ បង្កលក្ខណៈឱ្យយុវជនចូលរួមផ្តើមបង្កើតអាជីព ផ្លាស់ថ្មីការច្នៃប្រតិដ្ឋ ជាពិសេសគឺការចូលរួមក្នុងប្រព័ន្ធនយោបាយមូលដ្ឋាន”។
ការលើកកម្ពស់ប្រភពធនធានយុវ័យជាជនជាតិភាគតិច មិនត្រឹមតែជាភារកិច្ចបន្ទាន់ប៉ុណ្ណោះទេ ថែមទាំងជាដំណោះស្រាយទម្លាយភាពទាល់ច្រក សំដៅជំរុញការអភិវឌ្ឍសេដ្ឋកិច្ច - សង្គមនៅ Cà Mau ទៀតផង។ នៅពេលទទួលបានលក្ខណៈងាយស្រួល និងឱកាសផងនោះ កម្លាំងយុវជនជាជនជាតិភាគតិចនឹងក្លាយជាប្រភពធនធានដ៏សំខាន់ រួមចំណែកកសាងមាតុភូមិឱ្យមានការអភិវឌ្ឍប្រកបដោយចីរភាព៕
Lam Khánh
