ឆ្នាំនេះ នៅតាមបណ្តាភូមិស្រុកក្នុងនៃសង្កាត់ Hiệp Thành ក្តីសប្បាយរីករាយទទួលអណរបុណ្យចូលឆ្នាំថ្មីប្រពៃណីរបស់ជនរួមជាតិ Khmer កាន់តែមានភាពអធិកអធមខ្លាំងឡើង ពេលដែលជីវភាពមានបានរីកចម្រើនគួរឱ្យកត់សម្គាល់។
អាស្រ័យបានបុលទុនឥណទានគោលនយោបាយ បងស្រី Lý Thị Chí Linh ក៏មានលក្ខណៈក្នុងការលក់ដូរ និដើម្បីបង្កើនប្រាក់ចំណូលផងដែរ។
កាលពីមុន គ្រួសារបងស្រី Lý Thị Chí Linh នៅអនុសង្កាត់ Giồng Giưa A គ្រាន់តែប្រកបរបរលក់ដូរតូចតាចមួយប៉ុណ្ណោះ ចំណូលក៏ទាប និងជួបទុក្ខលំបាកខ្លាំងក្នុងការរស់នៅ។ អាស្រ័យទទួលបានប្រភពទុនឥណទានគោលនយោបាយ តាមរយៈសមាគមនារីសង្កាត់ គាត់ក៏មានដើមទុនសម្រាប់ទិញទំនិញមុខទំនិញបន្ថែម ព្រមទាំងពង្រីករបរលក់ដូរបន្លែផ្លែឈើ។ ផ្តើមពីកង្វះខាតក្នុងការរកស៊ី មកទល់ពេលនេះ ការលក់ដូររបស់បងក៏បាននឹងនរល្អ ជីវភាពបានធូរធារប្រសើរឡើងជាលំដាប់។
បងស្រី Linh ចែករំលែកថា៖ “ខ្ញុំបានសមាគមនារីបង្កលក្ខណៈឱ្យបុលទុនគោលនយោបាយតាំងពីឆ្នាំ ២០០៩ រហូតដល់ពេលនេះ បច្ចុប្បន្នកំពុងបុល ២៧ លានដុង។ កាលមុនលក់ដូរតិចតួចទេ តែដោយសារមានដើមទុននេះ បានជួយឱ្យខ្ញុំពង្រីកការលក់ដូររបស់ខ្លួន និងបង្កើនចំណូលទៀតផង។ ជីវភាពធូរធារ ធ្វើឱ្យគ្រួសារខ្ញុំទទួលឆ្នាំថ្មីឆ្នាំនេះកាន់តែពេញលេញ ហើយក៏សូមបួងសួងឱ្យឆ្នាំថ្មីលក់ដាច់កាន់តែខ្លាំងថែមទៀត”។
ធ្លាប់ប្រឈមមុចនឹងស្ថានភាពផលិតមិនស្ថិតស្ថេរ "បានផលបាត់ថ្លៃ" ប៉ុន្តែនៅពេលទទួលបានប្រភពទុនឥណទានគោលនយោបាយ គ្រួសារលោកស្រី Thạch Thị Sơn នៅអនុសង្កាត់ Giồng Giữa A ក្លាហានក្នុងការផ្លាស់ប្តូរទម្រង់ដាំដុះ ដោយដាំអំបើសសារ៉ាយចម្រុះជាមួយដំណាំផ្សេងៗ បាននាំមកនូវប្រភពចំណូលនឹងនរជាងមុនផងដែរ។ អាស្រ័យហេតុនេះ សេដ្ឋកិច្ចគ្រួសារមានការអភិវឌ្ឍជាលំដាប់។
អ្នកមីង Sơn ឱ្យដឹងថា៖ “ពីមុនខ្ញុំបុលប្រាក់ ២០ លានដុង បន្ទាប់មកបានបុលដល់ ៥០ លានដុង ដើម្បីធ្វើជាទុនវិនិយោគដាំអំបើសសារ៉ាយ។ ប្រភពចំណូលក៏បានកែលម្អ ជីវភាពគ្រួសារឆ្លងផុតពីការលំបាក និងកាន់តែរីកចម្រើនប្រសើរឡើង”។
សមាគមនារីសង្កាត់ Hiệp Thành បច្ចុប្បន្នគ្រប់គ្រង ២៤ ក្លិបប្រឹតសំចៃ និងបុលទុន ដោយសរុបបំណុលប្រមាណ ៤១ ពាន់លានដុង និងមានទាំងអស់ ១.២១៥ គ្រួសារកំពុងបុល។ ក្នុងនោះ មានសមាជិកានារី ៧៥៥ នាក់ ទទួលបានប្រភពទុនជាង ២០ ពាន់លានដុង។ ក្នុងនោះ មានសមាជិកនារីចំនួន ៧៥៥ រូបបានបុលទុនដោយទឹកប្រាក់ប្រមាណជិត ២០ លានដុង ដោយឡែកនារីជាជនជាតិភាគតិច មានទាំងអស់ ១៨៨ រូបដែលបានបុលទុនេជាអាទិភាព។
សេដ្ឋកិច្ចគ្រួសារអ្នកមីង Thạch Thị Sơn (ទីពីររាប់ពីឆ្វេង) បានកែលម្អជីវភាពជាសន្សឹមៗខណៈពេលដែលបានចូលជិតប្រភពទុនអាទិភាពអំពីសមាគមសហព័ន្ធនារីសង្កាត់ Hiệp Thành ។
លោកស្រី Hà Quách Kim Đông អនុប្រធានសមាគមនារីសង្កាត់ បានមានប្រសាសន៍ថា៖ “តាមរយៈប្រភពទុនរបស់ធនាគារគោលនយោបាយសង្គម ជីវភាពបងប្អូននារីកាន់តែមានស្ថេរភាព។ នារីជាច្រើនរូបបានពង្រីកផលិតកម្ម អាជីវកម្ម បង្កើនប្រភពចំណូល និងអភិវឌ្ឍសេដ្ឋកិច្ចគ្រួសារទៀតផង។ ជីវភាពកាន់តែមានភាពប្រសើរ សមាជិកានារីជនជាតិ Khmer ក៏មានភាពសប្បាយរីករាយក្នុងការរៀបចំតុបតែងផ្ទះសម្បែង ដើម្បីទទួលអំណរឆ្នាំថ្មីប្រពៃណី Khmer ក្នុងបរិយាកាសដ៏កក់ក្តៅ និងសុភមង្គលផងដែរ”។ពេលដែលជីវភាពមានលំនឹង គ្រួសារបងប្អូនជនជាតិ Khmer ទាំងឡាយនៅសង្កាត់ Hiệp Thành ក៏មានលក្ខណៈសម្រាប់កែជួសជុលផ្ទះសម្បែង ដើម្បីត្រៀមរៀបចំទទួលអំណរឆ្នាំថ្មីក្នុងបរិយាកាសសប្បាយរីករាយទៀតផង។ មិនតែប៉ុណ្ណោះ តាមរយៈការផ្លាស់ប្តូរនៃជីវភាពនេះ ជំនឿទុកចិត្តរបស់បងប្អូនជនរួមជាតិ Khmer ទៅលើគោលការណ៍ និងគោលនយោបាយរបស់បក្ស និងរដ្ឋ កាន់តែបានពង្រឹងយ៉ាងរឹងមាំថែមទៀតផងដែរ៕
Kim Trúc - Anh Tuấn
