ទម្រង់នៃការអប់រំរបស់សាលាវិទ្យាល័យជនជាតិអន្តេវាសិក គឺជាគោលនយោបាយពិសេសរបស់រដ្ឋ ដើម្បីឆ្លើយតបតម្រូវការស្មើភាពខាងវិស័យអប់រំ អភិវឌ្ឍប្រភពធនធានមនុស្ស បង្កើតប្រភពកម្មាភិបាលជនជាតិសម្រាប់តំបន់ជនជាតិភាគតិច និងតំបន់ភ្នំផងដែរ។ នៅខេត្ត Cà Mau សាលាវិទ្យាល័យជនជាតិអន្តេវាសិក Bạc Liêu គឺជាសាលាមួយក្នុងចំណោមសាលាទាំង ៣ ដែលមានប្រពៃណីដ៏យូរអង្វែងក្នុងវិស័យអប់រំ សម្រេចបានស្នាដៃជាច្រើនឆ្នាំជាប់ៗគ្នា ព្រមទាំងជាកន្លែងបណ្តុះបញ្ញា បំភ្លឺក្តីសុបិនជូនសិស្សានុសិស្សជនជាតិភាគតិច។
បណ្តាគោលនយោបាយពិសេសដោយឡែក
សាលាវិទ្យាល័យជនជាតិអន្តេវាសិក Bạc Liêu ជាទម្រង់នៃអនុវិតញយាល័យ និងសាកលវិទ្យាល័យផងដែរ។ បច្ចុប្បន្នសាលាមានសិស្សប្រហែល ៥៤០-៥៧០ នាក់ ចែកជា ១៨ ថ្នាក់ និងមានកម្មាភិបាលជាអ្នកគ្រប់គ្រង គ្រូបង្រៀន និងបុគ្គលិកចំនួន ៤៥ នាក់។ មូលដ្ឋានសម្ភារៈធានាឆ្លើយតបនឹងតម្រូវការបង្រៀន និងរៀនផងដែរ។
សម្តែងសិល្បៈអបអរសាទរទិវាគ្រូបង្រៀន Việt Nam ឆ្នាំ ២០២៥។
លោក Dư Quốc Kiệt នាយកសាលាវិទ្យាល័យជនជាតិអន្តេវាសិក Bạc Liêu ឱ្យដឹងថា៖ សាលាតែងចាត់តាំងរាល់សកម្មភាពអប់រំពិសេសដោយឡែក ព្រមទាំងឃោសនាផ្សព្វផ្សាយ អប់រំសិស្សានុសិស្សអំពីម្ចាស់ការស្តីពីគោលនយោបាយជនជាតិរបស់បក្ស និងរដ្ឋ អត្តសញ្ញាណវប្បធម៌ និងប្រពៃណីដ៏ល្អផូរផង់របស់ជនជាតិភាគតិច និងអប់រំតម្រង់ទិសខាងវិជ្ជាជីវៈ និងបង្រៀនរបរប្រពៃណីឱ្យសមស្របនឹងសមត្ថភាព គុណធម៌របស់សិស្ស ក៏ដូចជាលក្ខណៈ និងតម្រូវការអភិវឌ្ឍសេដ្ឋកិច្ច - សង្គមរបស់ភូមិភាគផងដែរ។ ទន្ទឹមនឹងនោះ តែងយកចិត្តទុកដាក់តាមដាន ស្ថិតិចំនួនសិស្ស វាយតម្លៃប្រសិទ្ធភាពខាងអប់រំប្រចាំឆ្នាំ និងតាមដំណាក់កាលនីមួយៗ ដើម្បីកសាងដំណោះស្រាយឱ្យបានសមស្រប សំដៅលើកការកម្ពស់គុណភាពអប់រំទៀតផង។
ទម្រង់សិក្សាអប់រំនេះបានជះឥទ្ធិពលជាវិជ្ជមានដល់ការកៀងគរសិស្សក្នុងវ័យសិក្សាឱ្យមកសាលាបានជាអតិបរមា កាត់បន្ថយអត្រាសិស្សបោះបង់ការសិក្សា សិស្សរៀនមិនទៀងទាត់ និងសិស្សត្រួតថ្នាក់។ ពិសេស អត្រាសិស្សប្រឡងជាប់សញ្ញាបត្រមធ្យមសិក្សាទុតិយភូមិ របស់បណ្តាសាលាវិទ្យាល័យជនជាតិអន្តេវាសិកក្នុងបណ្តាឆ្នាំជិតៗនេះសុទ្ធតែបានកើនឡើងជាលំដាប់ សាលាមួយចំនួនតែងរក្សាអត្រានៃការប្រឡងជាប់ថ្នាក់ ១០០% ផងដែរ។
បណ្តាស្នាដៃដ៏លេចធ្លោ
សាលាបានម្ចាស់ការផ្លាស់ប្តូរថ្មីវិធីសាស្ត្របង្រៀនតាមទិសដៅអភិវឌ្ឍគុណធម៌ និងសមត្ថភាពសិស្ស ចាត់តាំងប្រធានបទបង្រៀនអន្តរវិស័យពី ៦-៧ ប្រធានបទជារៀងរាល់ឆ្នាំ និងជំរុញការអប់រំ សិក្សាស្រាវជ្រាវផ្នែកវិទ្យាសាស្ត្រ និងការពិសោធន៍។ ចាត់តាំងបណ្តាសកម្មភាពពិសោធន៍ តម្រង់ទិសវិជ្ជាជីវៈ និងអប់រំបំណិនក្នុងការរស់នៅជាច្រើន កសាងបរិស្ថានអប់រំប្រកបដោយសុវត្ថិភាព ស្និទ្ធស្នាល សមស្របនឹងលក្ខណៈពិសេសដោយឡែករបស់សាលាអន្តេវាសិក។ ជំរុញការអនុវត្តបច្ចេកវិទ្យាព័ត៌មាន និងផ្លាស់ប្តូរឌីជីថល គ្រូបង្រៀន ១០០% បានប្រើប្រាស់បណ្តាប្រព័ន្ធបង្រៀនអនឡាញ និងកម្មវិធីគ្រប់គ្រងដូចជា៖ VnEdu, Google Meet, Zavi... ។
អាស្រ័យការខិតខំមិនឈប់ឈរ គុណភាពអប់រំរបស់សាលាជាច្រើនឆ្នាំជាប់ៗគ្នាមានការប្រែប្រួលគ្រប់វិស័យ ដូចជា៖ សិស្សដែលមានលទ្ធផលសិក្សាប្រភេទ ពូកែ កើនពី ៦,៦៣% (២០២១-២០២២) ឡើនដល់ ១១,៧៧% (២០២៤-២០២៥) សិស្សប្រភេទបង្គួរកើនជិត ៥០% ។ ចាប់ពីឆ្នាំសិក្សា ២០២១-២០២២ មកទល់ពេលនេះ អត្រាសិស្សប្រឡងជាប់សញ្ញាបត្រមធ្យមសិក្សាទុតិយភូមិសម្រេចបាន ១០០% ។
បណ្តាសកម្មភាពក្រៅម៉ោងសិក្សារបស់សាលា។
ចូលរួមបណ្តាការប្រឡង និងសកម្មភាពផ្សេងៗសម្រេចបានលទ្ធផលលេចធ្លោជាច្រើន ដូចជា៖ រង្វាន់សិស្សពូកែថ្នាក់ខេត្តចំនួន ៣៣ រង្វាន់; រង្វាន់វិទ្យាសាស្ត្រ - បច្ចេកវិទ្យា និងច្នៃប្រតិដ្ឋយុវជន កុមារ ចំនួន ១៦ រង្វាន់; រង្វាន់ការប្រឡង “សុវត្ថិភាពចរាចរណ៍ដើម្បីស្នាមញញឹមថ្ងៃស្អែក” ថ្នាក់ជាតិ ចំនួន ១៤ រង្វាន់; ផ្នែកកាយវប្បកម្មសម្រេចបានមេដាយ ២៧ គ្រឿង (រួមមាន មាស ២ គ្រឿង, ប្រាក់ ៨ គ្រឿង និងសំរឹទ្ធ ១៧ គ្រឿង) ក្នុងនោះមានមេដាយសំរឹទ្ធថ្នាក់ជាតិ ១ គ្រឿងផងដែរ ការប្រឡងវោហារសព្ទភាសា Khmer សម្រេចបាន ១ រង្វាន់ចំណាប់អារម្មណ៍ និង ២ រង្វាន់លើកទឹកចិត្ត។
មានសិស្សជាច្រើនក្រោយពេលចេញសាលា ត្រូវបានបញ្ជូលជាសមាជិកបក្ស ក្លាយជាប្រភពធនធានមនុស្សមានគុណភាព និងមានតួនាទីមុខងារជាច្រើននៅលើភូមិសាស្ត្រខេត្ត ។
សាលាវិទ្យាល័យជនជាតិអន្តេវាសិក Bạc Liêu បាននិងកំពុងរួមចំណែកលើកកម្ពស់គុណភាពអប់រំជូនសិស្សានុសិស្សជនជាតិភាគតិច បញ្ជាក់ពីតួនាទីដ៏សំខាន់ក្នុងការលើកកម្ពស់គុណភាពអប់រំគ្រប់ជ្រុងជ្រោយ ជាគ្រឹះស្ថានដើម្បីបណ្តុះបណ្តាលបណ្តាកម្មាភិបាលស្នូលជាជនជាតិភាគតិចសម្រាប់ភូមិភាគ៕
Kim Phượng
