នៅខេត្ត Cà Mau មានយុវជនជាច្រើនរូបកំពុងប្រើប្រាស់ចំណេះដឹង និងសមត្ថភាពរបស់ខ្លួនដើម្បីដាស់សក្តានុពលដែលមិនទាន់ដំណើរការ វង្វែងទៅជាលក្ខណៈមានប្រៀបនៃតំបន់ដី ប្រៃ និងដីមានជាតិជូរឱ្យក្លាយជាទម្រង់សេដ្ឋកិច្ចប្រកបដោយចីរភាព។ ក្នុងចំណោមយុវជនទាំងនោះគឺមានយុវជនវ័យក្មេង Huỳnh Duy Thông ជាកសិករមានទម្រង់ខាងវិស័យកសិកម្មដែលមិនប៉ះពាល់ដល់បរិស្ថាន និងផ្តល់លទ្ធផលសេដ្ឋកិច្ចនឹងនរទៀតផង។
ទម្រង់ផលិតនៃការសហការដែលត្រូវបានសហករណ៍ Thành Công យន្តូបនីយកម្ម ប្រមូលទិញកសិផលជូនបងប្អូនប្រជាកសិករ។
នៅភូមិលេខ ៩ ឃុំ Thới Bình, Huỳnh Duy Thông (កើតឆ្នាំ ២០០២) បានបញ្ជាក់ពីសមត្ថភាពរបស់ខ្លួនតាមរយៈលទ្ធផលដែលផ្តើមអាជីព។ ក្នុងវ័យជាងម្ភៃឆ្នាំ ខណៈពេលដែលមិត្តភក្ដិរបស់ខ្លួននាំគ្នាគិតតែពីការកំណត់ទិសដៅ Duy Thông បានទទួលមុខតំណែងជាប្រធានសាខាសម្ប័ន្ធយុវជនភូមិ និងជានាយកសហករណ៍ Thành Công។ បច្ចុប្បន្នបងកំពុងគ្រប់គ្រងប្រព័ន្ធមួយដែលមានសមាជិកចូលរួមចំនួន ២៥ នាក់ ដែលភ្ជាប់ជាមួយ ៧០ គ្រួសារ និងត្រួតពិនិត្យតំបន់វត្ថុធាតុដើមមានទំហំ ១៥០ ហិកតា។
ក្នុងនាមជានាយកសហករណ៍ចាប់តាំងពីឆ្នាំ ២០២២ Duy Thông បានផ្លាស់ប្តូរផ្នត់គំនិតខាងការផលិតបន្តិចម្តងសម្រាប់បងប្អូនប្រជាកសិករ។ ផ្តើមពីវិធីសាស្រ្តកសិកម្មបែបប្រពៃណីដែលពឹងផ្អែកលើសារធាតុគីមី និងថ្នាំសម្លាប់សត្វល្អិត Duy Thông បានតាំងចិត្តចលនាណែនាំមាមីងបងប្អូនកសិករឱ្យស្រុះចិត្តគ្នាធ្វើស្រែដោយផ្ទៃដីប្រមាណជាង ៥០ ហិកតាជាប្រភេទស្រូវសរីរាង្គ។ ក្នុងនោះផ្ទៃដីចំនួន ២៦ ហិកតាត្រូវបានផ្តល់លេខកូដសម្រាប់តំបន់ផលិតស្រូវ ដែលជា “លិខិតឆ្លងដែន” ដ៏សំខាន់មួយសម្រាប់ផលិតផលកសិកម្មរបស់សហករណ៍ឆ្ពោះទៅកាន់ទីផ្សារដ៏ទូលំទូលាយ។
ចែករំលែកពីក្តីបំណងប្រាថ្នារបស់ខ្លួន Duy Thông បានសារភាពថា៖ “កាលពីមុន ផ្ទៃដីជាច្រើនគ្រាន់តែជាវាលស្រែទុកចោលឱ្យនូវទំនេរ ប៉ុន្តែចាប់តាំងពីមានកិច្ចសហការមក កសិករទាំងឡាយបានធ្វើឱ្យជីវភាពរបស់ពួកគេមានស្ថិរភាពបន្តិចម្តងៗ។ នាពេលអនាគត ទិសដៅរបស់សហករណ៍គឺបន្តសហការជាមួយអាជីវកម្មនានា ដើម្បីបានទទួលស្គាល់ជា VietGAP សម្រាប់បង្គានៅលើផ្ទៃដីរួមតែមួយ បង្កើតខ្សែសង្វាក់តម្លៃស្រូវ-បង្គាប្រកបដោយចីរភាព។ នេះក៏ជាទម្រង់មួយដែលសម្របខ្លួនទៅនឹងការប្រែប្រួលអាកាសធាតុនាពេលបច្ចុប្បន្នផងដែរ”។
លោក Trần Quốc Toản នៅភូមិលេខ ១ ឃុំ Hồ Thị Kỷ បានកត់សម្គាល់ថា៖ “ដំបូងឡើយ យើងមានការព្រួយបារម្ភជាខ្លាំង ក៏ប៉ុន្តែដោយឃើញថា Duy Thông ជាយុវជនម្នាក់ដែលមានភាពរវាសរវៃ និងយកចិត្តទុកដាក់ចំពោះកិច្ចការងារ ទើបមាមីងបងប្អូនជឿលើខ្លួន ហើយលទ្ធផលគឺមានប្រយោជន៍ខ្លាំងណាស់។ ទាំងការនាំចូល និងលក់ចេញក៏មានភាពនឹងនរល្អ ចំណែកខាងសហករណ៍ប្រមូលទិញទាំងស្រុងបរិមាណផលជូនមាមីងបងប្អូន។ ជាពិសេសឆ្នាំនេះ តម្លៃមានស្ថេរភាពខ្លាំង ទើបអ្នកភូមិក៏សប្បាយចិត្តជាខ្លាំងណាស់ដែរ”។
សហករណ៍សម្ព័ន្ធធានាទិញ ធានាទីផ្សារ និងតម្លៃក្នុងការលក់ចេញ។
យោងតាមការវាយតម្លៃពីតួនាទីរបស់ខ្លួនក្នុងកិច្ចការងារសម្ព័ន្ធយុវជន បងស្រី Trịnh Huyền Trân លេខាសាខាសម្ព័ន្ធយុវជនឃុំ Thới Bình បានបញ្ជាក់ថា៖ “ក្នុងតួនាទីជាលេខាសាខាសម្ព័ន្ធយុវជន Duy Thông ជាអ្នកមានភាពស្វាហាប់ និងយកចិត្តទុកដាក់ខ្លាំងណាស់។ ចំណែកក្នុងតួនាទីជានាយកសហករណ៍វិញ Duy Thông ពិតជានាំមកនូវខ្យល់ជំនោរថ្មីសម្រាប់ភូមិភាគផងខណៈពេលដែលចេះឆ្លៀតយកឱកាសដែលមានប្រៀបដើម្បីអភិវឌ្ឍសេដ្ឋកិច្ច ជួយមាមីងបងប្អូនមានលក្ខណៈបានរួចចាកក្រ។ ខ្ញុំគិតថា ដើម្បីទទួលបានភាពជោគជ័យ យុវជនទាំងឡាយគ្រប់រូបត្រូវខិតខំប្រឹងប្រែង និងយល់ដឹងឱ្យបានច្បាស់លាស់ថែមទៀតពីការបង្កើនសក្តានុពលរបស់ភូមិភាគខ្លួន”។
“ខ្ញុំបានជ្រើសរើសបន្តការងារខាងវិស័យកសិកម្ម មិនត្រឹមតែលក់ផលិតផលពីអង្ករ និងបង្គាប៉ុណ្ណោះទេ គឺវាជាកិច្ចសន្យាមួយស្តីពីសុខភាពចំពោះអ្នកប្រើប្រាស់ និងការរស់ឡើងវិញនៃទឹកដីស្រុកកំណើតរបស់ខ្លួន” Huỳnh Duy Thông បានអះអាងបែបនេះ៕
Trịnh Hải
