នៅតាមតំបន់ជាច្រើនក្នុងខេត្ត ទម្រង់ដាំដូងកំពុងផ្តល់អត្ថប្រយោជន៍សេដ្ឋកិច្ចយ៉ាងសំខាន់។ វាមិនត្រឹមតែបានប្រើប្រាស់ផ្ទៃដីដែលមានស្រាប់ប៉ុណ្ណោះទេ ប៉ុន្តែវិធីសាស្ត្រនេះក៏ជួយបង្កើនប្រាក់ចំណូល ផ្តល់អាហារដល់គ្រួសារ និងសមស្របសម្រាប់ស្ថានភាពធម្មជាតិរបស់ភូមិភាគទៀតផង។
ជ្រុងមួយនៃភ្លឺព័ទ្ធជុំវិញស្រះចិញ្ចឹមត្រីរបស់គ្រួសារលោក Nguyễn Hữu Ánh ត្រូវបានឆ្លៀតយកសម្រាប់ដាំដូងសៀម (Xiêm Lùn) និងដូងធម្មតា បង្កើនប្រសិទ្ធភាពខាងការប្រើប្រាស់ផ្ទៃដី។
ដោយមានផ្ទៃដីជាង ៦ ហិកតាសម្រាប់ចិញ្ចឹមត្រីខ្ចឹង និងត្រីខ្សាច់ដំរី លោក Nguyễn Hữu Ánh នៅភូមិលេខ ១ សង្កាត់ Tân Thành បានម្ចាស់ការប្រើប្រាស់ច្រាំងស្រះចិញ្ចឹមត្រីសម្រាប់ដាំដូងរួមផ្សំជាមួយនិងប្រភេទឈើហូបផ្លៃជាច្រើនប្រភេទទៀត។ ដោយសារការដាំដុះមានភាពងាយស្រួល តម្រូវការថែទាំទាប និងការសម្របខ្លួនបានល្អទៅនឹងដីផងនោះ ចម្ការដូងរបស់គ្រួសារលោកក៏មានការអភិវឌ្ឍនឹងនរផងដែរ។
បន្ទាប់ពីជាង ៣ ឆ្នាំ ដូងបានចាប់ផ្តើមបង្កើតផល។ ក្នុងរយៈពេលពីរឆ្នាំកន្លង ចម្ការដូងមិនត្រឹមតែឆ្លើយតបតម្រូវការរបស់គ្រួសារប៉ុណ្ណោះទេ ថែមទាំងនាំមកនូវប្រាក់ចំណូលយ៉ាងច្រើនផងដែរ។ យោងតាមលោក Ánh ក្នុងចំណោមដើមដូងប្រហែល ១.០០០ ដើម បច្ចុប្បន្នមានជិត ៧០០ ដើមកំពុងផ្តល់ផ្លែផងដែរ។
គ្រួសារបានឆ្លៀតប្រើប្រាស់ផ្ទៃដីដែលជីកចេញពីស្រះដើម្បីបង្កើតជាជីជាតិសម្រាប់ដើមដូង ជំរុញការលូតលាស់បានល្អ និងទិន្នផលខ្ពស់ទៀតផង។ ជារៀងរាល់ថ្ងៃ ខណៈពេលដែលឱ្យត្រីស៊ី លោកបានរួមផ្សំជាមួយនិងប្រមូលផលដូង រួចហើយដឹកជញ្ជូនទៅតាមតូបលក់ភេសជ្ជៈ និងលក់នៅផ្ទះ។ តម្លៃដូងបច្ចុប្បន្នចាប់ពី ១០-១៤ ពាន់ដុងក្នុងមួយផ្លែ រួមចំណែកបង្កើត ប្រាក់ចំណូលស្ថិរភាព។
មិនត្រឹមតែនៅតាមច្រាំងនៃស្រះបង្គា ឬស្រះត្រីប៉ុណ្ណោះទេ ប៉ុន្តែនៅតំបន់ជនបទជាច្រើន ប្រជាជនក៏កំពុងពង្រឹងច្រាំងភ្លឺ និងដាំដើមដូងតាមភ្លឺស្រះផងដែរ។ ទម្រង់នេះប្រើប្រាស់ធនធានដីធ្លីប្រកបដោយប្រសិទ្ធភាព រួមចំណែកដល់ការហូរច្រោះ និងការបាក់ដី ការពារដីពីផលប៉ះពាល់នៃការប្រែប្រួលអាកាសធាតុ និងលំហូរទឹក។
បណ្តាដើមដូង (Xiêm Lùn) ជាជួរនៅក្បែរមាត់ព្រែកបានជួយគ្រួសារលោក Trương Văn Giàu មានប្រភពភគផលជាប្រចាំ ព្រមទាំងបង្កើនប្រាក់ចំណូលទៀតផង។
លោក Trương Văn Giàu នៅភូមិ Trùm Thuật A ឃុំ Khánh Hưng បានឱ្យដឹង៖ ពីមុនតំបន់មាត់ព្រែកតែងតែរងការហូរច្រោះ និងការបាក់ដី បណ្តោយឱ្យប៉ះពាល់ដល់ដីកសិកម្ម និងការដឹកជញ្ជូនទៀតផង។ ចាប់តាំងពីការសាងសង់ច្រាំងទន្លេ និងដាំដើមដូងមក ស្ថានភាពរអិលបាក់ដីបានប្រសើរឡើងគួរឱ្យកត់សម្គាល់ ដីមានស្ថេរភាពជាងមុន ហើយក៏មានប្រភពដូងបន្ថែមសម្រាប់គ្រួសារ និងប្រាក់ចំណូលកើនឡើងផងដែរ។
យោងតាមទិន្នន័យនៃផ្នែកកសិកម្ម ខេត្ត Cà Mau បច្ចុប្បន្នមានចម្ការដូងប្រមាណជាង ១២.៦៥០ ហិកតា។ តាមពិតទៅ ការប្រើប្រាស់ប្រកបដោយភាពបត់បែននៃច្រាំងភ្លឺស្រះ ចិញ្ចឹមត្រី បង្គា និងដីមាត់ក្បែរមាត់ព្រែកសម្រាប់ការដាំដូងមិនត្រឹមតែផ្តល់អត្ថប្រយោជន៍ខាងវិស័យសេដ្ឋកិច្ចប៉ុណ្ណោះទេ ថែមទាំងរួមចំណែកស្ថិរភាពខាងផលិតកម្មរយៈពេលវែងផងដែរ។ នៅក្នុងបរិបទនៃការប្រែប្រួលអាកាសធាតុកាន់តែស្មុគស្មាញ វិធីសាស្រ្តនេះបន្តបង្ហាញពីនិរន្តរភាពដោយការរួមបញ្ចូលគ្នាយ៉ាងសុខដុមរមនានៃការអភិវឌ្ឍសេដ្ឋកិច្ច និងការការពារបរិស្ថានទៀតផង៕
Cẩm Nhi
