នៅអនុសង្កាត់ Giồng Giữa សង្កាត់ Hiệp Thành ខេត្ត Cà Mau ទម្រង់ដាំផ្កាស្បៃរឿងរបស់អ្នកមីង Lê Bích Thuỳ បានផ្តល់នូវប្រសិទ្ធភាពសេដ្ឋកិច្ចនឹងនរ ជួយគ្រួសារជាច្រើនមានប្រភពចំណូលសមគួរ។ មិនត្រឹមតែផ្សារភ្ជាប់ជាមួយរបរនេះអស់រយៈពេលជាងពីរទសវត្សរ៍មកហើយនោះទេ ប៉ុន្តែអ្នកមីង ធ្វី ក៏មានភាពបត់បែនក្នុងវិធីសាស្រ្តរបស់គាត់ក្នុងការសម្របខ្លួនទៅនឹងតម្រូវការទីផ្សារ ដោយបង្កើនតម្លៃនៃផ្កាប្រពៃណីនេះជាសន្សឹមៗទៀតផង។
ក្តីសប្បាយរីករាយរបស់អ្នកមីង Lê Bích Thuỳ ខណៈពេលទម្រង់ដាំផ្កាស្បៃរឿងផ្តល់ប្រាក់ចំណូលនឹងនរជាប្រចាំ។
អ្នកមីង Lê Bích Thuỳ អនុវត្តវិធីសាស្រ្តដាំដំណាំចម្រុះ ដោយផ្កាស្បៃរឿងជាមួយបន្លែផ្សេងៗដទៃទៀត។ បន្ទាប់ពីគិតចំណាយខាងទិញគ្រាប់ពូជ និងជី ជារៀងរាល់ខែអ្នកមីងទទួលបានប្រាក់ចំណេញជាង ១០ លានដុងទៀតផង។
យោងតាមអ្នកមីង Thuỳ ដើម្បីធានាបាននូវការផ្គត់ផ្គង់ផ្កាជាប្រចាំសម្រាប់ភ្ញៀវអតិថិជន និងអ្នកដាក់តាំងលក់នៅតាមទីផ្សារ អ្នកមីងសាបព្រួសគ្រាប់ពូជពីរដងក្នុងមួយខែ និងម្តងក្នុងមួយសប្តាហ៍ ដើម្បីមានផ្កាសម្រាប់លក់ជារៀងរាល់ថ្ងៃ។ នេះធានាបាននូវការផ្គត់ផ្គង់ផ្កាជាបន្តបន្ទាប់ ដោយការពារការរំខានដល់ការផ្តល់ពូជផ្កាស។
“ភ្ញៀវអតិថិជនភាគច្រើនទិញផ្កាសម្រាប់ធ្វើជាគ្រឿងបូជា ដូច្នេះយើងត្រូវការការផ្គត់ផ្គង់ជាប្រចាំ។ ប្រសិនបើយើងមិនរៀបចំផែនការពេលវេលាដាំឱ្យបានត្រឹមត្រូវនោះទេ យើងនឹងអស់ស្តុក” អ្នកមីង Thuỳ បានចែករំលែកដូច្នេះ។
ផ្កាស្បៃរឿងបន្ទាប់ពីប្រមូលផលរួច និងចងជាបាច់ៗ ដោយដើមនីមួយៗមានផ្កាចំនួនពី ៨-១២ ដើម លក់បានតម្លៃប្រហែល ៨ ពាន់ដុង។ ដើម្បីពង្រីកការលក់របស់ខ្លួន អ្នកមីងក៏ស្វែងរកអតិថិជនថ្មីយ៉ាងសកម្មផងដែរ ដោយដឹកជញ្ជូនដល់មាត់ទ្វារផ្ទះរបស់ និងធានាយ៉ាងរហ័ស ដើម្បីរក្សាកេរ្តិ៍ឈ្មោះរបស់ខ្លួន និងធានាបានល្អការលក់ចេញប្រកបដោយស្ថេរភាព។ កត្តាមួយដែលរួមចំណែកដល់ភាពជោគជ័យនៃទម្រង់របស់អ្នកមីង Thuỳ គឺពូជផ្កាស្បៃរឿងពណ៌លឿងក្រូចឆ្មា ដែលមានផ្កាធំៗ និងស្រស់ស្អាត និងមានប្រជាប្រិយភាពទៀតផង។ អ្នកមីងបានឱ្យដឹង៖ ប្រភេទផ្កានេះងាយស្រួលដាំខ្លាំងណាស់ ធន់នឹងសត្វល្អិត និងជំងឺ ហើយសមស្របសម្រាប់ស្ថានភាពដីប្រចាំតំបន់ទៀតផង។ ទោះជាយ៉ាងណាក៏ដោយ ដើម្បីធានាបាននូវការលូតលាស់ល្អរបស់រុក្ខជាតិ និងកាត់បន្ថយសត្វល្អិត និងជំងឺ អ្នកដាំដុះត្រូវយកចិត្តទុកដាក់ចំពោះការបង្វិលដំណាំឆ្លាស់គ្នា។
“បន្ទាប់ពីការប្រមូលផលនីរួច អ្នកដាំត្រូវផ្លាស់ប្តូរទីតាំងដាំផ្សេងទៀត។ ប្រសិនបើយើងដាំជាបន្តបន្ទាប់នៅកន្លែងដដែល ដីងាយនឹងកើតជំងឺផ្សិត ហើយរុក្ខជាតិនឹងក្រៀមស្វិត និងងាប់យ៉ាងឆាប់រហ័សទៀតផង” អ្នកមីង Thuỳ បានចែករំលែកអំពីបទពិសោធន៍របស់ខ្លួន។
ទម្រង់ដាំផ្កាស្បៃរឿងឆ្លាស់ជាមួយដំណាំនៅអនុសង្កាត់ Giồng Giữa សង្កាត់ Hiệp Thành ខេត្ត Cà Mau។
ដោយសារការអនុវត្តបច្ចេកទេសបានល្អត្រឹមត្រូវ និងវិធីសាស្ត្រផលិតប្រកបដោយប្រសិទ្ធភាពផងនោះ សួនផ្កាស្បៃរឿងរបស់អ្នកមីង Lê Bích Thuỳ ផលិតផ្កាដ៏ស្រស់ស្អាត និងសម្បូរបែបជាប្រចាំ។ អាស្រ័យភាពនឹងនរនេះ បានជួយឱ្យអ្នកមីងលំនឹងស្មារតីក្នុងការបន្តមុខរបរវិជ្ជាជីវៈរបស់ខ្លួនអស់រយៈពេលជាង ២០ ឆ្នាំកន្លងចំពោះការប្រែប្រួលនៃទីផ្សារកសិផល។ បច្ចុប្បន្ន ខណៈពេលដែលបន្លែជាច្រើនប្រភេទជួបប្រទះនឹងអស្ថិរភាពខាងតម្លៃ ផ្កាស្បៃរឿង តែងរក្សាបាននូវការប្រើប្រាស់ដែលមានស្ថេរភាព ក្លាយជាសសរស្តម្ភសេដ្ឋកិច្ចដ៏ចម្បងសម្រាប់គ្រួសារអ្នកមីង Thuỳ ផងដែរ។
យើងអាចមើលឃើញថា ដោយមានភាពឧស្សាហ៍ព្យាយាម ការតស៊ូ និងភាពវៃឆ្លាតខាងអាជីវកម្ម ទម្រង់ដាំផ្កាស្បៃរឿងរបស់អ្នកមីង Lê Bích Thuỳ មិនត្រឹមតែផ្តល់ប្រាក់ចំណូលមានស្ថេរភាពប៉ុណ្ណោះទេ ថែមទាំងតំណាងឱ្យទិសដៅសមស្របសម្រាប់កសិករក្នុងស្រុកជាច្រើនផងដែរ។ ក្នុងបរិបទនៃផលិតកម្មកសិកម្មដែលកំពុងប្រឈមមុខនឹងការលំបាកជាច្រើន ទម្រង់ដាំផ្កាស្បៃរឿង បានរួមចំណែកដល់ការបើកជម្រើសថ្មីៗ ជួយបងប្អូនប្រជាជនលំនឹងស្មារតីដើម្បីផ្សារភ្ជាប់ជាមួយរបរកសិកម្មនេះផងដែរ៕
Lê Thái - Ngọc Quyên
