នៅតាមបណ្តាភូមនិភាគទូទាំងខេត្ត ទម្រង់ចិញ្ចឹមសត្វប្រកបដោយប្រសិទ្ធភាពជាច្រើនត្រូវបានពង្រីក ដែលជួយឱ្យបងប្អូនកាត់បន្ថយភាពក្រីក្រប្រកបដោយចីរភាព បង្កើនចំណូល និងកែលម្អជីវភាពរស់នៅ។
កម្មាភិបាលសមាគមកសិករឃុំ An Trạch ចុះទស្សនាទម្រង់ចិញ្ចឹមកញ្រ្ជោងរបស់គ្រួសារបង Lê Văn Thảo (ខាងស្តាំបង្អស់)។
ក្នុងរយៈពេលប៉ុន្មានឆ្នាំកន្លងមកនេះ ទម្រង់ចិញ្ចឹមកញ្រ្ជោង បានកសិករឃុំ An Trạch អនុវត្ត និងសម្រេចបានប្រសិទ្ធភាពសេដ្ឋកិច្ចខ្ពស់ ប្រឹតសំចៃចំណាយ ដោយសារចំណីរបស់វាភាគច្រើនត្រីល្អិត និងចេកដែលមានស្រាប់នៅក្នុងមូលដ្ឋាន។ លោក Võ Hoàng Minh ប្រធានសមាគមកសិករឃុំបានចែករំលែកថា៖ “ដោយមើលឃើញថាទម្រង់នេះមានប្រសិទ្ធភាព ងាយស្រួលអនុវត្ត ប៉ុន្តែគ្រួសារជាច្រើនជួបការលំបាកខាងប្រភពទុន ដូច្នេះសមាគមកសិករឃុំបានស្នើទៅសមាគមថ្នាក់លើ វិនិយោគទុន ៥០០ លានដុង ដែលមានកសិករ ១០ នាក់ទទួលបានទុនឧបត្ថម្ភដើម្បីពង្រីកទម្រង់នេះ”។
បងស្រី Lê Văn Thảo នៅភូមិ Quyết Thắng ឃុំ An Trạch ដែលជាគ្រួសារមួយក្នុងចំណោមគ្រួសារដែលទទួលបានទុនឧបត្ថម្ភ បានសម្តែងការសប្បាយរីករាយថា៖ “ដំបូងឡើយ ខ្ញុំចិញ្ចឹមតែកញ្ជ្រោងមេ ២ ក្បាល និងកូន ៤ ក្បាលប៉ុណ្ណោះ ដោយវាស៊ីត្រីល្អិត និងចេកដែលមានស្រាប់នៅក្នុងស្រះបង្កា និងចំការ ដើម្បីប្រឹតសំចៃចំណាយ។ បន្ទាប់ពីចិញ្ចឹមបាន ១ ឆ្នាំ ហ្វូងកញ្ជ្រោងបានកើនឡើងដល់ជាង ២០ ក្បាល។ កញ្ជ្រោងងាយស្រួលចិញ្ចឹម តម្លៃលក់សាច់នៅលើទីផ្សារក៏ខ្ពស់ ដូច្នេះខ្ញុំបានខ្ចីទុនធ្វើទ្រុងបន្ថែម និងពង្រីកខ្នាតចិញ្ចឹម”។
តាមការឱ្យដឹងពីគ្រួសារចិញ្ចឹមជាច្រើន បន្ទាប់ពីចិញ្ចឹមបានប្រហែល ១០-១២ ខែ កញ្ជ្រោងមេចាប់ផ្តើមបង្កើតកូន ចំណែកកញ្ជ្រោងឈ្មោលមានទម្ងន់ចាប់ពី ៣,៥-៤ គីឡូក្រាម តម្លៃលក់សាច់នៅលើទីផ្សារមានចន្លោះពី ១,៤-១,៥ លានដុងក្នុងមួយគីឡូក្រាម ដែលនាំមកនូវប្រសិទ្ធភាពសេដ្ឋកិច្ចខ្ពស់។
ទន្ទឹមនឹងការឧបត្ថម្ភកសិករពង្រីកខ្នាតចិញ្ចឹមចំពោះទម្រង់ដែលមានប្រសិទ្ធភាព ពូជសត្វថ្មីៗដែលមានតម្លៃសេដ្ឋកិច្ចខ្ពស់ជាច្រើនក៏ត្រូវបានផ្ទេរជូនបងប្អូនដើម្បីអនុវត្តផងដែរ។ ជាឧទាហរណ៍នៅឃុំ Tân Hưng ទម្រង់ចិញ្ចឹមមាន់ H’mông បានមូលដ្ឋានឧបត្ថម្ភដល់កសិករ ១១ គ្រួសារដើម្បីអនុវត្ត។ ជាមួយនឹងការរៀបចំយ៉ាងហ្មត់ចត់ ចាប់តាំងពីដំណាក់កាលជ្រើសរើសពូជ រហូតដល់បទដ្ឋាននៃការថែទាំ ទម្រង់នេះបានផ្តល់លទ្ធផលវិជ្ជមានជាជំហានដំបូង។
ដោយមើលឃើញពីប្រសិទ្ធភាពនៃទម្រង់ បង Nguyễn Tấn Thường មិនត្រឹមតែលក់សាច់ប៉ុណ្ណោះទេ ប៉ុន្តែថែមទាំងបង្កាត់ពូជ និងពង្រីកហ្វូងទៀតផង។
លោក Đặng Văn Mạnh ជំនាញការការិយាល័យសេដ្ឋកិច្ចឃុំ Tân Hưng ឱ្យដឹងថា៖ “បន្ទាប់ពីផ្តល់ពូជ និងចំណី រដ្ឋបាលឃុំបានចាត់មន្ត្រីចុះណែនាំបងប្អូនអំពីបច្ចេកទេសថែទាំ ដូច្នេះហ្វូងមាន់លូតលាស់ល្អ និងមិនសូវមានការខាតបង់។ បងប្អូនកសិករវាយតម្លៃថា ទម្រង់នេះងាយស្រួលចិញ្ចឹម តម្លៃលក់ខ្ពស់ពី ១២០-១៤០ ពាន់ដុងក្នុងមួយគីឡូក្រាម ហើយទីផ្សារលក់ចេញជាមូលដ្ឋានឆ្លើយតបបានតាមតម្រូវការប្រើប្រាស់ក្នុងមូលដ្ឋាន។ ឃុំមានទិសដៅពង្រីកទម្រង់នេះនាពេលខាងមុខ”។
មិនត្រឹមតែឈប់ត្រឹមការលក់សាច់ប៉ុណ្ណោះទេ ដោយមើលឃើញពីសក្តានុពលដ៏ធំធេងពីពូជមាន់ដ៏មានតម្លៃនេះ កសិករមួយចំនួនបានចាប់ផ្តើមបង្កាត់ពូជ និងពង្រីកហ្វូង។ បង Nguyễn Tấn Thường ភូមិ Phong Lưu A ឃុំ Tân Hưng បានឱ្យដឹងថា៖ “ពូជមាន់ម៉ុងឆាប់ធំ មិនសូវមានជំងឺ បន្ទាប់ពីចិញ្ចឹមបានជិត ៤ ខែ វាអាចមានទម្ងន់ដល់ ៣ គីឡូក្រាមក្នុងមួយក្បាល។ មាន់នេះមានសាច់ឆ្ងាញ់ តម្លៃសេដ្ឋកិច្ចខ្ពស់ ដូច្នេះខ្ញុំបានជ្រើសរើសមាន់ដែលស្អាត និងមានសុខភាពល្អដើម្បីបង្កាត់ពូជ”។
ការពង្រីកទម្រង់ដែលមានប្រសិទ្ធភាព និងការដាក់ចេញនូវទម្រង់ថ្មីដែលសមស្រប បានជួយឱ្យបងប្អូនបង្កើនចំណូល កែលម្អជីវភាពរស់នៅ និងរួមចំណែកអភិវឌ្ឍសេដ្ឋកិច្ចមូលដ្ឋាន។
Thuỳ Liên
