ពេលដែលនិយាយអំពីអត្តសញ្ញាណវប្បធម៌របស់ប្រជាជាតិមួយ ភាសាគឺជាសញ្ញាសម្គាល់ដំបូងមួយ។ នេះមុខសញ្ញាជាមូលដ្ឋានគ្រឹះសម្រាប់កំណត់អត្តសញ្ញាណ និងការបែងចែករវាងបណ្តាជនជាតិនឹងគ្នា ពីព្រោះភាសាគឺជាមធ្យោបាយសម្រាប់ទំនាក់ទំនង និងជាមុខសញ្ញាដើម្បីការអភិរក្សផងដែរ។
បណ្តាគ្រួសារជនជាតិ Hoa ទាំងឡាយគួរប្រើភាសា Triều Châu សម្រាប់ក្នុងការទំនាក់ទំនងជាប្រចាំថ្ងៃ។ (ក្នុងរូបថត៖ គ្រួសារជនជាតិ Hoa នៅសង្កាត់ Vĩnh Trạch)។
រួមជាមួយបណ្តាជនជាតិជាបងប្អូនដទៃទៀតនៅ Cà Mau សហគមន៍ជនជាតិ Hoa មានទំហំធំណាស់។ ក្នុងចំណោមពួកគេ ជនជាតិ Hoa ដែលមានដើមកំណើត Triều Châu ភាគច្រើននិយមប្រើភាសា Triều Châu ជាប្រចាំ។ កាលពីអតីតកាល នៅតាមទីផ្សារលក់ដុំ និងមណ្ឌលនៃទីផ្សារ Bạc Liêu (តាមបណ្តោយព្រែកទន្លេ Bạc Liêu សង្កាត់ Bạc Liêu) រាល់សកមម្មភាពខាងសេវាលក់ដូរសុទ្ធតែប្រើជាភាសា Triều Châu ដោយភាគច្រើនបណ្តាហាងលក់ទំនិញទាំងឡាយសុទ្ធតែជារបស់បងប្អូនជនជាតិ Triều Châu ធ្វើជាម្ចាស់។ ដូច្នេះ ការមិនអាចនិយាយភាសា Triều Châu បានសម្រាប់ការជួញដូរគឺវាជាការលំបាកយ៉ាងខ្លាំងណាស់ដែរ។
ការបង្រៀនខាងវប្បធម៌គួរប្រើភាសា Triều Châu ដើម្បីរួមចំណែកដល់ការអភិរក្សនូវភាសា និងអក្សរសាស្ត្រ។ (ក្នុងរូបថត៖ ថ្នាក់បង្រៀនតន្ត្រី Triều Châu នៅមហាវិទ្យាល័យ Bạc Liêu)។
ទោះជាយ៉ាងណាក៏ដោយ ក្នុងរយៈពេល ២០ ឆ្នាំកន្លងមកនេះ ការប្រើប្រាស់ជាភាសា Triều Châu ភាគច្រើនត្រូវបានកំណត់ចំពោះពិធីកិច្ចសាសនា ឬសកម្មភាពវប្បធម៌សហគមន៍ ដែលភាគច្រើនក្នុងចំណោមមនុស្សចាស់ ខណៈដែលយុវជនជំនាន់ក្រោយស្ទើរតែបាត់បង់សមត្ថភាពក្នុងការនិយាយភាសានេះ។ សម្រាប់បញ្ហានេះបានក្លាយជាកង្វល់យ៉ាងធ្ងន់ធ្ងរក្នុងការអភិរក្សភាសា និងវប្បធម៌ Triều Châu នៅ Cà Mau ផងដែរ។
មូលហេតុចម្បងគឺថា គ្រួសារជនជាតិ Hoa ជាច្រើនមិនបានយកចិត្តទុកដាក់ក្នុងការអភិរក្ស និងបង្រៀនភាសា Triều Châu នោះទេ។ លោក Lâm Văn Lợi នៅសង្កាត់ Vĩnh Trạch បាននិយាយថា “ពីមុន គ្រួសារ Hoa ទាំងឡាយតែងមានប្រពៃណីជាគ្រួសារមួយ ក្រៅពីរៀនភាសា Việt Nam នៅសាលាសាកល ការទំនាក់ទំនងជាប្រចាំថ្ងៃទាំងអស់ក្នុងសង្គមគ្រួសារត្រូវតែប្រើប្រាស់ភាសា Triều Châu ជាប្រចាំដាច់ខាត។ ប្រការនេះនឹងបង្កើតជាទម្លាប់នៃការប្រើប្រាស់ភាសាជាតិ និងរួមចំណែកដល់ការអភិរក្សវប្បធម៌ផងដែរ”។
សហគមន៍ជនជាតិ Triều Châu ប្រើភាសា Triều Châu ក្នុងពិធីបូជានៅវត្ត Bà Địa Mẫu សង្កាត់ Bạc Liêu។
ដើម្បីអភិរក្សាលក្ខណៈវប្បធម៌ពិសេសរបស់សហគមន៍របស់បណ្តាជនជាតិជាបងប្អូននៅ Cà Mau ក្រៅពីការពង្រីកនូវតួនាទីជា “ស្នូល” របស់គ្រួសារ និងពូជពង្សវង្សត្រកូលក្នុងការលើកទឹកចិត្តកូនចៅរបស់ពួកគេឱ្យខិតខំរៀន និងនិយាយភាសា Triều Châu ចាំបាច់ត្រូវមានការរៀបចំការប្រឡង និងចលនាដោយមានការចូលរួមពីអង្គភាព និងអង្គការដែលទទួលខុសត្រូវផងដែរ៕
Lâm Hỷ
