ប៉ុន្មានឆ្នាំកន្លងមកនេះ ជីវភាពសេដ្ឋកិច្ចរបស់បងប្អូនជនរួមជាតិ Khmer នៅឃុំ Quách Phẩm មានភាពប្រសើរឡើងជាសន្សឹមៗ ដោយសារការផ្លាស់ប្តូរទម្រង់ផលិតសមស្របទៅតាមលក្ខណៈភូមិភាគ។ ក្នុងនោះ លោក Sơn Chi នៅភូមិ Cái Keo ជាមួយនឹងទម្រង់ចិញ្ចឹមមាន់ គឺជាឧទាហរណ៍ដ៏សំខាន់មួយនៃក្តីជម្នះលើការលំបាក និងការអភិវឌ្ឍសេដ្ឋកិច្ចគ្រួសាររបស់ខ្លួន។
លោក Sơn Chi ថែទាំហ្វូងមាន់ក្នុងទ្រុងចិញ្ចឹមរបស់គ្រួសារ។
ផ្តើមពីស្ថានភាពគ្រួសារដែលត្រូវនៅផ្ទះដើម្បីមើលថែឪពុកចាស់ជរារបស់ខ្លួនដែលមានជំងឺ ហើយខ្លួនមិនអាចទៅធ្វើការនៅឆ្ងាយបាន លោក Sơn Chi បានជម្រើសដំណើរការថ្មីដែលផ្តើមពីទម្រង់នៃការចិញ្ចឹមខ្នាតតូច។ ដំបូងឡើយ មានមាន់ស្រែត្រឹមប៉ុន្មានក្បាលសម្រាប់យកពងប៉ុណ្ណោះ គាត់បានរៀនពីបទពិសោធន៍ ស្វែងយល់ខាងបច្ចេកទេសថែទាំ ការបង្ការជំងឺ និងកែលម្អទ្រុងមាន់របស់គាត់តាមរបៀបជាប្រព័ន្ធ និងធានាសុវត្ថិភាព។ សព្វថ្ងៃនេះ គ្រួសារលោកចិញ្ចឹមមាន់ជាង ៣០០ ក្បាល ដោយលក់ទាំងស៊ុត និងសាច់ ផ្តល់មកនូវប្រាក់ចំណូលស្ថិរភាពជាង ៥០ លានដុងក្នុងមួយឆ្នាំ។
លោក Sơn Chi បានចែករំលែកថា៖ «ដំបូងឡើយ គ្រួសារជួបប្រទះនឹងការលំបាកខ្លាំង ដូច្នេះហើយខ្ញុំក៏បានឆ្លៀតឱកាសទាញយកអត្ថប្រយោជន៍ពីធនធានដែលមានស្រាប់ដើម្បីចិញ្ចឹមមាន់សម្រាប់អភិវឌ្ឍសេដ្ឋកិច្ច។ ជាសន្សឹមៗ ដោយឃើញពីប្រសិទ្ធភាពនៃទម្រង់នេះ ខ្ញុំក៏បន្តពង្រីកការចិញ្ចឹម។ ដោយសារតែថែទាំបានល្អត្រឹមត្រូវ និងធានាគុណភាពផងនោះ អត្រាប្រាក់ចំណេញសម្រេចបានប្រហែល ៦០% នៃជីវភាពគ្រួសារកាន់តែមានស្ថិរភាពជាសន្សឹមៗផងដែរ»។
ចំណុចលេចធ្លោនៃទម្រង់នេះគឺថា វាមិនបានរត់តាមបរិមាណនោះទេ ប៉ុន្តែផ្តោតលើការកែលម្អគុណភាពផលិតផល និងសុវត្ថិភាពចំណីអាហារ ដោយហេតុនេះហើយ បង្កើតទីផ្សារដែលនឹងនរល្អ។ វាមិនត្រឹមតែបានជួយគ្រួសាររបស់គាត់បង្កើនប្រភពប្រាក់ចំណូលប៉ុណ្ណោះទេ ទម្រង់របស់លោក Chi ក៏បានបង្កើតឥទ្ធិពលជាវិជ្ជមានក្នុងសហគមន៍ផងដែរ ជាពិសេសក្នុងចំណោមជនជាតិភាគតិចនៅភូមិភាគ ដោយបើកទិសដៅអភិវឌ្ឍន៍សេដ្ឋកិច្ចជាក់ស្តែងដែលសមស្របសម្រាប់ឱ្យការផលិខ្នាតតូច។
ថ្នាក់ដឹកនាំភូមិភាគចុះពិនិត្យទម្រង់ចិញ្ចឹមមាន់របស់គ្រួសារលោក Sơn Chi ដើម្បីកំណត់ទិសដៅនៃការពង្រីកទម្រង់ផលិតយ៉ាងមានប្រិសទ្ធភាពក្នុងគ្រួសារប្រជាជន។
លោក Từ Văn Tăng អនុប្រធានការិយាល័យវប្បធម៌ និងសង្គមនៃឃុំ Quách Phẩm បានវាយតម្លៃថា៖ «ទម្រង់ចិញ្ចឹមមាន់របស់លោក Sơn Chi គឺជាទិសដៅអភិវឌ្ឍន៍ដែលសមស្របទៅនឹងលក្ខណៈរបស់ភូមិភាគ រួមចំណែកជួយគ្រួសារមានស្ថិរភាពខាងសេដ្ឋកិច្ច។ នាពេលបន្ត ភូមិភាគនឹងបន្តការលើកទឹកចិត្ត និងជួយឧបត្ថម្ភការពង្រីកទូលាយរាល់បណ្តាទម្រង់មានប្រសិទ្ធភាពបែបនេះដើម្បីលើកកម្ពស់ជីវភាពរស់នៅជូនបងប្អូនប្រជាជន»។
តាមរយៈទម្រង់ចិញ្ចឹមសត្វខ្នាតតូច ប៉ុន្តែមានប្រសិទ្ធភាពនេះ លោក Sơn Chi ក៏បានបង្ហាញពីភាពប៉ិនប្រសប់ ភាពឧស្សាហ៍ព្យាយាម និងការតាំងចិត្តរបស់បងប្អូនប្រជាជនក្នុងតំបន់ជនរួមជាតិ Khmer ផងដែរ។ ស្របស្របជាមួយគោលនយោបាយអភិវឌ្ឍន៍សេដ្ឋកិច្ចគ្រួសារ ដែលភ្ជាប់ទៅនឹងការកាត់បន្ថយភាពក្រីក្រប្រកបដោយចីរភាព និងលើកកម្ពស់ការអភិវឌ្ឍសេដ្ឋកិច្ច-សង្គមនៅភូមិភាគ៕
Trịnh Hồng Nhi
